هنا حل لمشكلة الترم الصيفي...أعتقد أنه الأمثل

[WLD KSA]

السؤال الان كيف نوصل اقتراحك العظيم

[ماليزي]

المشاركة الأصلية كتبت بواسطة wld ksa السؤال الان كيف نوصل اقتراحك العظيم

عظيم عاد!!!!

شوف ياحبيبي ... هاللي تشوفهم بالجامعه ودكاترة وماسكين ادارات عليا ويدودلون روسهم رايحين جايين والله ماعندهم سالفة ولايدرون كيف يديرون هالأمور.....اذا انك من اهل جدة تبرع وخذ هالموضوع بورقة ودخل على مدير الجامعة ((عفوا ..معالي مدير الجامعة)) وشف رده..لأنه ماينفع ابدا معهم شيء اسمه معاملة الكترونية ...اطلاقا..

انا اتذكر زمان قبل سنتين ماكانت عندنا ايقونة حذف واضافة بالتعليم عن بعد مع انه بالمقابل طلاب الانتساب عندهم وكانوا طلاب التعليم عن بعد اللي في جدة مبسوطين لأنهم هم الوحيدين اللي يقدرون يحذفون ويضيفون بحكم قربهم من الجامعة واحنا مساكين لنا الله ياأهل الرياض...ولما رحت انا ومعي واحد من الزملاء وكلنا من طلاب الرياض ودخلنا على مسؤول كبير في التعليم عن بعد تدرون وش قال ((انا اول مرة ادري ان طلاب التعليم عن بعد ماعندهم ايقونة حذف واضافة)) ودق على قسم التقنية وسألهم واكدوله المعلومة ..قام وحنا عنده واعد خطاب للتقنية واضاف الأيقونة...في المحصلة الأخيره ان الطاسة ضايعة في التعليم عن بعد من ناحية الادارة...
لا وازيدكم من الشعر بيت....لقيت تليفوناتهم مقطعه كلها وقلت طيب كيف نتواصل معكم .. مو انتم التعليم عن بعد يعني المشاكل المفرض تحل عن بعد...قالو ان شالله بنصلحها ,,,والغريبة جيتهم بعد سنة ولا زالت التليفونات مقطعه...((لا حول ولاقوة الا بالله))..

لو كنا حنا ياطلاب الرياض ((ولا قصورن باخويانا في بقية المناطق)) الادارة عندنا كان نشبنا في حلوقهم ... بس البعد ذبحنا والخط والحجوزات بهدلتنا..

ياحبايب لا تظنون ان اللي في الجامعة احرص عليكم من انفسكم...بالنسبة لي ولبعض الزملاء قربنا نخلص ولا همنا هالحين ضبطو التعليم عن بعد والا الغوه...

والقلب داعيلكم