استفسار عن الترم الصيفي

[خلود2000]

السلام عليكم ممكن احد يفيدني فيه ترم
صيفي
والا لا
لاني صراحه ابي اتاكد من الخبر لانهم يقولون فيه ترم صيفي لطالبات الانتساب
الله يخليكم ابي الخبر الاكيد عشان ارتاح

[براري]

المشاركة الأصلية كتبت بواسطة خلود2000 السلام عليكم ممكن احد يفيدني فيه ترم صيفي والا لا لاني صراحه ابي اتاكد من الخبر لانهم يقولون فيه ترم صيفي لطالبات الانتساب الله يخليكم ابي الخبر الاكيد عشان ارتاح

وعليكم السلام ورحمة الله وبركاته ..

أرتاحي يا أختي ، لا يوجد فصل صيفي لطالبات الانتساب ، الكلام المتناقل غير صحيح اطلاقاً
والجامعة قالت لم يجد أي جديد بخصوص هذا الموضوع ..

موفقه إن شاء الله :)

[خلود2000]

طيب اخت براري كنت بسالك انا الحين
باقي لي 9 مواد وحسبت عدد ساعتها طلعت 25 ساعه
يعني انا خلاص باقي لي ترم واحد اقدر اخذ هاذي المواد كلها بترم واحد
اتيعني يسمحون اخذها كلها السنه الجايه في الترم الاول والا لازم اقسمها على ترمين
باقي لي التدريب 1و2
والفقه المقارن
وفقه العقوبات
والحديث الشريف
والمذاهب الفكريه
والمواريث والوصايا
واحوال شخصيه 2
وانجليزي 102 طبعا الانجليزي هاذي ثالث مره احمله احترت ماادري وين اروح عشان اشوف ليه كل مره احمله
يعني مو معقوله اني مااحل وانا متاكده اني كل مره احل كويس
حتى رحت المعهد الانجليزي ومالقيت احد ينصفني يقولون لي ان شاءلله تعوضينه الترم الجاي وش الحل الله يخليك افيديني في هالشي

[غيم تايه]

المشاركة الأصلية كتبت بواسطة خلود2000 طيب اخت براري كنت بسالك انا الحين باقي لي 9 مواد وحسبت عدد ساعتها طلعت 25 ساعه يعني انا خلاص باقي لي ترم واحد اقدر اخذ هاذي المواد كلها بترم واحد اتيعني يسمحون اخذها كلها السنه الجايه في الترم الاول والا لازم اقسمها على ترمين باقي لي التدريب 1و2 والفقه المقارن وفقه العقوبات والحديث الشريف والمذاهب الفكريه والمواريث والوصايا واحوال شخصيه 2 وانجليزي 102 طبعا الانجليزي هاذي ثالث مره احمله احترت ماادري وين اروح عشان اشوف ليه كل مره احمله يعني مو معقوله اني مااحل وانا متاكده اني كل مره احل كويس حتى رحت المعهد الانجليزي ومالقيت احد ينصفني يقولون لي ان شاءلله تعوضينه الترم الجاي وش الحل الله يخليك افيديني في هالشي

اخت خلود صحصحي شوي؛ هذه تسع مواد، لا واحدة ولا اثنتين ولا ثلاثة، تسع موواد، فيها فقه عقوبات، واحوال شخصية2، من كتاب الروض المربع، خصوصا احوال 2،،،
فيه فقه مقارن، ومواريث، وما ادراك ما فقه المقارن، اقوال علماء وترجيح، واختبارها مقالي، فيها تدريب1، بالرغم انه قراءة شفوية وفيه تدريب1 و2، يمكن اقول انها سهلة نوعا ما
علما ان التدريب1، يشددون في قراءة القران وممكن من الآن تبدئي فيه.. يبقى عندك الحديث والمذاهب الفكرية،،

إذا بتدرسي في الصيفية اربع مواد او على اقل تقدير ثلاث مواد، اقدر اقولك ممكن تخلصيها، اما في نفس الفصل يعني مع بداية الدراسة، لازم تعيدي حساباتك،، وتتأخري فصل بدون حمل مواد
ولا تدرسي فصل بسببب حمل مواد..

يجوز تسجلي هذه المواد الفصل القادم عادي، الانجليزي روحي للجامعة واسحبي برنت يوضح انك حاملتها ثلاث مرات، واكتب لهم استدعاء وارفقي البرنت، وقولي انك خريجة وسبق حملها ثلاث مرات..
ان شاء الله تنجحي لو بدرجة النجاح..

المهم في الموضوع: انك تستغلي اواخر فصلين، في محاولة حصد أعلى الدرجات، لأنه اخر شيء ممكن تحقيقه،، والله يوفقك وييسر أمرك"""

[خلود2000]

اخ غيم لو سمحت كيف اقدر أخذ كم ماده صيفي وأحنا ماعدنا صيفي
يعني السنه الجايه أخذ المواد علئ فصلين وأريح راسي
لآني صراحه طفشت
ومحتاره وانته الحين خوفتني من ماده الفقه المقارن والله تعبت

[غيم تايه]

هلا اخت خلود:

عارف اختي ما عند المنتسبات صيفي، وكنت اقصد لو كان مسموح او كان فيه أمل تخففي على نفسك شوي،، انا اتكلم معك بواقعية، ادري انك طفشتي وادري انه إذا بتخلصي في فصل أفضل لك...

لكن واجبي تجاهك، انصحك باللي اشوفه، خايف عليك تندفعي، لذلك قلت لك تريها تسع مواد، بالإضافة الدورات التأهيلية احيانًا تنزل متأخرة، بالإضافة المواد فيها مواد طويلة المنهج...

الأمنيات جميلة، لكن نحن نتعامل مع واقع، والواقع يقول تسع مواد كثيرة عليك، وأي طالب درس سبع مواد يعرف كلامي، وأزيدك من الشعر بيت المواد الشفوية مثل التدريب، ما فيه تساهل..

الحل الوحيد، أنك تدرسي خلال الشهرين هذه، ثلاث مواد، تدخلي الفصل القادم وانتي باقي عليك ست مواد، هنا اقدر اقولك تتخرجي بسهولة، يعني لو استعديتي لمادتي التدريب عملي1 و2 ...

ومعها مادة مثل فقه العقوبات،، أقولك تدخلي الفصل القادم وانتي متفرغه للست المواد القادمة، ويا سلام عليك،، لكن تدرسين الفصل القادم تسع مواد كثير كثير كثير عليك..

أما مادة فقه مقارن ما اخوفك منها، لكن اعلمك على طريقتها ومحتواها، وممكن تقرئي فيها شوي، وتشوفي بنفسك، ما يهمني والله العظيم إلا شيء واحد وهو اللي يقهر أنك تدرسي بعدين فصل ثاني..

بسبب انك حاملة مواد، فمن باب أولى اقيم نفسي واريح راسي على قولك من البداية،، الآن الصورة أمامك واضحه، وانتي طالبة وعارفه ضغط المواد، وعارفه كيف الدورات التأهيلية والمشاكل اللي تواجهك

وعارفه اسلوب الدكاترة، اجلسي يا خلود مع نفسك كذا،، وفكري في كلامي كناصح وخايف عليك، ولا تفكري فيه كمقلل من قدراتك، أو منتقص من قدرتك ابداً لا والله العظيم،،

الوقت معك وانتي اعرف بنفسك، لكن مهم جدا تحاولي تحصدي درجات، مشكلة تتخرجي بمعدل لا يخدمك، والفصل هذا تحديدًا ما شاء الله الأخوان والأخوات سجلوا درجات عالية مرة ،،

حققوا امتيازات، انتي الآن في اخر مراحلك، لازم ترفعي من معنوياتك، وتهونيها على نفسك...طولت عليك، لكن بعطيك حل أخر:


ممكن تسجلي المواد كلها، وتركزي على ست مواد، وثلاث مواد ما تدخلي الآختبار، وتدخلي اختبار بديل، ولكن لابد من عذر، هذا ما احب اقوله لأن فيه نوع من التحايل،،


الأمور سهالات، وان شاء الله يتيسر أمرك، ولا يهمك شدي حيلك، ورتبي نفسك وأولوياتك، وان شاء الله يتحقق كل اللي في بالك،،، موفقه يارب"""

[خلود2000]

هلا اخ غيم مشكور ما قصرت تعبتك معي
وكلامك كان مقنع صراحه بس اللي محتاره
فيه الانجليزي 102 اطلعت علئ الكشف في الاودس
ولقيت أني حامله الانجليزي مرتين واللي
يقهر أني ايام الاختبارات تبع الترم هذا
راجعت معهد الانجليزي وقالوا راح نراجع
وضعك ان شاء لله وأخذوا رقم الجوال
وقالو راح نتصل ومن بعدها ماعاد اتصلتو
شوف اخ غيم أنا يمكن كنت بالبداية مندفعه
ومافكرت الا بعد ما اقتنعت بكلامك
بس اللي مقهوره منه الانجليزي حتئ لو قدمت برنت للجامعه تتوقع راح.
يساعدوني وإلا اخذه معي
وبالنسبة للمواد اللي بقيت راح اخذها علئ فصلين أحسن لي
عشان ما أخسر معدلي لانه مرتفع 3.78
بس ما أقول غير الله يسلمك علئ الشرح الواضح

[غيم تايه]

المشاركة الأصلية كتبت بواسطة خلود2000 هلا اخ غيم مشكور ما قصرت تعبتك معي وكلامك كان مقنع صراحه بس اللي محتاره فيه الانجليزي 102 اطلعت علئ الكشف في الاودس ولقيت أني حامله الانجليزي مرتين واللي يقهر أني ايام الاختبارات تبع الترم هذا راجعت معهد الانجليزي وقالوا راح نراجع وضعك ان شاء لله وأخذوا رقم الجوال وقالو راح نتصل ومن بعدها ماعاد اتصلتو شوف اخ غيم أنا يمكن كنت بالبداية مندفعه ومافكرت الا بعد ما اقتنعت بكلامك بس اللي مقهوره منه الانجليزي حتئ لو قدمت برنت للجامعه تتوقع راح. يساعدوني وإلا اخذه معي وبالنسبة للمواد اللي بقيت راح اخذها علئ فصلين أحسن لي عشان ما أخسر معدلي لانه مرتفع 3.78 بس ما أقول غير الله يسلمك علئ الشرح الواضح

حياك الله:

راجعي قسم اللغة الانجليزية، ومعك البرنت، وقولي لهم يا جماعة الخير انا متأكدة اني حليت، والمادة صايرة عقدة، أن ساعدوك فخير وبركه،، وان ما ساعدوك،
اقدمي عليهم الفصل القادم ايضا، وارفقي البرنت، انك خريجة، والمادة هذه قاعدة لي، وسجليها الفصل القادم، وبإذن الله تعديها، ما عليك ...

بالنسبة للمعدل فعندك فرصة وفرصة كبيرة، تدفيه لحدود الأربعة ان شاء الله، اهم شيء يكون عندك عزيمة، ورغبة في التقدم، خلي نفسك طويل،، لا تشيلي هم ابد..
وفي وقت فراغك لا مانع تطلعي على اي كتاب من المواد المتبقية ، عارف انك مرهقة بعد الاختبارات، لكن فرصة في رمضان تقرئي القرآن وتدرسيه بمعنى يكون استعداد للفصل القادم..
لان مادة التدريب العملي1، قراءة مجودة،، وإذا عندك رغبة ادخلي معنا اختبار القدرات، بنستعد لها ان شاء الله خلال هذه الفترة،،،

ولا تستعجلي امامك فترة رمضان الكريم وبعده شهر، إذا ما عندك سفر، تقدري تطلعي وتستعدي للسنة القادمة بأي شكل، وإذا اجازتك حافله او لها تخطيط معين، فلا يكلف الله نفسا الا وسعها..
تمتعي بالاجازة وسعي صدرك، موفقه يارب"""""

[خلود2000]

طيب اخ غيم كيف اقدم البرنت اول شي يعني أنا اكتبه بخط يدي وإلا
اروح العماده وهم يسوونه لي طيب إذا مارضو يساعدوني المعهد
وش اسوي لآني والله العظيم واحلف وانا صادقه أنا الوحيدة بين طالبات شعبتي رسبت فيه
حتئ الترم الاول رسبت فيه وباقي البنات اللي في نفس الشعبه نجحو وخبرت المعهد بهذا الكلام بس ولا علئ بالهم
أنا ما أفكر الحين الا بالإنجليزي مره تعبت من كثر ماراجعتهم حتئ اتصال ما اتصلو

[غيم تايه]

المشاركة الأصلية كتبت بواسطة خلود2000 طيب اخ غيم كيف اقدم البرنت اول شي يعني أنا اكتبه بخط يدي وإلا اروح العماده وهم يسوونه لي طيب إذا مارضو يساعدوني المعهد وش اسوي لآني والله العظيم واحلف وانا صادقه أنا الوحيدة بين طالبات شعبتي رسبت فيه حتئ الترم الاول رسبت فيه وباقي البنات اللي في نفس الشعبه نجحو وخبرت المعهد بهذا الكلام بس ولا علئ بالهم أنا ما أفكر الحين الا بالإنجليزي مره تعبت من كثر ماراجعتهم حتئ اتصال ما اتصلو

المفروض يا اخت خلود البنت والتقديم كان قبل مع بداية الفصل،( ما أدري ليه ما احد علمك بهذا الشيء)،
انتي راجعي شطر الطالبات، وهم يسحبون لك بيان او برنت بالمواد اللي انتي درستيها واللي باقي عليك.. لأنه اللي تقدميه بخط يدك ما يقبلوه..

وتقدمي عليها استدعاء اللي هو معروض، وتقولي أفيدكم باني خريجة وقد حملت مادة الانجليزي عدة مرات، كما يتضح لكم من البرنت المرفق، وامل مساعدتي..

أما أذا انك حليتي تمام وحاسه انهم ظلموك لا تقدمي عليهم بأنك ترغبين بمراجعة ورقتك، وهم يراجعوا الورقة،، ما عليه اخت خلود اصبري، اصبري لعل الله يجعلك مخرج..

الاتصال ما اتوقع يتصلون،، ومهما حصل لازم تتعبي وتصبري، وبإذن الله ربي ما يضيع لك تعب،، المشكلة لو اقولك خلي احد من اقاربك يراجع قسم الرجال اتوقع يردونه على شطر الطالبات..


الله ييسر امرك ويسهله،، ونسمع عنك اللي يسر قلبك وخاطرك،، موفقه يارب""