الأسئلة والاستفسارات عن كلية طب الأسنان ..

[_Sora]

السلام عليكم و رحمة الله و بركاته
كيف حالكم ي اسنانيات و اسنانيين؟ .. ان شاالله بخير و بصحة و عافيه
الصراحة ما ادري ايش جابني هنا ف دا الوقت
ما عندي سؤال ولا استفسار بس اللهم ودي أستشيركم ف حاجه
ممممم امنيتي من اول يوم دخلت باب الجامعة أني ما اخرج من التحضيري
الا وانا جايبة معدل عالي عشان اتخصص أسنان
الأسنان كان حلمي من سنيييين .. لو تلاحظو،
اول موضوع ليا كان ف قسمكم، كنت اقرأ عنو كتيررر و منجد حبيتو.
بعد ما رد عليا الاخ مزاج والاخت نانووك اتحمست بزيادة مع كلماتهم
و من يومها بقوة شديت حيلي في الاختبارات النصفية، النهائية، قدرات و تحصيلي....
و بتوفيق من الله الحمدلله اجتزت اول عتبة و دخلت الجامعة
لكن للأسف لسبب حتى انا اجهلو.. دا الحلم بدا يتلاشى مع مرور الوقت
مع أني الحمدلله ما أواجه ضغوط في المزاكره
خطة ب جداً سهلة و بما أني مستوى رابع ف الانجلش
تقريبا تلاتة ارباع اليوم اجلس فاضيه ...
ادري المفروض استغل الوقت دا لكن زي ما قلت هدفي بدا يتلاشى
و سرت مرات أتردد و اقول لنفسي ادخل حاسب و أريح دماغي
و مرات اقول احول انتساب و اتخصص أنجلش لانو مادتي المفضلة و استمتع احسن
و تجي ايام والله أسير زي هديك الضايعة، ما ادري ايش أبغى
أممممم المهم ما أبا أطول عليكم
ودي لو احد يعطيني دافع للاجتهاد عشان اتخصص أسنان بإذن الله
^ هادا ازا كان ف بالكم وحده كسلانة تحب الاكل و الشرب و متابعة انمي و دراما معظم الوقت
تستحق تدخل قسمكم الخونفوراشي ._.
بيني و بينكم انا عارفه نفسي من يومي ما احب ازاكر
و أخاف ادخل أسنان و استمر على دا الحال
و بعدين الطب يبغالو نزاكر اوووووول باول لانو رح تكون ارواح الناس بين يدنا من بعض الله
و هادي مسئولية جداًاا كبيرة قدام ربنا و ما أبغى أتهاون فيها ..

مممم مو من عادتي اكتب عن مشكله تواجهني ف يارب تكونو فهمتو ايش ابغى
أسفة ع الإطالة .. ادري انو الاكزامز ع الأبواب و محد فاضيلي
لكن اتمنى و لو كلمتين تِِِعيد ليا همتي و اجتهادي
ولكم مني دعوات من صميم قلبي
شكرًا مقدما :$

[محمد عماد]

وعليكم السلام ورحمة الله وبركاته

اذا ما عندك مانع راح اجواب
بس انا مني في الأسنان
انا بشري .. يعني جاركم مو بعيد عنكم

لازم تحددي هدفك من الأن .. وحاولي تقرأي عن كل التخصصات عشان يكون لك خلفية عنها
وعشان لما تدخلي تخصصك تكوني مقتنعة فيه

حاليا .. وقت فراغك في الجامعة استغليه في دراستك
لكن بعدين في الإجازات والويك اند ممكن تقرأ او تطلعي على اي شيء له علاقة بالطب
مثلا : ممكن تقرأي عن امراض القلب او الفشل الكلوي .. او ممكن تقرأي عن الأناتومي

اما بالنسبة لدراسة الطب
ترا الطب سهل جدا وممتع بس بشرط واحد :
انك تذاكري اول بأول وما تراكم الدروس على بعض
لانه اذا تراكمت الدروس الله يعنيك .. الطب حيتحول الى جحيم

وطبعا الطب غير كل التخصصات من ناحية التعب والضغط والكرف
ولازم تضحي بأشياء من اجله
بس قد ما تتعب قد ما تحصل على مراتب اعلى في تخصصك


موفقة

[wajo0odah]

بصراحه انتي زيي اول ما دخلت الجامعه وكنت محتاره بين البشري والاسنان واستقريت ع الاسنان
وجات فتره من الفترات جاني فيها تبلد وصار مايهمني شي لا طموح ولا اي حاجه وع نهايه السنه انتبهت لنفسي بس بعد ايش
لما نزلت التخصصات تفاجأت اني تخصصت علوم على ان معدلي حلو كان وقتها لحقت نفسي وتداركت اللي صار وحولت لكليه ابن سينا طب اسنان والحمدلله مرره مبسوطه ومستمتعه بالتخصص
نصيحه تغلبي على هذا الشعووور وفكري بطموحك والله بوفقك ويكتب لك اللي فيه الخير
بعدين ترا الحاسب صعععب ولاهو سهل زي ما انتي متخيله
بس اولا واخيرا استخيري ربي وهو راح ييسر لك امورك

[_Sora]

اوبسس سوري الرد متاخر شويتين .. اتوقعت اني انطنشت

المشاركة الأصلية كتبت بواسطة محمد عماد وعليكم السلام ورحمة الله وبركاته اذا ما عندك مانع راح اجواب بالعكس عادي مرره خد راحتك بس انا مني في الأسنان انا بشري .. يعني جاركم مو بعيد عنكم لازم تحددي هدفك من الأن .. وحاولي تقرأي عن كل التخصصات عشان يكون لك خلفية عنها وعشان لما تدخلي تخصصك تكوني مقتنعة فيه حاليا .. وقت فراغك في الجامعة استغليه في دراستك لكن بعدين في الإجازات والويك اند ممكن تقرأ او تطلعي على اي شيء له علاقة بالطب مثلا : ممكن تقرأي عن امراض القلب او الفشل الكلوي .. او ممكن تقرأي عن الأناتومي اما بالنسبة لدراسة الطب ترا الطب سهل جدا وممتع بس بشرط واحد : انك تذاكري اول بأول وما تراكم الدروس على بعض لانه اذا تراكمت الدروس الله يعنيك .. الطب حيتحول الى جحيم وطبعا الطب غير كل التخصصات من ناحية التعب والضغط والكرف ولازم تضحي بأشياء من اجله بس قد ما تتعب قد ما تحصل على مراتب اعلى في تخصصك موفقة

شكرا اخ محمد وربي انك صادق .. رح اقرأ زياده و استخير كتير
ومحل ما ربنا يحطني ان شاالله ارضا ..
اختبار الاحصاء اليوم كان جدا ممتع و يبشر بالخير الصراحه :)
الله يسعدك و يوفقك محل ما كنت يآرب و تسير دكتور بشري أد الدونيا

المشاركة الأصلية كتبت بواسطة wajo0odah بصراحه انتي زيي اول ما دخلت الجامعه وكنت محتاره بين البشري والاسنان واستقريت ع الاسنان وجات فتره من الفترات جاني فيها تبلد وصار مايهمني شي لا طموح ولا اي حاجه وع نهايه السنه انتبهت لنفسي بس بعد ايش لما نزلت التخصصات تفاجأت اني تخصصت علوم على ان معدلي حلو كان وقتها لحقت نفسي وتداركت اللي صار وحولت لكليه ابن سينا طب اسنان والحمدلله مرره مبسوطه ومستمتعه بالتخصص نصيحه تغلبي على هذا الشعووور وفكري بطموحك والله بوفقك ويكتب لك اللي فيه الخير بعدين ترا الحاسب صعععب ولاهو سهل زي ما انتي متخيله بس اولا واخيرا استخيري ربي وهو راح ييسر لك امورك

منجد وربي شعور التبلد دا مره مقرف
لكن ان شاالله برجع ازاكر و اجتهد اكتر و اكتر من اول
اختبار الاحصاء اليوم كان مره حلو و حمسني لباقي الاختبارات
الله يوفقك و يسهلك كل امورك ي قلبي مررره شكرا
ان شاالله نتقابل في يوم من الايام في المستشفى
و نحنا نشتغل ف اسنان الناس خخخخخ