تجمع جديد لاختبار step المقبل شهر ربيع الاول ان شاء الله

[نـــور الدنـــيا]

السلام عليكم ورحمة الله وبركاته

انا ان شاء الله راح ادخل الامتحان في شهر ربيع الاول ولي تجربة قديمة في امتحان ستيب قبل سنتين
التجربه كانت لها ظروف خاصة ما ساعدتني استعد للامتحان وغير كذا كان عندي امتحان قدرات الجامعيين يوم الاحد وامتحان ستيب يوم الاثنين بعده مباشرة
بس الحمد لله لغتي الانجليزيه اصنفها ( فوق المتوسط )

الامتحان ماهو صعب ولا تعجيزي وتقدر تجيب الدرجة المطلوبة لو استعديت صح


ونصيحتي للناس اللي لغتها ضعيفه الاستعداد يكون قبل الامتحان بمده كافيه لان اسبوعين ما تكفيك للإستعداد اذا كانت لغتك ضعيفه
واقصد بالاستعداد اكتساب مهارتي استيعاب المسموع و القراءة السريعة
لان المهارتين هذي ما تقدر تتقنها الا بالتدريب ثم التدريب ثم التدريب
مهارة استيعاب المسموع راح تساعدك في حل الجزء الأول من الامتحان
ومهارة القراءة السريعه راح تساعدك في باقي الامتحان
لاني كنت اشوف ناس معي في القاعه ينتهي الوقت وهي ماخلصت من قراءة كل الاسئلة لاني كنت اخلص بدري واجلس اتفرج
انا الحمد لله هوايتي القراءة وكنت احيانا اشتري قصص باللغة الانجليزية .. وكل الاجزاء كنت انتهي منها قبل نهاية الوقت

اشوف ناس كثير تهتم بحفظ الكلمات بدون ما يطور مهارة القراءة .. وما يقدر يستفيد من الكلمات اللي حفظها لان الوقت ما يكفيه يقرأ القطعه اصلا
انا ما اقلل من اهمية حفظ الكلمات بالعكس كل ما كانت حصيلتك اللغوية كبيره راح تجيب درجة عالية بس لا تهمل مهارة القراءة لانك تحتاجها في امتحان ستيب بالذات
لان بعض القطع تكون طويلة

وبالنسبة للقرامر اللي يجي في الامتحان ماهو صعب ويكفيك كم يوم تحفظ القرامر وتحل تمارين عليه واغلب القرامر اللي كان في الامتحان موجود في كتب الثانوي
والغالب يعرفه بس يحتاج مراجعه لانعاش الذاكره


وفي الاخير الحمد لله كانت درجتي في الامتحان 81 واطمح اجيب اعلى منها ان شاء الله