تجــمـــع طــلاب وطــالبات خطة أ و خطـة ب لتبادل النصائح لتحقيق افضل الدرجات للجميع

[عيون الانتقام]

اولا مشكووور للاخوان والاخوات اللي وضحو بعض الافكار في الخطط وهادي بعض نصايحي في خطة (ب)


الاحصاء

مااادة جدا سهلة وما تحتاج لا ملخصات ولا اي شي بس انتبهو مع الدكتور كويس وراح يكون سهل جدا ان شاء الله
اغلبها قوانين وطرق تجميع معلومات وترتيبها


الاحياء

يعتمد بشكل كامل على الحفظ والفهم واغلبها اشياء اخدناها قبل كدا والمزاكرة من السلايدات اللي في موقع الجامعة وركزو على الموقع التدريبي اللي هناك لانو فيه حاجات كتيرة مهمة فيه

كلها معلومات عن الكائنات الحية وتركيبها واماكنها وكدا اشياء سهلة

الكيمياء

نوعا ما فيها تعقيد وانصح بشدة لو محاضرة محاضرتين ما فهمتو كلمو دكتور خصوصي عشان تفهموها ((هدا اللي سويتو الدكتور اللي جانا ما نفهم منو حرف ورحت لخصوصي اعتقد اسمو حسن فهمت منو كل شي والاختبارات جات سهلة الحمد لله))

كلها تتكلم عن النواة والمركبات والعناصر وكيف تسوي معادلة

وبالتوفيق الجميع