تجمع لطالبات المستوى السابع موارد بشريه

[ba7r el masha3r]

(هذا موضوع آخر تم دمجه ليتوحد التجمع )
السلام عليكم ياصباايا

كيفكم إن شاء الله الجميع بخير ,

أول شي حابه أعيد على الجميع بمناسبة قرب عيد الاضحى واللي باقي عليه22 يوم تقريبا
ثاني شي ليش مو شايفة حماس زي الترم اللي فات واللي قبله ما اشوف مواضيع لهذا الترم لمستوى السابع عااد شدوو حيلكم يلا هااانت ماباقي الا ترمين ونتخرج
المفروض يسجلونا خريجات الجامعه العسكرية والقوانين الملخبطه

عارفه انو في مشكله بالمواد بس احنا على ما اعتقد المفروض تنزلنا المواد للي ماشين على الخطه واللي ماحذفو ولا اضافو غير المواد الاختياريه واللي ماحملت ولا ماده صح ولا أنا غلطانة ؟

وبالنسبة لي انا المفروض السمستر السابع اخذ 5 مواد زي اللي بالخطة الدراسية لكلية الاعمال قسم الموارد البشريه واللي هي :

التطوير التنظيمي HR411
تطوير الموارد البشرية HR412
نظم معلومات الموارد البشريه HR413

وجميع هذه المواد الثلاثه لهم متطلب ماده HR251 واللي هي مادة " مقدمة في ادارة الموارد البشريه" واعتقد انو الجميع اخذها

وفي عندي بالخطة الماده الرابعه وهي ادارة مشاريع MRK455

واخر ماده وهي مقرر اختياري وعلى حسب علمي انو المقرر الاختياري بس هوا اللي نضيفه للجدول بالنسبة للي ماشين على الخطه
وجدول المواد الاختياريه هي :
http://cob.rb.kau.edu.sa/Pages-%D8%A...%8A%D8%A9.aspx

وشدوووووو حيلكم ونبي تفاعل وحماس من بداية الترم وخلوو همتكم عاليه رااح الكثير وماباقي الا القليل وبطلوو تشائم وتأفف ومو عاجبكم العجب خلونا نقول الحمدالله على نعمه الكثيره خذو الطرف المليان من الكاسه مو الطرف الفاضي << حكم ياحبيبي حكم