|| med13 .. حياكم الله هنا للإجابة عن كلما يراودكم ..~

[عاشقة التحدي]

الدورة حتكون بإذن الله قبل الدراسة بأسبوع

[MrMohammed]

يا شباب انا الحمدلله انقبلت في فرع شمال جدة , بس المقابلة راح تكون في الشمال ولا في الفرع الرئيسي ومتى موعدها بالضبط ؟

وبالنسبة لدورة Teach Me Medicine متى بالتحديد موعدها بالضبط لانه ورانا سفرات كثيرة ؟

اخر سوال معليش كثرت الاسئلة ههههههههههههه , كيف المباني في فرع الشمال هل يوجد معامل طبية ومشارح زي الفرع الرئيسي ؟


وشكرا لكم وبالتوفيق للجميع .

[أهـ منك يازمن]

مقابلتك فى الفرع المقبول فية يعني فى الشمال

الدورة قبل الدراسة باسبوع طلاب الجنوب مسؤولين عنها

وبالنسبة لطلاب الشمال راح نقعد معاكم نفهمك الوضع فى كليتنا لانه يختلف شويا عن الجنوب

بس مايمنع تحضر دورة الجنوب لانها مفيدة

في معامل وهادي السنة خلص مبني كامل للمشرحة ان شاء الله تستخدموه

المباني فى الشمال مبني دراسة ومبني معامل ومبني المشرحة ومبني للكلية ( للدكاترة وزي كدا )

وعادي خذ راحتك اسئل :)

[mo7md99]

السلام عليكم ورحمة الله و بركاته ، ممكن تكتوبولنا اسماء المواد بالإنجليزية و مترجمة بالعربية اللي حندرسها في ثاني طب بإذن الله ؟ و كمان هل حيكون لينا زيارات لمستشفى الجامعي في اول سنة لنا في الكلية و بالاخس الترم الأول ؟ و إذا كان الجواب نعم فمتى عادةً تكون ؟
و شكرا على اهتمامكم و مبروك على اللي انقبلوا معايا في الكلية ، مستني ردكم :)

[د.هوازن]

المشاركة الأصلية كتبت بواسطة mo7md99 السلام عليكم ورحمة الله و بركاته ، ممكن تكتوبولنا اسماء المواد بالإنجليزية و مترجمة بالعربية اللي حندرسها في ثاني طب بإذن الله ؟:)

وعليكم السلام ورحمه الله وبركاته
http://www.skaau.com/vb/showthread.php?t=455210
جواب مفصل

[m.sh]

الحمدلله وحده ،، شكرًا لكم دفعة 12 على المساعدة والأخذ بيدنا إلى المسار الصحيح
جاري تحضير الأسئلة ، استعدوا . . .

[إبراهيم العدواني]

المشاركة الأصلية كتبت بواسطة أهـ منك يازمن أبراهيم سنة الأمتياز تاخد مكافئة حتي لو كنت موازي وباقي السنين بدون مكافئة التحويل من الموازي للأنتظام جيب نسبة عالية غالبا 3 الأؤائل على الدفعة يحولوهم انتظام المقابلة غالبا اول يومين فى الدوام الجداول فى اول يوم كمان عن الدورة وطريقة المقابلة الاخوان يفيدوكي لأني ما اعرف كيف وضعهم فى الفرع الرئيسي بس غالبا الدورة راح يقولوا لكم وضعها

قصدك الثلاث الأوائل على الدفعة كاملة والا على طلاب الموازي بس

[Roza18]

صباح الخير ❤
شكرا لدعمكم لدفعتنا وان شاء الله يكون هالتخصص خير علينا كلنا
حابه اسأل سؤالين
الطب الموازي نفس الطب العادي حتى بالشهادة ؟!
انا لغتي في الانجليش مو مرا اقدر استمر في الطب ويتقوى خلال هالسنوات او راح يكون عائق ليا ؟!
و إذا جاء ببالي سؤال راح احطه هنا ان شاء الله 🙈❤

[MUB]

يعطيكم العافية جميعا طلاب ميد 12 وكل من ساهم في مساعدتنا

الحمدلله انقبلت طب في الشمال برغبتي ، بس عندي سؤال عن الشهادة ?

زي الرئيسي ولا بس يكتب فيها فرع شمال جدة

و هل راح يكون في دورة في الشمال ولا بس في الرئيسي ?

والحمد لله أخيرا تحقق الحللللم

ويعطيكم العافية مقدما

[T U R k i]

المشاركة الأصلية كتبت بواسطة roza18 صباح الخير ❤ شكرا لدعمكم لدفعتنا وان شاء الله يكون هالتخصص خير علينا كلنا حابه اسأل سؤالين الطب الموازي نفس الطب العادي حتى بالشهادة ؟! انا لغتي في الانجليش مو مرا اقدر استمر في الطب ويتقوى خلال هالسنوات او راح يكون عائق ليا ؟! و إذا جاء ببالي سؤال راح احطه هنا ان شاء الله 🙈❤

الإنجلش حيتحسن مع مرور الأيام ولا تشيلي هم من هذي الناحية ..بس حاولي تعدي على المصطلحات الطبيه قبل الدراسة