دفعتكم غير :) .. معلومات على كيف كيفك للمسار الإداري

[طيوف الفرح]

ماشاااء الله موضووع متكامل وقمة الرووعه
يعطيك العافيه كفيتي ووفيتي واصلي ابداعك
اتمنى التوفيق لدفعه13

[Small Lawyer]

بآك مع تجربتي في التحضيري ونصائحي المتواضعة

طبعاً بعد الشكر لصاحبة الموضوع على مجهودها الواضح الرائع حابه اقول لدفعة 13 كم كلمة


بسم الله نبدأ مع خطة [ ب] :

الاحصاء : مادة جديدة علينا وخاصة للي كان ادبي ، بس ابداً ماهي مادة مستحيلة مع المذاكرة اول بأول .. انا جربت د. لبنى الطيب مصرية عسل وشرحها جداً كويس بس اهم شي تكوني جالسه قدام عشان تركزي وتبعدي عن ازعاج اللي ورى ( ويارب ماتخدوها في مبنى 10 الجميل )

مهارات الاتصال : اححححلى مادة في االتحضيري ، كلامها حلو ومفهوم بس المنهج طويل شويه يعني لازم مايتراكم عليكم .. وبإذن الله a+ وانتوا مغمضين ، وللبنات لو كنتوا عند استاذة رغداء قطب ياحظم ولا تخافوا ماشاء الله عليها شرح وأخلاق وتعطيكم حقكم بس مافي تأخير عن المحاضرة

مهارات التفكير : مادة صراحة مالها داعي كلامها كتير وفيها شبه من المكتبة ولاااازم لها اول بأول لا تغلطوا غلطتييي ، كنت عند د. آمال غزاوي مممم الله يسامحها بس ، كتير يمدحوا في اميرة النمر وكل وحدة وحظها

الانقلش : مدة المحاضرة 4 ساعات بس الاستفادة اقل بكتييير !!! واللي مش ولابد في اللغة ضروري يدخل دورة او يكثف دراسته عشان يعدي ان شاء الله ، مااخوفكم بس ضروووري لان الانقلش عمل ازمة لدفعتنا

[Small Lawyer]

والترم التاني خطة [ أ ]

الرياضيات : المنهج كان نفس تبع المتوسط يعني اساسيات الرياضيات ، بس برضو لا تستهينوا فيه ،، استاذتي استاذة وديان باصفار جداً جداً رائعة ماشاء الله تشرح من قلب

الحاسب الآلي : نفس منهج الثانوي بالتمام تبع اولى وثاني وثالث ثانوي ، مادة سهلة واختباراتها حلوة

العربي 1 : كمان اساسيات النحو وفي جزء حفظ ، المادة طويلة شويه بس كلام مكرر يعني مو صعب ان شاء الله ... مع استاذة منيرة باحمدين احلى واحلى

الثقااافة 1 : مادة سهلة واللي يقول غير كدا يكون غير عادل لان كلامها مُعاد من الابتدائي الى االثانوي ، ولكن يعيب المادة كمية المنهج طوووويل جداً وخاصة مع استاذتي ماشاء الله كان فيها بروود يعني لازم مع اللكمية الهائلة ان الاستاذة تسرع حبتين عشان يمشي المنهج وضروري ضرووري انكم ماتفتحوا الكتاب اول مرة ليلة الاختبااار


مع العلم انا كنت في السليمانية الفرع الرئيسي للجامعة وأي سؤال انا جاهزة بعد إذن الحلوة صاحبة الموضوع .. وبالتوفيق لكم يارب وان شاء الله a+ في كل المواد