المساعده في جدول المستوى الثالث وافضل الدكتورة للمواد

[ريم ريم ريم]

المشاركة الأصلية كتبت بواسطة لولو الشقيهـ المستوى الثالث مواده عربي 2 ثقافه2 محاسبه ماليه مقدمة الموارد البشرية مقدمة نظم معلومات قانون اعمال دي المواد اللي اخدتها في المستوى الثالث نفس الخطه الحذف والاضافه بسيط افتحي اليوتيوب حتحصلي شرح وافي اما بخصوص لو عندك ماده حابه تحذفيها طبعا تقدري بس بخصوص انك تضيفي ماده من مستوى متقدم او متاخر انصحك لاتسويها الا اذا اطريتي تاخذي ماده متاخره فيها لان احيانا يصادف ايام الاختبارات مادتين في نفس اليوم ودا بسبب عدم المشي ع الخطه وخلط المستويات

افضل الدكتورات للماده ...وتنصحينا ناخذ مثل جدولك ..او نحذف شي

[لولو الشقيهـ]

المشاركة الأصلية كتبت بواسطة ريم ريم ريم افضل الدكتورات للماده ...وتنصحينا ناخذ مثل جدولك ..او نحذف شي

انا حسيته تمام الجدول كدا ما تعبت في ولا ماده كلها حفظ ويبغالها مذاكره اول باول هي بس المحاسبه الماليه كان شي جديد علينا بس يوم حاولنا نفهم ونركز اتسهلت الماده ونصيحه تركزي تمام عليها من البدايه لان المنهج متعلق ببعض اذا ما عرفتي الاساس بيصعب عليكي الباقي وحتتذمري من الماده
بالنسبه للاستاذات انا راح اقلك كل ماده ودرستها مع مين بس هالسنه مجموعه كبيره من افضل الاستاذات راحو يكملو مشوارهم الدراسي الله يوفقهم ويوفقنا :(
عندك بالنسبه للعربي والثقافه دي مادتين ماتقدري تحددي استاذه معينه لان اللي تابعين للاداب كثير ويتغيرو والمادتين بصراحه ما تعتمد ع شرح او استاذه العربي كلها دروس سبق دراستها والثقافه من حياتنا
اما قانون الاعمال .. اخذتها مع استاذه صفاء محمد الله يسعدها بجد عليها شرح يجنن وبتساعد كثير وعندها نظام الجزء اللي تختبري فيه للدوري محذوف في النهائي للان موجوده الاستاذه بس ما اعرف انها حدرس هالماده او لا
مقدمة في الموارد البشريه .. اخذتها مع استاذه نسرين كان شرحها مررره ممتاز بس للاسف سافرت هالترم
نظم معلومات اداريه .. مع استاذه سلمى سراج هالماده جدااا سهله وحلوه وهي سهلتها لنا كثير بس كمان سافرت وما اعرف مين بديل عنها
محاسبه ماليه .. اخذتها مع استاذه تغريد بليبلة الصراحه ما اعرف ايش اقول في حق هالاستاذه من جد اكثر من رائعه من ناحية شرح وتخفيف ومساعده وكل شي هالترم هي ماتدرس محاسبه ماليه .. ان شاء الله تاخذي معاها محاسبه اداريه في المستوى الرابع .. عموما اي ماده تشوفيها معاها ابدا لاتشيلي هم الماده
اتمنى اني اكون افدتك .. اي استفسار انا حاضره .. وبالتوفيق للجميع