تجمع ماستر علم اجتماااااااااااع الرجاء المشاركة

[ملك روحي]

رعشة فيه مشكله حاليا بالموقع حتى انا موراضي يفتح عندي

[عفاف الذبياني]

ياحلوين فين الاقيكم في اجتماعي على اي رابط بالضبط وفي اي موضوع
لانو عندي اخبار اقولها لكم عن الكتب والمذاكرة
بس تدعوووووووووووولي اهم شيء

[مامة جمان]

هلا عفاف انا وملك في اجتماعي ننتظر رعشة
في قسم طلاب وطالبات الدراسات العليا ملك نزلت موضوع أهم الكتب اللي نذاكر منها
وممكن تكتبي هنا ننتظرك
والله دعينالك في السجود الله يوفقك ويعافي مامتك يارب

[ملك روحي]

اهلين حبيبتي عفاف زي ماقالتلك مامة جمان ننتظرك في منتدى طلاب وطالبات الدراسات العليا وهذا رابط موضوعي

[مامة جمان]

يا بنات وينكم نستناكم

[ملك روحي]

مامة جمان انا طفشت طالعه وان شالله احد يرد علينا

[مامة جمان]

المشاركة الأصلية كتبت بواسطة ملك روحي مامة جمان انا طفشت طالعه وان شالله احد يرد علينا

حتى انا
بس ما تدري في مقابلة دي السنة ولا بس تحريري

[عفاف الذبياني]

الله يسعدكم ياررررب ايووه كثرووو دعاء انا اليوم تعبببببببببببت لمما حصلت كل الاستفسارات وهذا للي بسويه اعملوه واذا عندكم نصايح ثانية قولولي ترا انا اول مره حدخل الاختبار ولا لي اي تجربة
بالنسبة لنظريات
كتاب النظريات المعاصرة في علم الاجتماع لحكمت العرابي
والمهم فيه هو ..
الفصل السادس
الفصل الثامن وخاصة جدول في صفحة 152 للمقارنة بين الصراع والوظيفية
الفصل الحادي عشر من صفحة 181 الى 193 لان هنا تجدون التفاعل الرمزي والاثنوميثودولوجيا
فالمهم في جزء نظريات الثلاث نظريات التفاعلية الرمزية والصراع والبنائية الوظيفية
كتاب النظريات الاجتماعية لمحمد فؤاد حجازي
الفصل الاول
الفصل الثاني وناخذ الثلاث الاوائل اوجست كونت+سبنسر +دوركايم
وناخذ ثانيا الوظيفية البنائية مع تالكوت بارسونز
الفصل الثالث الصراع وناخذ كارل ماركس
والصراع المعاصر ناخذ رايت ميلز +رالف +كوزر
الفصل الرابع ناخذ ماكس+ جورج ميد
وفي المعاصرون من السلوكيين ناخذ هربرت بلومر او جوفمان
الفصل الخامس ناخذ في نظرية التخلف الثقافي نظرية أوجبرن
فيما يتعللق بالنصوصا الاجتماعية اخبرتني الاستاذه المتخصصة في هذا القسم ان نذاكر من كتاب
sociological s )2end edition 1997
بالاضافة لى قاموس علم الاجتماع ولم تحدد لي مؤلف بعينه لانها تذكر انه ليس هناك مرجع متكامل في قاموس النصوص الاجتماعية ولكن استذاة اخرى نصحتني بالمؤلف محمد عاطف غيث هذا غير انه هو المتوافر في المكتبات واشتريت كتاب قاموس علم الاجتماع لمحمد عاطف غيث
يجب ان نحفظ المصطلحات من عربي الى انجليزي والعكس بالاضافة الى حفظ المفهوم اي تعريف المصطلح
بالنسبه لمناهج بحث ايضا لم يتم تحديد كتاب معين لمؤلف بعينه كل استاذة تنصح بكتاب ولكن انا ذهبت الى استاذه تعطي مناهج بحث واخبرتني الا اشتت نفسي وخاصة ان الاختبار قريب وقالت كلوو يؤدي الى بعضه اي كتاب في المناهج يفيدك وريتها كتبي قالت كويسه وانا حركز على واحد اكثر والثاني لو فضل وقت اشوف ايش الزيادات اللي فيه فقط
انا حركز على كتاب قالت عنو انه ظريف :) وهو أصول البحث الاجتماعي لعبد الباسط محمد حسن لانها تقول كل الجديده بتاخذ من هذا الكتاب
والكتاب الاخر اللي ممكن اطلع عليه فقط اطلاع وهو مقدمة في مناهج البحث العلمي لعبدالعزيز النهاري و حسن السريحي
وبالنسبه للاسئلة العامة التي ترد في الاختبار فستكون من مادة مبادئ علم الاجتماع ونصحتني الاستاذة بشراء كتاب مبادئ علم الاجتماع او مدخل في علم الاجتماع المهم لطلعت لطفي وانا عندي في البيت كتاب مبادئ علم الاجتماع لفادية الجولاني لو مثلا احتجت له لكن انا حركز على كتاب طلعت لطفي
وبس هذا كلل اللي صار كثير وربك يعين
الله يسعدكم ادعولي ولوالدتي بالشفاء وبالسعادة والنجاح ويارب اقابلكم في الجامعة بس شكلكم مو من دفعتي عموما حبيتكم أنا ههههههههه

[مامة جمان]

مساء الخيرات هلا عفاف
اول شئ الله يجزاك كل خير ويجعله في ميزان حسناتك ويكتبلك ربي التوفيق والسداد
عن جد معلومات مفيدة
وحتى انا لو رحت الجامعة ما كنت راح اقدر افيد البنات زيك
الله يوفقك وترجعلكم مامتك وتنور بيتكم
وان شاء الله ننقبل في الماستر ونتجمع على الخير يارب
بس عندي سؤال تدري في مقابلة او لا؟؟
والف شكر
انا من نفس دفعتك بس جامعة أم القرى
واحنا كمان حبيناك وجالسين انا وملوكة ننتظرك من بدري وندعيلك

[عفاف الذبياني]

الله يسعدككك
اميييييييييييييييين ربي يقبل دعائكم
اسمعو انا ماسالت طافتني حكاية المقابلة بس وانا بتكلم مع الاستاذه هيا سالتني قالت فيه مقابلة كالعادة ولا لا ؟ قلتلها اكيد بس بعد التحريري قالت ايوه لانو سؤال زي الاثنوميثودولوجيا ممكن يجي في الشفهي
فأكيد فيه بس ولايهممك حسال لو قدرت اروح الجامعة ثاني بعدين ليش تشيلي هم خلينا اول في التحريري لانو هوا الاكبر اكيد الشفهي سهل ولا بيخرج عن التحريري يعني تكوني في ثلاث ارباع المشوار انا ذحين بتكلم واكتب ولا بدأت بشيء لكن خلاص حتحمس معاكم واحمسكم ونقول لبعض اش نذاكر انا شايله اكبر هم المناهج وبعدها النصوص لاننا عايمين فيه حياك الله يامامة جمان وحيا الله اهل مكة