استفسارعن بطاقة الاحوال واشياء أخرى

[غيم تايه]

المشاركة الأصلية كتبت بواسطة ~So~So~ السلام عليكم ورحمه الله وبركاته .... عندي كذا استفسار اتمنى منكم الرد .. أولا : عندي بطاقة احوال بس ماابغى ارفقها عشان الصورة لكن حساب الجامعة بتويتر طلب مني ارفق كرت العائلة والبطاقة الاثنين !!!! هل اكتفي بكرت العائلة ام ارسل البطاقة واغطي الصورة ؟ ثانيا : انا ما اختبرت ستيب ولا توفل لكن تخصصي يقبل الدورة البديلة اقدر اقدم من دون شرط الانجليزي عشان ممكن اخذ الدورة البديلة بعد القبول بأذن الله ؟ وكيف اقدم على هذا الاساس ؟؟ قصدي ياليت توضحوا لي خطوات التسجيل من دون شرط الانجليزي ؟ ثالثا : ماهو حجم المرفقات ؟؟

وعليكم السلام ورحمة الله وبركاته...

الأول: عادي اكتفي بكرت العائلة، أو غطي الصورة ولا يهمك،، من حقك.. وهذا اللي دارج لأنه الآن لما يستقبلون الطلبات ما يعرفون هل هذه اللي ارفقت البطاقة صاحبتها ولا لا..
ولما تطابقي اوراقك في قسم النساء يؤكدون ان الرقم السجل المدني يعود لحاملة البطاقة ،، ورقم سجل بطاقتك هو نفس رقم سجلك في كرت العائلة ،، لكن لا تنسي الصورة تظهر ايضا في الزاوية اللي
على اليمين تحت.. في البطاقة..

ثانيا: - نعم قدمي لأن المفاضلة على اساس القدرات والمعدل، والاختبار التحرير ان وجد،، اما الستيب والتوفل فسوف يتم إشعارك بأن قبولك مشروط، وإذا حدث ولا قدرتي تجيبي الدرجة تطلبي الدورة
البديلة..

ثالثا- اختي المرفقات ما يحتاج أنتي حولي الملفات pdf وعلى طول تمشي معك كل خانة عبارة عن شهادة، يعني ما راح يشكل هذا عائق لأني مو فاكر حجمها.....



موفقه يارب"""

[~So~So~]

شكراً على ردودكم وجزاكم الله خير ....

ثانيا: - نعم قدمي لأن المفاضلة على اساس القدرات والمعدل، والاختبار التحرير ان وجد،، اما الستيب والتوفل فسوف يتم إشعارك بأن قبولك مشروط، وإذا حدث ولا قدرتي تجيبي الدرجة تطلبي الدورة البديلة..

ياليت توضح هذي النقطة يعني اقدر اختبر قبل التقديم ولا اذا انقبلت بأذن الله اروح بسند سداد الدورة ؟؟؟

طيب في التقديم اختار اني ماعندي اي شهادة تخص شرط اللغة

[غيم تايه]

المشاركة الأصلية كتبت بواسطة ~so~so~ شكراً على ردودكم وجزاكم الله خير .... ياليت توضح هذي النقطة يعني اقدر اختبر قبل التقديم ولا اذا انقبلت بأذن الله اروح بسند سداد الدورة ؟؟؟ طيب في التقديم اختار اني ماعندي اي شهادة تخص شرط اللغة

حياك الله :

سبق رديت لكن الظاهر حصل خطأ ولا مشى الرد،، المهم إذا فيه اختبار قريب سامعه فيه ادخلي الأختبار وإذا طلعت نتيجتك خليها معك،، حتى تقدميها إذا تم قبولك ان شاء الله..

إذا ما عندك وتم الأعلان عن اسماء المقبولات،، وكنت من ضمنهم بتروحين تطابقين الأوراق، وهناك بيعطونك مدة شهر - ناسي المدة بالضبط- تجيبي فيها الدرجة المطلوبة,,

او تسددي سند دورة بديلة يكون لك الخيار،، اتمنى أنك فهمتي علىّ، لأن الكثير يفكر انه ضروري يكون أثناء التقديم وجود الدرجة المطلوبة وهذا ليس بصحيح،، لأن المفاضلة تكون على درجة المعدل

والقدرات، إلا في حالة البرنامج الخاص فأنه مطلوب قدرات وستيب، لأنهما يدخلنا مع المعدل في الدرجة الموزونة،، اتمنى وضحت الصورة،،،


وبالنسبة للبطاقة نعم غطي وجهك ولا عليك من أحد،، اصلا في الدوائر الحكومية البطائق اللي تمر علينا كموظفين مغطاه وجههن واحيانا نحثهم على ذلك، وأذكرك مرة ثانية فيه انعكاس للصورة

في الجنب السفلي من البطاقة غطيه لأنه ما تستفيدي من تغطيه الصورة فقط،،، موفقه يارب"""

[~So~So~]

شكرا لكم والله يجزاكم خير ويسعدكم دنيا وآخره