تعالوا....!

[masha3er]

المشاركة الأصلية كتبت بواسطة υикиσωи وعليكم السلام ورحمة الله وبركاته .. كلنا حنكون طبعا مع الزيادة ..مح ــد تجيلو الفلوس لعندو ويقول لا.. ليش مو من العدل ...!! خيووو الطب مو أحسن من غيرو من الاقسام .. كلها سوا ... اللهم انو في ناس حابة دا التخصص وداخلتو زي ما في ناس حابة الرياضيات والاحصاء والكيميا والنسيج والتصميم الداخلي وغيروووو .... ويكفي انو دولتنا من بين كل الدول تدينا مكافأة ... ازا زادووو نقولهم شكرا ما قصرتوو وعليها بوسة.. .. لكن حكاية انو موش من العدل ... فدي ...................؟!.؟. ...!!!

مرحـبا .. :)

كيفك ان شاء الله طيبة ..

بس حبيت اوضح شي .. !

" مو من العدل " .. مو المقصود فيها انو احنا طب واحنا افضل من غيرنا ونستاهل مكافأة اكثر لاننا بنقعد لين 3 او 4 .. !

لانو بذي الطريقه احنا نظلم اللي في التخصصات الثانية اللي حالهم من حالنا دوامهم لين وقت متأخر , والبلد مثل ماهي محتاجة اطباء برضوا محتاجة معلمين و اداريين ومهندسين وغيره ..

الفكرة انو كتبـنا غالية :( غير انو في دورات تضطري انك تحضريها .. غير الاوراق اللي تشتريها وغير طبعا انك تصرفي على نفسك .. لانو المفروض فـ دا السن الواحد يحاول يعتمد على نفسه ولا ؟

كل الكلام دا مو عذر انو احنا "بس " اللي مكافأتنا تزيد , المفروض الجميـع .. لكن الاسباب اللي ذكرتها هي اللي تخصنا تقريبا ..

وبس :)

أختك .. مشاعر