برنامج خادم الحرمين الشريفين للابتعاث الخارجي المرحلة الثامنة 1433

[Reflection]

المشاركة الأصلية كتبت بواسطة هيفاء عبدالرحمن السلام عليكم مبروك للي انقبلوا ف البعثه و عقبال الشهادة يارب :) عندي مجموعة اسئلة : اولا بالنسبة لقبول المعهد هل الوزارة توفره لنا ولا الطلبة نفسهم يدورون و يجيبون القبول ؟ ثانيا في حال كان قبول المعهد على الطالب عادي أختار أي ولايه و لا في الملتقى راح يعطونا خبر حنا فأي ولايه ؟ ثالثا هل الضمان المالي الواجب توافره لقبول المعهد يسلم للطلبة بعد الملتقى ؟ رابعا بخصوص المعاهد التابعه للجامعات هل اغلبيتها تطالب بشهادة التوفل او الايلتس ؟ شكرا جزيلا

1-
انتي توفري القبول لو حبيتي في اي ولاية تبغيها في اي مدينة تبغيها بشرط ما يكون المعهد متكدس ، و لو حبيتي تخلي الوزارة يحطوكي راح يحطوكي بس انتي وحظك اتوقع يمكن يودوكي الاسكا

2-
زي ما قلت اول ،، انتي تختاري الولاية اللي تناااسبك والمكان اللي يناسبك. ولاية فلوريدا مقفله بالكامل ماعدا كم جامعة وتخصصات قليلة .. و نيفادا اتوقع مقفله .. بعض الولايات زي كلورادو مقفل معاهدها بسبب التكدس لكن جامعات مفتوحة (وهنا نقطة انه لو جبتي قبول من الجامعة مشروط يمكن يقبلوكي في المعهد حتى لو متكدس)

3-
اتوقع زي العام وقت الملتقى ارسلوه بالايميل للطلاب .. راح يبان ان شاء الله بكره مع اول حضور للطلبة في مدينة الرياض و نعرف كيف سيتم التعامل مع الضمان المالي.

4-
لا مافي ولا معهد يطلب منك توفل او ايلتس ،، ثلاث ارباع المعاهد كل اللي يطلبوه رسوم التقديم (تختلف من معهد لاخر) + صورة الجواز + الضمان المالي ،،

لو كان عندك توفل او آيلتس تقدري تشوفي جامعة تقبلك (قبول مشروط) .. مثلا الجامعة تطلب فالتوفل 80 او 6.5 فالـايلتس و نفترض انك جايبة 70 فالتوفل او 5 ايلتس .. ترسلي للجامعة انه انا ابغى ادرس ماستر عندكم لكن درجتي في اللغة اقل من المطلوبة لذلك احب التحق بـمعهدكم و مجرد اجتاز مستوى معين / أو مجرد اجيب الدرجة المطلوبة فاختبار اللغة تقبلوني ،، بعض الجامعات عندها النظام دا (قبول مشروط) و البعض لا.

بالتوفيق.