موضوع شامل: تخصصات الهندسة &مجالات العمل للشباب والبنات

[عزجهينة1]

المشاركة الأصلية كتبت بواسطة eva160 انا راح اشارككم تجربتي مع تخصص هندسه كيميائيه من جامعه ماساتشوسس امهرست تخصص هندسه كيميائيه معظم المواد اللي درستها لها علاقه بالفيزياء والكيمياء والرياضيات، هوا صح التخصصات الهندسيه مو سهله يبالها مزاكره اول باول ولازم تكونوا مجموعه تزاكروا مع بعض وتساعدو بعض، مستحيل تزاكروا لحالكم، ولازم شخصيتكم تكون قويه في جميع قراراتك هوا امكن كده ماده تجيبيوا a- او b- اقل حاجه c- المهم معدلكم لازم يكون فوق 3.5 من 5 او 2.5 من 4 للتوظيف في المستقبل التخصص هندسه كيميائيه حلو لانو مجالها واسع في التوظيف الصيدله في صناعه الادويه مختبرات تقنيه طبيه البتروكيميائيه مثال شركات ارامكو، سابك، صداره شركات صناعه الاغذيه والمأكلولات مثال البيبسي شركات صناعه الاجهزه والكمبيوتر مثال جينيرال اليكتريك شركات في صناعه البلاستيك في مجال الطب يبالكم تدرسوا دكتوراه تخصص هندسه التسج هما اللي بيقوموا زراعه الاعضاء مثال الجلد او عظام وغيرها وفي مجال الطب تاني تدرسوا دكتوراه تخصص هندسه طبيه حيويه هما اللي يعملوا بحث في علاج امراض السرطان او السكر وغيرها كان في مرض اسمها بكتيريا الخضار اللي انتشر في المانيا قبل سنه اعتقد وسبب الموت بالاف الاشخاص، ماشاء الله اللي اكتشفوا علاج للمرض دكتور من جامعه الملك فهد البترول والمعادن وتخصصوا هندسه كيميائيه القائمه مره طويله في التوظيف والبيئه العمل راح تكون مختلطه يبالكم تعملوا بحث زياده عن التخصص وتستخيروا ربنا حاولوا تقرؤوا http://en.wikipedia.org/wiki/chemical_engineering ان شاء الله راح يفيدكم معلومات زياده عن التخصص ربنا يوفقكم ويكتب لكم الخير

يالله يالله جميل جميل جميل ههه ماشاء الله ردك مفيد جدا
بس اذا ممكن عندي استفسار بسيط :
انتي بنت كيف درستي هندسة في امريكا يعني مافكرتي وين تتوظفين لانه السعودية توها تفك هندسة للبنات ؟
2- هل الجامعة متخصصة بالهندسة اقصد قوية بالهندسة وايش الاقسام الموجودة فيها ؟ وشكرا لك..

[Eva160]

المشاركة الأصلية كتبت بواسطة عزجهينة1 يالله يالله جميل جميل جميل ههه ماشاء الله ردك مفيد جدا بس اذا ممكن عندي استفسار بسيط : انتي بنت كيف درستي هندسة في امريكا يعني مافكرتي وين تتوظفين لانه السعودية توها تفك هندسة للبنات ؟ 2- هل الجامعة متخصصة بالهندسة اقصد قوية بالهندسة وايش الاقسام الموجودة فيها ؟ وشكرا لك..

بخصوص الهندسة الكهربائيه وهندسه الحاسبات وهندسه معماريه موجوده في جامعه عفت من أول.

اما هندسه كيميائيه للبنات لسا مو موجوده في السعوديه، وبالصراحه حسيت الشعب السعودي لما يسمعوا هندسه كيميائيه يقولوا خلاص وظيفتي بتروكيميائيه او شركات ولا احد فكر اقدر اشتغل في المستشفيات "صيدله اومختبرات او تقنيه طبيه" وفي الجامعات والبنات ماعندهم مجال للتوظيف في السعوديه.

الحمدلله جاني قبول للتدريب مع شركتين ارامكو والروابي، ان شاء الله راح ابدأ تدريبي مع ارامكو من يوم الاتنين.

هوا على حسب الجامعه مثال الجامعه اللي انا بدرس تعتبر تاني أقوى جامعه في التخصص هندسه كيميائيه بعد جامعه mit في ولايه ماساتشوستس، متوفره فيها جميع تخصصات الهندسيه.