لطلآب التحضيري أي سؤآل أو استفسار ضعه هنـآ وبإذن الله تجد الإجابة

[asma.]

احنا كل ما ناخذ شي الدكتورات يقولولنا ارجعو البيت و ادرسو عشان لا يتراكم بس المشكلة في مواد السلايدات لسا ما نزلت عندنا فالمكتبة و في دكتورات يقولو ادخلو على موقعنا و تلاقوها و مو لاقية شي و الكتب قالو ما يحتاج الا للاحصاء كيف ادرس طيب

[Somaiah Yousef]

المشاركة الأصلية كتبت بواسطة asma. احنا كل ما ناخذ شي الدكتورات يقولولنا ارجعو البيت و ادرسو عشان لا يتراكم بس المشكلة في مواد السلايدات لسا ما نزلت عندنا فالمكتبة و في دكتورات يقولو ادخلو على موقعنا و تلاقوها و مو لاقية شي و الكتب قالو ما يحتاج الا للاحصاء كيف ادرس طيب

نفس الشي عانينا منه .. بس إنتي لو تكتبي مع الدكتورة يصير بس أقري اللي كتبتيه

ولما تنزل السلايدات ارجعي عيدي عليها

إيش السلايدات اللي مو لاقيتها ؟

سلايدات الكيمياء تلاقيها في موقع ليلى الحربي أو نهى وزان .. نهى وزان أطول

سلايدات الأحياء حمليها مؤقتا وذاكري منها لين تشتري المطبوعة

بداية موفقة

[asma.]

المشاركة الأصلية كتبت بواسطة فيونكـه نفس الشي عانينا منه .. بس إنتي لو تكتبي مع الدكتورة يصير بس أقري اللي كتبتيه ولما تنزل السلايدات ارجعي عيدي عليها إيش السلايدات اللي مو لاقيتها ؟ سلايدات الكيمياء تلاقيها في موقع ليلى الحربي أو نهى وزان .. نهى وزان أطول سلايدات الأحياء حمليها مؤقتا وذاكري منها لين تشتري المطبوعة بداية موفقة

الكيمياء ما نزل عندنا اول سلايد الين خلصنا اول محاضرة و بدينا فالثانية و قالو الثانية لسا ما جاتنا و دخلت على موقع دكتورتنا ريما الحارثي و مافي شي و ما ابغا حق دكتورات ثانيات عشان لا اتلخبط و الاحصاء بس قالتلنا جيبو الكتاب مشكلتي انو دحين الشرح كلو بالانقلش و الاشياء سهل بس محتاجة ترجمة و طبعا ما اقدر اترجم كل شي مكتوب فنفس المحاضرة محا الحق على شي دحين يعني طول السنة كذا ناخذ المحاضرة اول بعدين ينزل السلايد ولا بس كذا بداية السنة ؟

[Somaiah Yousef]

المشاركة الأصلية كتبت بواسطة asma. الكيمياء ما نزل عندنا اول سلايد الين خلصنا اول محاضرة و بدينا فالثانية و قالو الثانية لسا ما جاتنا و دخلت على موقع دكتورتنا ريما الحارثي و مافي شي و ما ابغا حق دكتورات ثانيات عشان لا اتلخبط و الاحصاء بس قالتلنا جيبو الكتاب مشكلتي انو دحين الشرح كلو بالانقلش و الاشياء سهل بس محتاجة ترجمة و طبعا ما اقدر اترجم كل شي مكتوب فنفس المحاضرة محا الحق على شي دحين يعني طول السنة كذا ناخذ المحاضرة اول بعدين ينزل السلايد ولا بس كذا بداية السنة ؟

حملتي سلايدات ليلى الحربي أو نهى وزان ؟؟؟ يمكن نفسها !

افتكر بس هي هذي سلايدات الكيمياء .. وكنا نمشي على سلايدات ليلى لانها المنسقة وهي اللي تحط الاسئلة

والسلايدات كانت موجودة من أول السنة لآخر السنة

إذا مرة مرة .. خذي معاكي يو إس بي .. ونزلي السلايد من عند الدكتورة ريما الحارثي


بالنسبة للترجمة انا مستواي في الانجليزي سيء بس ماكنت أهتم في ترجمة الكلمات أو اني افهم كل كلمة .. الوضع اسهل من كذا

الكيمياء مسائل وكلمات بسيطة وراح تحفظيها من كثر ماتتكرر عليك

موفقة يارب