احكيلكم عن طريقتي بالمذاكره +_+

[رنيم سليمان]

1- طبعا اسمي بالله واتوكل عليه واطلبه العون والتوفيق كبداية وأحب أسوي أي شيء قبل المذاكرة يفتح نفسيتي وفي نفس الوقت شيء كمان يطرح لي البركة بإذن الله .
2- ماحب الألوان والحوسة بس معايا مرسام ولازم مرسام ضغاط طبعا لو شرحتلكم السبب حتقولوا ياي على الرقة والحساسية فخليني ساكتة : ) .

3- بحكم إن كتبنا مليانة دش فتلاقيني اقرأ قراءة والكلمات المهمة اللي ممكن يجي منها سؤال أحط عليها خط والنقاط البارزة زي مثلا التعدادات والتعريفات أحط عليها نجمة وباقي الكلام ما أخطط عليه نهائي !
فائدة هذه النقطة : لما أجي أراجع محيمديني أراجع كل الكلام فأراجع بس اللي عليه خط ونجمة وتلاقيني بس اقرأ الكلمة اللي عليها خط خلاص استوعب مضمونها ما أحتاج اقرأ السطر كامل .
4- أحب أحدد وقت مثلا من الساعة الفلانية للساعة الفلانية أخلص من الصفحة كذا لكذا ومابينهم مثلا نص ساعة لفلفة وراحة ..
مو شرط التزم بهذه الطريقة بس غالبا أسوّيها عشان أطمن بس إنّي راح أخلص جزئية الامتحان بحكم إني ما أذاكر إلا قبلها بيوم : )

5- أحب أفصل مابين الفصل والفصل بفاصل يعني مثلا الامتحان فصلين لازم بداية الفصل أطوي الصفحة وبداية الفصل الثاني أطوي الصفحة عشان أعرف إني وصلت للفصل الجديد وكمان أدخّل أوراق الفهرس والأشياء اللي مهي مهمة ضمن الصفحة المطوية عشان ارتاح نفسيًا وما أحس إن عدد الأوراق كثير ولازم آخر صفحة كدة أخلي طويتها محترمة احساس جميل : )
6- غالبا مراجعتي أخليها في الصباح عشان ما انسى خاصة لو كان حفظ لازم أراجع الصباح ولا محستفيد شيء من مذاكرتي .

طبعا الخطوات هذه تناسبني أنا شخصيا وممكن تناسب غيري وماتناسب الكثير
بالتوفيق للجميع .