أفضل التخصصات

[mazen qattan]

اول شي اختيار التخصص لابد يكون على حسب رغبة الشخص يعني يشوف الخطة الدراسية ويشوف المواد ويشوف درجاته في التحضيري في المواد الي جايب فيها درجات حلوه
وعلى ايش يميل الطالب مواد الفهم او الحفظ ووقتها يقرر ايش التخصص الي راح يدخل له ويمشي فيه لانه ضروري يدخل تخصص يجيب فيه معدل عالي بعد التخخرج تتوظف على طول لو معدلك عالي
الوظايف يبحثو عن المتفوقين في التخصص

لاكن عمواما ادارة مستشفيات بيكون مجال عملك محدود في مستشفى يعني تقدم على وظايف مستشفيات فقط اذا منت حابب عمل المستشفيات ابعد عنه
تسويق عملك في شركات او عمل شخصي وكل ما ابدعت في دا المجال اثناء الدراسة او وانت موظف راح تمشي فيه وتاخذ مراتب عاليه في الشركة الي بتتوظف فيها
علوم ادارية مجالة حلو يشمل الشركات والقطاع الخاص يعني مجال عملك في الاثنين حصول المتخرجين على وظايف بالهتخصص اشوفها كبيرة بما ان المجالين متوفره للتوظيف لاكن لا تنسى ان كل مكان فيه موظفين مكاتب وتكدسين وكثير على بند اجور ماهم رسميين

بالنسبة لي اخترت تسويق رغم اني ماكنت مفضل هالقسم لأن زي ماتشوف موارد بشرية مافي وكانت رغبتي لاكن التسويق حسيتة قريب الموارد البشرية واذا سار وانحلت مشكلة الموارد البشرية وفتح التخصص بحول عليه واذا ماسار بكمل على تسويق وخيرة ليا

وفي الاخير دي وجهة نظري لا اكتر ولا اقل وان شاءالله اكون افدتك بشي ولو بشي بسيط

بالتوفيق لي ولكم