كيفية زيادة المعدل في السنة التحضيري

[Monyah_M]

مبروك القبول حبيبتي
وانا من دفعة 14 و الحمدلله خلصت التحضيري
لاتسمعي ابدا للي يقولك صعبه او غثيثه او ماحتنجحي وكذا
كل واحد ومقدرته .. انتي مقدرتك غير عنهم .
توكلي ع ربي و ابدأي التحضيري ب حماس
و صدقيني كل م استسهلتيهم كل م قدرتي تجيبي شي اعلى
لاتخافي كلها سهاله
الحمدلله انا بس دقرت عن انجليزي 3 و 4 * تقصير مني * بس عديتهم
ولا المواد العلميه الحمدلله مشيت تمام
ذاكري الاحياء اول ب اول .. ولاتراكمي ع نفسك
و التست بانك لكل المواد مهم
البنات اللي فوق م قصروا ابداً
بس بقولك احضري كمان سكاشن حتى لو استاذات ثانيات
ف التحضيري لازم تعتمدي ع نفسك مررره
و استغلي البونس ف كل ماده صدقيني بيفيدك
ودام مستواك تمام ف الثانوي صدقيني ب تجيبي شي مره بطل ف التحضيري
الله يوفقك وييسرلك .. ولا تسمعين ابدا للي يقولولك م تقدري
الله يبشرك بالتخصص الي يرضيك يارب ♡

---
حكلمك عن المواد شوي
ف التحضيري في خطتين خطه أ و ب
خطه أ :
خطه سهله وبسيطه و تقدري تجيبي ال 5 بالراحه فيها
موادها ( رياضيات - فيزيا - حاسب - مهارات اتصال - انجليزي )
الرياضيات :
ماده سهله ولزيزه وزي الي بالثانوي و خصوصا ثاني ثانوي
انا كنت اراجعه مع الاستاذه لاننا قد اخذناه .. حضرت سكاشن
و مراجعات واشتريت ملخصات
و اذاكرو اول ب اول واحل كثير عشان اتعود وخصوصا ان وقت الاختبار محدد
و نادر م يجيبو القاعدت ب الانجليزي اغلبه مسائل

الفيزيا :
الماده الكريهه الي م احبها بس الحمدلله ف التحضيري كانت لزيزه و واضحه
و كنت اذاكر ل يوسف زويل و اشرف بركات يعني الكتاب م اعرفو بس ملخصاتهم ، والحمدلله عدت الماده بخيرها وشرها

الحاسب :
الجميل ان بالعربي و الشي الي تختبريه ميد ترم م تختبريه فاينل ينحذف
الابواب الاولئ مره حلوه وسهله غيري الشاشه و اكتبي ف الوورد
بس ، والنظري بسيييططط مممره مممره و البونس الي ف النهايه
بتجيبي فيه الفُل مارك .

مهارات الاتصال :
ماده جممممميييله وتنهههضضضممم مرررره
وكلها عن حياتك العامه اشياء مفهومه يعني و اشياء عن لغة الجسد
ابد لاتضيعي فيها درجات لانها سهله حرام

الانجليزي :
اذا فعلو ال lms ادخليه و حلي فيه يزود من درجاتك
ولا مذاكرتو عادي .. انا بديت من ون و تو فكان سهل


خطه ب :
خطه يبغالها مذاكره اول ب اول موادها اقل من الخطه الي قبل
موادها ( احياء - احصاء - كيمياء - انجليزي )

الاحياء :
يبغالها مذاكره اول ب اول انا م احب الحفظ م كنت اهضمها :(
بس الحق لله انا قصرت فيهها مرررره و ما اديتها حقها
وفي اشياء تنحذف لاتحافي من الكميه .

الاحصاء :
كل البنات اخذين عنها فكره انها صعبه !!!!!
ودخلو هالماده وانا حاطه ببالي ان ممكن احملها لان كثير حملوها
وادوني صوره سيئه عن هالماده
بس دخلت محاضراتها ! انصدمت من سهولتها ماده مهههضووووممممه وجمممميله احسها فرع بسيط من الرياضيات والحمدلله م نزلت عن التسعينات
ذاكري التست بانك و ملخصات و المحاضره لما ترجعي راجعيها
+القوانين يعطونك هيا ف ورقه قوانين بسيطه الي تنحفظ .

الكيمياء :
نننفففس الثانوي و كثير من منهج ثاني ثانوي كمان
اما ثالث م جابو منها الا قليل .. و مره ممممره سهله
و اختبارها مهضضضووووم وسهل
كنت اذاكر التست بانك + الملخصات .

انجليزي :
ثري و فور انا قصرت فيهم لان كنت مهتمه للمواد العلميه اكثر واكلتها ع وجهي بس الحمدلله جبت نتيجه من اهمالي :$ .

كلها بتتيسر وخلي ببالك ان بتتعبي ف التحضيري * سنه بس * والسنه بتديك العمر الي انتي تبغيه
تبغي طب ؟ بتعطيك
صيدله ؟ بتعطيك
اتعبي بس سنه و توكلي ع ربي ف كل شي واي احد يحبطك
سدي اذنك عنه .
الله معك ولو تبغي اي شي احنا بالخدمه ♡♡ .