~لطالبات الإنتساب~ تنظيم وترتيب الجدآول واختيار الاساتذة للفصل الدرآسي الأول

[غيم تايه]

المشاركة الأصلية كتبت بواسطة سحابة امل السلام عليكم اخي غيم تايه ابغى تساعدني في ترتيب جدولي.. المواد المتبقيه...؟ 1- فرق واديان 2- القران الكريم 3- فقه معاملات1 4- انجليزي102 5- منهجية الدعوه و 6-الاصلاح المواريث 7-فقه معاملات2 8- الفقه المقارن 9-التدريب العملي1 10-مقدمه في العلوم المذاهب الفكريه 11- فقه العقوبات 12-نظام الحكم 13- تدريب عملي2 14- ماده حره... نزلت ف الجدول... 1- فرق واديان مي المدهون 2-فقه معاملات1مازن بخاري 3-المواريث عبدالرحمن السلمي 4-التدريب العملي1ناهد رمضان 5-مقدمه في العلوم اميره العطاس 6-ماده حره ابغى ماده سهله اخذت الترم اللي راح الاعلام.. كيف الجدول تمام ولا ايش تنصحني لان ولادتي قبل الاختبارات ب3 اسابيع وماعرف كيف دي المواد وشكرا

وعليكم السلام ورحمة الله وبركاته...

على معطياتك باقي ( 14 ) مادة بحوالي ( 40 ) ساعة، والمواد اللي نزلت عددها ( 6 ) وهي ( 18 ) ساعة، وتم تسجيل اغلب المواد من باب أنها متطلبات لمواد اخرى..
عندك مادة فقه معاملات1 ممتازة مع الدكتور مازن، وفرق وأديان مع مي المدهون ايضا موفقه، والمواريث مع السلمي ايضا موفق،، والتدريب العملي1 يحتاج منك قراءة سليمة ومجودة..
هذه اربع مواد هي مداخل لمواد باقية عليك، لذلك اشوفها منطقية جدا،، المادة الخامسة مع اميرة العطاس ايضا اختيارها موفق ولازم تذاكري وتعرفي انها مادة دسمة لانها كيمياء وفيزياء..
اما المادة الحرة فعندك نصيحة اللأخت بمادة تاريخ السيرة النبوية والخلفاء الراشدون،،، او مادة الاقناع مع رباب،، حلوه وسهلة..
ويبقى عندك ( 7 ) مواد وعدد الساعات ( 22 ) ساعة ممكن تأخذيها الفصل القادم، وتتخرجي، وتريحي نفسك،، وكل اللي عليك تبدئي من الآن وتدرسي وإذا حسيتي انك مو قادرة مع الحمل
والولادة قدمي على تأجيل أو اختبار بديل لبعض المواد،، وخصوصا بيكون عندك عذر سليم،، وبكذا تقدري تنجزيها بكل سهولة، يعني لو اختبرتي ثلاث مواد في ميعاد الاختبارات وثلاث مواد
اختبار بديل تقدري بسهولة جدا،، لكن ركزي من البداية على المواد اللي بتختبريها،، وإذا كانت صحتك تساعدك فتوكلي على الله واختبري لكن خلي هذا الحل حاضر في ذهنك..
اتمنى ان الصورة وضحت لك،، والله يسهل عليك،، وتقومي بالسلامة ان شاء الله ويرزقك بذرية طيبة صالحه،،،

موفقه يارب"""