تكفون ساعدوني في الجدول

[Eng.Ashraf]

الجدول كويس بس اقترح عليك في الترم الثاني ياإنك تأجل Math203 للترم اللي بعده او تأجل IE201

و المادة ذي باختصار عبارة عن جزئين ( اسبوع الجزء الاول و اسبوع الجزء الثاني )

الجزء الاول اللي هو Concept /
و هو عبارة عن مفاهيم و اساليب في التفكير الابداعي و ايجاد الحلول للمشاكل بطرق هندسية ابداعية
و فيها الكثير من الاساليب و الطرق اللي راح تتعلمها و تختبر فيها كثير .
خذ في بالك الاختبارات او الكويزات في ذا الكورس كثيرة و هيا كل سبت و اثنين و ربوع
من اسبوع الـ Concept و ممكن ما تجتاز الاختبار فيكون فيه اعادة في اسبوع المعمل
و فيها قوانين و كلام كثير بيعلموكم هوا في اول اسبوع .

الجزء الثاني هو Laboratory ( المعمل ) /
و لايغريك الاسم كل المحاضرات في نفس المكان سواء لاب او كونسيبت
في اللاب بتطبق كل اللي درسوك في الكونسبت على مشروع تسويه مع القروب او التيم اللي انحطيت معاه .
طبعا في تقارير و واجبات كثيرة و طويلة و التيم اللي بتنحط معاهم في الغالب ما تعرفهم

عموما المادة شوية مربكة و معقده و راح تتعب معاها شوي لكن صدقني لو سويت كل شئ
زي ماهو مطلوب حتآخذ A على طول و حاول تسأل عن دكتور كويس و تروح شعبته