~![ طالبات ((خطة أ)) ممكن تتفضلوا ]!~

[الجمانة]

الانجليزي / آلاء العدناني ، آلاء مليباري ، دينا مساوى ، نايلة زنجر ، دلال الصنيع

الرياضيات / أماني با جمال << كويسة بس لازم أول بأول و في نفس الوقت أحسها تفهم فاهمين

تحليل كمي / سوزان أبو العينين ممتااازة مرررة و هي أحسن وحدة في التحليل الكمي

ثقافة / رشا رجب ماشي حالها الأسئلة كانت سيئة

عربي / خلود الصالح ماشي حالها أصلا المنهج أهبل

حاسب / أميمة المطرفي كويسة بس تابعي معاها مررة تعبت معانا في الأكسس و الاكسل

ووووبس


كنت أقول عالخطة هذي صعبة بس لو جيت للواقع جدا سهلة بس احنا متفاجئين بكل شي
و ان شاء الله ربي يوفقك

[عاشقة الندى]

السلام عليكم ورحم الله وبركاتهــ

بالنسبة للثقافة اخدتها مع الأستاذة مي مدهون >>>> انصحك تاخدي معاها مرررررة شرحها حلو وتخليكي تندمجي معاها بالمحاضرة...
(( اكثر شي يعتمد عالفهم وتركيزك وانتي بتذاكري ))

وبالنسبة للحاسب كانت مع الدكتورة منال عبدالعزيز (( مصرية))>>>> بالمررررة ماانصحك تاخدي معاها... (( احس المادة اكثر شي تعتمد على معلوماتك بالحاسب بس بشكل عام جدا سهلة ولا تخافي من شكل الكتاب ))

والرياضيات مع الدكتورة شذى منقل>>> انا اشوف انها كويسة بالمرة وتعطيكي الخلاصة وشرحها طيب مع انها كانت تشرح بسرعة بس معاها حق لانو اصلا ماكان في وقت بس تراها جدية يعني بالمرة مو حقت لعب..(( المادة جدا سهلة ولا تخافي منها انتي ذاكري كويس وصدقيني باذن الله بتجيبي درجة حلوة ))

التحليل الكمي مع الدكتورة نيرمين فهمي >>> شرحها طيب ودمها خفيف...
(( بصراحة التحليل سهل بس اهم شي تكوني حافظة القوانين صم ولا تنسي تذاكريه بعد الرياضيات))

العربي مع الاستاذة فريدة معاجيني >>> شرحها حلو بس مشكلتها انو لا تفكري تساعدك بشي يعني كل مانسالها عن حاجة تقول كلو معاكم من الجلدة للجلدة ...
(( بصراحة انا اكره العربي بس الحمد لله مشيت فيها يعني احفظي القاعدات كويس وراح تمشي))

ان شاء الله اكون افدتك بالتوفيق ...