داعيات في جامعتنا

[كفى باالموت واعظا]

سلام عليكم
كيف حالكم أخواني وأخواتي
أنا كنت إنتساب والحمد لله حولت إنتظام وانصدمت ببعض الطالبات في الجامعة لبسهم والمكالمات المحرمة سماعات الأغاني عدم اهتمام في طلب العلم العبايات احسها مو عبايات احسها فساتين
مرة رحت الملتقى إلي في الكفتريا إلي عند البوابة الشمالية بنات مسترجلا والله أحس لازم ننصحهم
أنا طالبة دراسات إسلامية وعندي فكرة أبغى أسويها وهي كالتالي أشتري عدد من السيديهات وأنزل فيها محاضرات قصير طبعا عشان مايملوا تتكلم عن الحجاب وطلب العلم ومواضيع تكون مهمة حرام نسيبهم كذا .
هذه مجرد فكرة جات في بالي .
إيش رأيكم في الموضوع وأنا ماكتبت هذا الموضوع بس كذا نبغى نساعد بعض وننشر الخير هذه جامعتنا وأخذنا منها العلم وهذول البنات بنات جدة غاليات على قلوبنا .
ها إيش رأيكم .
في إنتظار ردودكم.

[فراشة الالماس]

وعليكم السلام ورحمة الله وبركاته..
حياكي الله:اختي
فكرة رائعة جدا حتى بنات الانتساب نفس النظام ياريت الجامعة تعمل محاضرات وتشدد في اللبس شوي
لكن عموما فكرة رائعة ومميزة جدا اتمنى تفعلي ذالك ولكي الاجر ان شاء الله ويكون في ميزان حسناتك يارب
والله يهدي الجميع يارب
وبالتوفيق يارب للجميع^^

[عبدالله بن سليمان]

جزاك الله خير

[بــنــت الــوطــــن]

وعليكم السلام

فكرتكـ حلوه بس ماعتقد احد يسمعها او يهتم

اتمنى :

لو الجامعه بنفسها تحدد لبس محدد لكل الطالبات تنوره طويله اسود وبلوزه بأي لوون تبي تلبسهـ

سواء انتساب انتظام تعليم عن بعد حتى الاساتذه والمعيدات وكل اللي بالجامعه

يعني شوفي لبس بعض الاستاذات والمراقبات بعضه غير محتشم بلوزتها شفافه وقصير

كيف البنت عاد ! بتلبس اي شي دام الاستاذه لبست اكيد عادي

يعني بكل لغات العالم لزوووووووووووم تحديد اللبس

يعطيكـ الف عافيه اختي ،، بالتـــووفـــيـــق ،،

[follah]

صحيح كلآمك
..
إذا كل وحدة ما تنصح الثانية و تقول نفسي .. ما بنكون يد وحدة
و القرارات و التعميم كله بيد الآدارة
..
الله يهدينآ و يهديهم و يصلح قلوبهم

[كفى باالموت واعظا]

يأخوات أنا أبقى أخوات يساعدوني في النشر نبغى نوزع أوراق دعوية نبغى نوزع أشرطة إسلامية نبغى نكون مجموعة تصلح من بنات جامعتنا الغاليةأنا لوحدي مأقدر أسوي شي نحتاج أفكار دعوية شكرا على دعواتكم لكن نبغى أفعال مين معايا؟

[نشوة مشاعر]

وعليكم السلام

أنا أتفق مع الأخوات أن شغلة السي ديات والاوراق ماراح احد يسمع لها .. لأنه صارت مستهلكة كطريقة

لازم نشوف شي جديد .. وطريقة جديدة تناسب بنات دا الجيل ..

وأغلب البنات يشوفو أن اللي يسوه صح تحت منطلق " الحــرية " اللي فاهمينها غلط
تجي تكلمي البنت تطير فيك وتأكل بقشورك وأبسط شي حتقولة "أهلي سامحين لي أنتي إيش دخلك ؟؟"
لذلك لازم نفكر في طررريقه كويسه نقدر نوصل لهم الفكره

وياليت نستخدم أسلوب الترغيب .. مو التهديد لأنه صار منهج منفر .. حرام , تدخلي النار , وكده محاينفع

الله يهدينا لما يحبه ويرضى

وجزاك الله خير على ها اللفته المهمة

[طموحي الامتياز]

يب يب انا ما يحزنوني الا البنات البويات

بس بالذات دول مدري ايش الطريقه اللي بتقنعهم انه اللي هما فيه غلط .

الله ينور بصيرتهم ويهديهم يارب

وانا معاكِ صح كلامك واحتسبي الاجر من الله

بجد شي حلوووو انه في جامعتنا بنات تفكيرهممم مثلك

رب كلمة تخرج من قلب صادق يغير الله بها من حال الى حال

شوفي الطريقه المناسبه وباذن لله تلاقي مجموعه كويسه وتنفذي افكارك معاهم

ربي يسعدك ويقويكِ .

مممممرا انبسطت من موضوووووعكك....~

^___^

[وردة في كتاب]

مـاشاء الله عليكم
لية ماتسو حفل بسيط حق كم أسبوع يعني يوم أو يومين بالأسبوع << كل البنات يحبون هالششي
وتعرفوهم على أناشيد إسلامية بدال الأغاني
وتتطرقو بمواضيع اللبس والبوية . .
لكن لو سويتوه لمره وحده بس ماراح يثمر لآنه يبغاله إستمراريه . .