تجارب طلاب وطالبات التعليم عن بعد |السنه التحضيريه| لطريقة المذاكرة وفهم المواد

[الايمان نبض الحياه]

حلووه فكرة الموضوع

اول شيء التوكل على الله .. ثانيا المحاضرات مهممه جدا والافضل الحضور المباشر الا للي عندهم ضروف طبعا

+ المذاكره اولا بأول لكل المواد+ اسئلة الدفعات السابقه (اسئلة الاختبارات النهائيه).

طريقة المذاكره بتكلم عن كل ماده لوحدها.

الماث مع د.ايمان العيدروس.. الشيء الاساسي في هذي الماده المذاكره اولا بأول وحل التماريـــــــــــن بكثره

(كل التمارين سواء بالكتاب او الماده المطوره بالايميس او الواجبات )ولو اسلوب الاستاذه ف الشرح ما ناسبني

ارجع لمحاضرات الانتساب .. طبعا الماده عباره عن اساسيات الرياضيات وسواء كنتي علمي او ادبي بالثانوي

ماراح تلاقين صعوبه بإذن الله .

العربي مع أ.هلاله الحارثي.. عملت ملخص كامل للماده وهذي طريقتي ف المذاكره لاني

م احب امسك كتاب طويل وانا اقدر اختصره وكمان تساعدني الكتابه على تثبيت المعلومه بشكل افضل ..

الماده عباره عن اساسيات النحو مع بعض التفصيلات + اساسيات الاملاء .

الثقافه مع د. فاطمه الجلسي : اكتفيت بالماده المطوره بالايميس + ملخص الغريب الشمري .

الحاسب مع د. لمياء : التطبيق العملي للدروس العمليه اما الفصول النظريه تلخيص كتابي + الماده المطوره

بالايميس.

الالكا 101 مع أ . روزا الريمي : التمارين اللي تحلها الاستاذه معانا وملخص للقواعد والفوكاب .

مواد الترم الثاني

الاحصاء مع د.سهيله الجيار: محاضرات الانتساب وحل التمارين بكثره نفس طريقة الماث تقريبا بس هنا يحتاج

فهم وااضح عشان كذا انا كنت اسمع محاضرتين او اكثر لنفس الدرس احيانا.

التفكير مع أ.سمر الخليفي : تركيز في المحاضره لان الماده تحتاج فهههم + تلخيص كتابي بطريقة الخرائط

الذهنيه.

الاتصال مع أ . سمر الخليفي: هذي اسهل ماده .. طبعا نفس الشيء لخصت الماده + الماده المطوره بالايميس.

الكا 102 مع د.شيرين الديب : التمارين اللي تحلها الاستاذه معانا + تلخيص القواعد والفوكاب .

طبعا هذي طريقتي ف المذاكره ومو شرط اللي يناسبني يناسب غيري في النهايه كل انسان له طريقه خاصه

يقدر يستوعب ويذاكر فيها .

الخلاصه ان السنه التحضيريه ممتعه والمواد م فيها اي صعوبه ولله الحمد .

سبحان الله العظيم وبحمده