جامعة الملك سعود الصحية (جدة) - كلية الطب في جامعة عبدالعزيز

[fi9]

وعليكم السلام ورحمة الله وبركاته

عبد العزيز لازم تدرس تحضيري اول شي بعدين تتخصص , ونسب القبول عادية جدا( نسبة الثانوية × 50%) + (درجة القدرات × 30%) + (درجة التحصيلي × 20%) . اي احد ينقبل في الجامعة . بس لازم تشد حيلك في التحضيري عشان تدخل كلية الطب . وكلية الطب في جامعة الملك عبد العزيز هيا اقدم كلية وغنية عن التعريف. اول سنة التحضيري ( تدرس انجليزي كيمياء وفيزيا واحياء ورياضيت الخ) بعدها تتخصص في الكليات على حسب درجاتك
عدد الطلاب حوالي 200 من انتظام وموازي وشمال بس مو مررة مشددين في الحضور يعني عادي .
وثاني سنة طب تدرس مواد الطب, الترم الاول (تشريح بيوكمستري وظائف اعضاء علم امراض, انسجة الخ) الترم الثاني تدرس مديولز يعني تدرس جهاز من اجهزة الجسم وتختبره وخلاص تنتقل للي بعده ( الجهاز العظمي العضلي , الجهاز القلبي الوعائي , اللمفاوي والدم , التنفسي , البولي )
وثالث سنة اول ترم تدرس ( علم احياء دقيقة , وعلم ادوية ووراثة الخ) والترم الثاني (الجهاز الهضمي , العصبي , الهرموني الخ)

بالنسبة للملك سعود اللي في جدة . يبغو نسب عالية ياخدو الثانوية 30% والقدرات 30% والتحصيلي 40% . والمنافسة فيها عالية وعدد الطلاب قليل (ثاني دفعة فيها حوالي 30 طالب فقط) ولكن كل شوية بتزود العدد . وتنقبل على طول طب مو لازم تحضيري . والدفعات اللي بتدرس في هادي الكلية 3 دفعات بس.
اول سنة ياخدو فيزيا وانجليزي وكيمياء الخ . بس مشددين في الانجليزي. يعني فيه كرف شوية
ثاني سنة ياخدو مواد( احياء دقيقة تشريح ادوية بيوكمستري علم انسجة علم امراض )
وثالث سنة ياخد بلوكس على ما اظن
وبشكل عام مشددين من ناحية الحضور

الله يوفقك يارب ولا تنسى تصلي صلاة الاستخارة. وقدم على الجامعتين كلها تقديم الكتروني .الملك سعود من 6 شعبان الى 13 شعبان و
عبد العزيز اظن فتح خلاص وفترة التأكيد من 9 شعبان الى 15 شعبان

بالتوفيق