افيقوا ايها الرجال قبل ان يفوتنا اقطار!!!!!!!!

[نضال]

كلو من سبب ثقافة الحياة الزوجية مهي مأصلة فينا...مو حكاية دورات ومعاهد...قيم العيلة كلها اتلخبطت في الزمان دا...لو الام الصح تقعد مع بنتها تفهمها مزبوط ايش معنى زواج والاب نفس الشي لولدو ماكان صار اللي بيصير الان

من الصعب انك تغيري تفكير الأم او الأب ..

لكن ممكن تاثيري على الزوجين نفسهم ..

اللي انتي تقوليه بالضبط هوا وجود القدوه الصالحه في حياه الزوج و الزوجه .. و انا اتفق معاكي تماما ..

لكن اذا تفكير الاهالي اتجه للقشور و ترك اللب .. فهل راح تتركي لهم دفه التوجيه ؟

زمان كان ينقال للبنت قبل ما تتزوج .. دا زوجك و حاولي تسعديه .. و تقولها كيف الرجال يحب يتعامل و كيف يتلين قلبه ..

الان صار اول ما ينقال للبنت اذا اهله ما عجبوكي اعطيهم على راسهم ..

و نفس الشي بالنسبه للزوج .. صارت النصيحه المعتاده .. لا تولفها عشان لا تلبسك السرج

فاذا انعدمت القدوه الصالحه .. ايش المانع ان الحكومه توفرها ما دام الامور اتردت و زادت نسبه الطلاق ؟

ماليزيا عملتها .. و الاكيد انها بتجيب نتايجها

[NeMo]

انا مابقول انو في موانع ليها بالعكس....الزمن اتغير اكيد والقدوات للاسف كل ماليها بتنعدم وصار كل اللي قدامنا قشور وانتا وحضك
ثقف نفسك بنفسك وعلم نفسك بنفسك....صرت ف يالزمن دا لوحدك...
اكيد الدورات والمعاهد والمربيين والمدربين حيكون ليها اثر واسع بحكم الزمن انفتح وصار في قبول للامور دي بشكل طبيعي...زي ماصرنا ناس صارت تروح لعيادات اطب نفسي بدون خجل ...ودا شي روعة اثني عليه

بس فكرتي قبل لانحاول الدراستيك ميجورز دي ندور عالاصل الاول
والاصل هوا البيت الام والاب......لانو مهما صار الا ماتأثيرهم حيفضل هوا الركاز
لمن الام تكون انسانة واعية مش شرط متعلمة لكن واعية لدينها وبيتها وزوجها ومجتمعها حواليها.....لمن تكون قوية عرفت تربي اولادها صح وتمسكهم في زمن زي اللي عايشين فيه....انا ماراح انط كل شوية ادورلي على معهد يعلمني اشياء كان المفترض من زمان تتنغرس فيا ولا كيف؟؟؟
حيكون دورها فعال ايجابي رائع وكل شي وراح تمشي مع شريحة معينة الشريحة اللي تبغى تتغير صح واللي تبغى تستفيد...لكن الباقي؟؟؟
احنا مهما ابينا مهما كابرنا مازلت التقاليد "دين" مغروس فينا بسيئها وبحسنها...
في معتقدي اللي اقوى منهم تاثير الاهل...مهما حاولت لا يمكن تخرج عنو...

معاك ماراخ تقدر تغير كل ام واب...بس ايش اللي يضمنك انك حتغير كل زوجين؟؟؟
المسألة حظ...مرهونة للي يبغى يتغير وبس..

[نضال]

انا ما اقول اننا نقدر نغير نظره العرسان من خلال دوره ..

كل اللي اقترحه اننا نوفر مصدر بديل .. و نعطي الادوات اللازمه و الثقافه اللازمه حتى يواجهوا حياتهم الجديده ..

لو افترضنا ان من كل ٥٠ شاب و شابه دخلوا الدوره ، خرج منهم ١٠ بنظره مختلفه و ايجابيه عن الزواج .. وقتها حايكون مكسب المجتمع عظيم لان كل واحد منهم بيأثر في الوسط المحيط بيه .. و بعدها بسنوات راح نلقى اننا خلقنا ثقافه صحيحه تضمن لنا اسره سعيده و مجتمع سليم !

اتفق معاكي ان دور الام و الاب ما يمكن تعويضه .. لكن على الاقل يمكن تعويض جزء منه

قبل ما نبدا في تطبيق الفحص الالزامي .. كان فيه ناس في مجتمعنا يقولوا انه بيسبب ربكه و حاتكون له عيوب و و و ..

و النتيجه .. المجتمع نفسه الان صار يشوف ان الفحص ضروره لا يمكن التغاضي عنها ...

[NeMo]

انا مابقول شي في كلامك
نقطتي اللي بدور حوالينها انو الاهل هما الركاز اي اجراءات تانية حتكون ثانوية مقارنة بدور الاهل
اكيد الفائدة رح تعم ومجتمع جديد اوعى حينبني بس دي المؤسسات دورها "تكميلي" وبس...

انا مع الفكرة قلبا وقالبا لكن بعد الالتفات للقيم العائلية وتفعيلها من اول وجديد

ليش بخبرك اختبارات وفحوص ماقبل الزواج من فين لقيت القبول الان "والمجتمع" بدأ يحتضنها؟؟

[نمر من النمور]

وهو كل من هب ودب قام عدد !!


وَإِنْ خِفْتُمْ أَلاَّ تُقْسِطُواْ فِي الْيَتَامَى فَانكِحُواْ مَا طَابَ لَكُم مِّنَ النِّسَاء مَثْنَى وَثُلاَثَ وَرُبَاعَ فَإِنْ خِفْتُمْ أَلاَّ تَعْدِلُواْ فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلاَّ تَعُولُواْ (3)



ولا يخفى فوائد التعدد الجمة

لكن كثيييييييير .. وحدة ومو قادر على مسؤوليتها

[نضال]

بعد ما حس المجتمع بضرورتها و صار فيه نشر للاحصائيات المتعلقه بنسبه الامراض الوراثيه نتيجه القاعده المعروفه " البنت لولد عمها "

و اذا كنا فقدنا دور الام و الاب الايجابي في بناء الاسره نقدر نبنيه من اول و جديد عن طريق بناء الجيل الحالي .. حتى لو بطريقه تكميليه ..

[فااارس]

هيا بنا نتزوج ؟

[فتفوتة سكر]

دحين هاد هو اللي مسبب ازمه ؟
يعني التعدد في نظرها هو الحل ؟
انا ما احرم الحلال لكن التعدد له شروط

لعلمك احصاءات الدول مازال اعداد الذكور يغلب على عدد الاناث
لكن المشكله هي عزوف الشباب عن الزواج !!
وليش من التبذير وانواع الخبالات اللي بتطلع في الازواج كل يوم
الواحد ما فيه يحمل كل هالمسؤوليه والتكاليف الا مالها داعي !!



الله يسامحك على هالموضوع
لو ماما قرأتو حتطالب بحدفو على طول

[GAME OVER]

المشاركة الأصلية كتبت بواسطة فتفوتة سكر لعلمك احصاءات الدول مازال اعداد الذكور يغلب على عدد الاناث لكن المشكله هي عزوف الشباب عن الزواج !!

يا سلااااااااااااااااااااااااااااااااااام ،، عليك لمبه كوع

هذا اللي ابغى اقوله

طيب السؤال اللي يتزحلق في ذهن كل قارئ ،، ليه الشباب عزفوا عن الزواج ؟؟؟


لأن المجتمع ما صار يرحم ،، والله ماصار يرحم

تخيلوا اليوم رحت مع واحد نشوف سياره بيشتريها ماشيه 5 آلاف فقط

طيب ليش يا فلان تبغى تبيعها ؟؟

قال: كانت من شروط الخطيبه ،، ان يكون يملك سياره فاخره

وبعد ما اشتريت السياره ب 160 الف اقساط بطلت بنت الناس لأسباب اخرى

طيب اسألكم بالله زي هذي تبغى تتزوج آدمي ولا سياره

فأغلب الشباب يتوظفوا ب 5 و6 آلاف ،، بالله من فين لأمه بيت مستقل وسياره موديل السنه وووو

فيقوم يكب الزواج ويسافر المغرب

[NeMo]

المشاركة الأصلية كتبت بواسطة GAME OVER قال: كانت من شروط الخطيبه ،، ان يكون يملك سياره فاخره وبعد ما اشتريت السياره ب 160 الف اقساط بطلت بنت الناس لأسباب اخرى

معليش اللهم لا شماتة بس يستاهل
من الاساس من يوم ماتشترط الاخت الشرط دا يقلها يفتح الله
فين الاهم فالمهم؟؟؟؟

هيا مستفزة وهوا يقهر.....قال سيارة فاخرة قال
ناس مهي محصلة تجيب اكل ودي تبغى سيارة
الله يهدي من عندو وبس<<<<<<<<<<<<معصبة من جد