[ تَم ] فتح باب التسجيل لقبول الطلبه | السعوديين والمقيمين | في برنآمج الانتظام

[dr.ro0ody]

اول حاجة انا كانت نسبتي 81 وانقبلت في فرع الشرفية

احب اقولك كم حاجة
_ ادا انقبلتي في الشرفية مرررة حلو __ انا عارفة في البداية راح تزعلي وتقولي ابغا الفرع الرئيسي
بس صدقيني الشرفيه احسن وافضل
اول حاجة اللي معاكي كلهم زيك تحضيري ماافي احد اكبر منك هناك __وراح تكونوا كلكم في سن بعض وتعرفوا بعض ولكم حايسين نفس الحوسة ولكن الفرع الرئيسي تلاقي تحضيري مع تخصصات واكبر منك ولاتعرفي تسألي مين وشعب كبيييييييييييييييييييييييييييييييييييييييييييييييي ييييييير وراح تضيعي
تاني حاجة الشرفيه صغيرة وتناسبك كـ طالبة خارجة من التنوي ولسا اول سنة على الجامعة لانها صغيرة والمباني جنب بعض
هيا كلها مبنى 3و6 بس تدرسوا فيها
ولكن الجامعة كلها اصلا شوارع ومباني بعيدة عن بعض وكل محاضرة في مبنى وتتأخري على محاضراتك وهيا كلها بريك 10 دقايق ومو كل مرة تلاقي قولف ! فتضطري تمشي على رجولك في الشمس والحر
الشرفيه كلوا جنب بعض



_سواء انقبلتي في الفرع الرئيسي او الشرفيه تقدري تتخصصي طب بشري او اسنان او صيدله او علوم طبية او اي تخصص في بالك
لان نفس الدراسه في الشرفيه والسليمانية ونفس الكتب ونفس المناهج ونفس النظام ونفس الاسئلة
مافي ولاشي يختلف سواء في السليمانية او في الشرفيه


انا في التحضيري كنت في الشرفيه بس الحمدالله معدلي تمام واول رغبه ليا صيدله ! ماافي شي يفرق


الاهم ثم الاهم ثم الاهم المعدل العاااااااالي
ادا كان معدلك عالي تقدري تختاري التخصص اللي تبغيه


الله يوفقــــك يااااارب واي مساعدة انا موجودة