مقدمة علم الحياة -باعشن

[never hide]

أنا سألت رئيسة القسم الحالية ... د/ صالحة العقيلي و هي قالت لي روحي اسألي د سهيلة قاري لأنو هي المسؤؤله عن الماستر
وسألتها و قالت لي ان اختبار قسم الاأحياء راح يكون عام يعني في الكتابين حقون الأحياء الأحياء العامة .... يعني مثلا اش راح يكون اكيد في الأشياء العامة في الاحياء زي الوراثة و مكونات الخلية و الهرمونات و اجهزه الجسم و بعض وظائفها ..... هذا استنباطي لمن سألتها و العلم عند الله .

مقدمة علم الحياة لنبيه باعشن الجزء الأول : التركيب و الوظيفة و معاه الدكتور زراق الفيفي في الطبعة الجديده( الطبعة الثالثة ) سعرها 130 ريال و صراحة الكتاب حلو و ملون و كبير الحجم و اشتريته من مكتبة خوارزم اللي في العلوم بس من كم سنه .

الجزء الثاني : التنظيم و التوجيه برضو د. نبيه با عشن و معاه د. احمد ابو خطوه .... أحس المعلومات هنا مركزه أكثر و أهم من الجزء الأول فأنتي حاولي تحصلي على هذا و سعره مو فاكره بس يمكن بين ال30 و الأربعين ريال أتوقع تلاقيه في جرير .

انصحك انك تحاولي تحصلي على الثاني و تقري منه .

الله يوفق الجميع .

المهم أيا كانت الطبعة تقريبا نفس المعلومات .... يعني في الأحياء العامة .

بس الطبعة الجديده حقت الجزء الثاني فيها تلخيص و اسئلة في آخر كل فصل .

المهم الاختبار راح يكون اختيار من متعدد ... و اعتقد انو راح يكون طويل لان مدته 3 ساعات .

كل شي له علاقة في الأحياء ممكن يجي في الاختبار و الله الموفق .