]:[ وصفَــآت لإِعْـدَآد أطبـآقنــآ الرمضَـآنيَّـــــة ]:[

[موفقة يارب]

ما شا الله موضوع يشهي (=

اليوم سويت صينية التوست بالتونة ربي يسعد اللي علمني اياها

بس انا مزودة عليها اضافات للنكهة ..

طبعًا المكون الأساسي هوا التوست و بعد كدا عندنا مقادير الحشوة + مقادير الباشميل :

1/ مقادير الحشوة :

- بصل

- صلصة الطماطم الجاهزة

- طماطم مفرومة

- جزر مبشور

- بقدونس مفروم ,, كزبرة مفرومة ,, شبت مفروم

- ملح ,, فلفل ,, كمون أو أي بهارات تفضلوها ..

- تونة

2/ مقادير الباشميل :

- قشطة

- جبنة سايلة

- مايونيز

الطريقة :

نبدأ بالحشوة رح نقطع البصل صغير و نقلبو مع شوية زيت ع النار لحد ما يتحمر << انتبهوا لا ينحرق

نحط صلصة الطماطم و نقلبها شوية و نحط الطماطم المفرومة ( المعصورة ) :p و نتركها لحد ما تتسبك

نضيف ( الجزر + الشبت + البقدونس + الكزبرة ) و نضيف بهاراتنا << الإضافات و النكهات حسب الرغبة ..

آخر شي نحط عليهم التونة و نقلب تمام و كدا تكون انتهت الحشوة ..


دحين عشان نعمل البشاميل نخلط علبة قشطة و ملعقتين طعام جبنة سايلة و ملعقة مايونيز و كدا يكون البشاميل جاهز معانا << تقدروا تزودو المقدار حسب حجم الصينية اللي عندكم و كدا ..

ناخد التوست و ننزع الأطراف و نرصو في الصينية ..



نمسح مسحة خفيفة مرة من البشاميل عليه عشان تثبت معانا التونة لمن نفردها ع التوست



نوزع الحشوة ..



نرص فوقها التوست مرة تانية ..



نغطي صينيتنا الجميلة بالبشاميل و ندخلها الفرن و نفتح نار الفرن من فوق عشان يتحمر البشاميل ..



و دا شكلها النهائي





و بالهنا و العافية (:

[nour al3mr]

المشاركة الأصلية كتبت بواسطة الصقر 02 ما شاء الله تبارك الله منزل مبارك للشيفات ربّما نستفيد منكم في حالة الزنقة < خير ان شاء الله طبعا إذا تبغون أحد يعلمكم طريقة صنع القهوة العربية نحن جاهزين موفّقين

الله يسعدك
عليك درس عمل القهوة العربية
أطعمك الله و أهل بيتك من الجنّة و بارك برزقكم

---

المشاركة الأصلية كتبت بواسطة موفقة يارب ما شا الله موضوع يشهي (= اليوم سويت صينية التوست بالتونة ربي يسعد اللي علمني اياها بس انا مزودة عليها اضافات للنكهة ..

آهنن بالشيفـة الجميلة
ماشاء الله لا قوة إلا بالله .. تسلم الأيـآدي يـآرب على هالوصفـة و لا يحرمها الأجر ربي اللي علمتك إياهـآ ~> فائدة تناقل العلم
على قد ما شفت هالوصفة و عندي صاحبتي تقنعني أعملها إلا أني للآن ما جربتها
ممكن أجربها إن شاء الله على الضحية اللي عندي لأني ما آكل التونة على النقيض من الضحآيا

بإذن لله نتعلم منك كمـآن و لا نعدم طلتك + التصوير إبدآع ربي يحفظك