شعوري

[RHF]

ممممم كلية الاقتصاد والادارة ,,

مرة مبسوطة لانو اصلن مافي شي ينفعلي غير دي الكلية ههههه

اهم شي سوي اختبار ميول و فكري ايش الشي الي حتستحمليه كدراسة و حتعيشي حياتك كلها وهو معاكي

//

بالنسبة ليا كان صدمة لاهلي ، ومرة زعلو مني ، مع اني مهدت لهم كتير اني حدخل الكلية دي بس ما كانو اخدين كلامي بجدية ،

فانتي لا تصدميهم ههههههه من بدري قوليلهم ناوية على ايش عشان لو زعلو ما تكون الصدمة جامدة وقت تتخصصي

واهم شي ادخلي الي انتي تبغيه ولا تمشي على كيف احد ،

//

ممممممم لمن دخلت الكلية طبعن بدأنا الترم التالت ( الاول و التاني تحضيري )

المهم كانت المواد عادية ، الدراسة بالانقلش ( مستجد - اعمال عام )

فيه السهل و فيه الوسط ،

والأن في الترم الرابع ممممم بدأت المواد تصعب ،

وعالترم الخامس حتصعب اكتر ههههههه

يعني احسن الواحد يمشي عالخطة عشان يتدرج في الصعوبة وما ياخد شي قبل وقتو

بعد الترم الخامس حنتخصص واحد من التخصصات دي ؟

محاسبة ، تمويل ، موارد بشرية ، تسويق ، نظم معلومات ادارية ، ومدري ازا في غيرهم

//

بالنسبة للدكاترة الصراحة لازم تختاري مزبوط و تسوي جدولك على حسب الدكتور/ة ،،

احنا اغلب اختباراتنا موحدة مع الاولاد فما تهم الاسئلة في كل الاحوال موحدة ،

لاكن الشرح لو دورو بدل ما تحسي انك ضايعة وقت المزاكرة و كدا

//

بالنسبة للقبول في الكلية مدري وقف على كم ، بس انا كان المعدل اعلى من المطلوب بكتير ، وكنت مرتاحة مرة ،

كل ما كان معدلك اعلى ، كل ما زادت فرصتك في كل الكليات ، وكل ما انتي كنتي مرتاحة و مو شايلة هم ،

هم يحطو النسبة او المعدل مدري الموزون ، المهم اللي يكون ، يحطوه على اساس درجات الدفعة وزي كدا ، فكل سنة غيير عن السنة الي قبلها

//

الكلية مرة مبسوطة فيها ، مستمتعة بالدراسة ،

ويلا عقبالكم تتخصصو اللي تبغوه ان شاء الله ,

موفقين