ماهي تجربتك للشقق المفروشة في جدة لهذا الترم

[من جد وجد1]

وصلت جدة يوم الخميس بعد المغرب
سكنت في شارع فلسطين
اسم السكن مسكن الماسي
سعره معقول200ريال
غرفتين وصاله ومطبخ ودورتين مياة وأنترنت
خدماتهم ممتازة وسكن نظيف وراقي وقريب من الجامعة

[ابوسلمان999]

السلام عليكم ورحمتة وبركاتة

أنا لي تجربه طيبة مع السكن في فندق المحمل شارع فلسطين

قيمة الغرفة 180 ريال واحلى شي ان الغرفة تنظف يومياً

طبعاً غرفة ومطبخ صغير ودروة مياة والنظافة ممتازه جداً

وانا اسكن هنا من سنتين تقريباً ودايم احصل غرفة دون تعب والحمدلله

[الطريفي]

ياخواني والله انا جيت جده يوم الجمعه العصر ولا حصلت شقه الا الساعه 2 ليلا
ل الشقق اللي حصلتها الفرش حقتها تعبانه واخيرا حصلت شقه غرفتين ومجلس ودورتين مياه بــ 200 ريال
بس الفرش الله يعين وش نسوي تعبانه انتبهوا ياخواني من المفارش لازم ترفعونها قبل تستاجر او تنام لانه راح تحصلون اشياء والله تلوع الكبد
شارع فلسطين رواد الفخامه

[سمران]

وصلت جده الفجر ولقيت شقه بعد الضهر ماشاء الله تبارك الله تفتح النفس زباله زتطل على زبايل لاكن ايش نسوي نبغى نختبر ونمشي

[سمران]

شقق الساحل مقابل كلية الهندسة السعر 250ريال ثابته ماتحتاج سياره تروح للجامعة برجولك رقم الشقق ماني عارفه النظافة جيده غرفة وصاله مطبخ ودورة مياه انترنت

[ابو فلاح]

اما انا سكنت في احلى امسيه حي النسيم والسعر يابلاش 200 ريال غرفه وصاله ودورة مياه

احسن شي فيها انها قريبه جدا من الجامعه تطلع من الشقه على طول قدامك البوابه

[تركي الغبيوي]

شقق الحسني حي مشرفه تقاطع شارع فلسطين

غرفتين وصاله صغيره و دورة مياه ومطبخ
بـ 150 ريال

[أبوعبدالملك.]

الله يجزاك كل خير على هالموضوع وياليته جاي قبل الإختبارات
ولكن جميل جداً أن الواحد يستفيد منه في الفصل القادم
أما أنا فأحب البعد عن الجامعة وذلك لنظافة المكان والشقق وهذا طريقتي بالبحث عن السكن وطبعاً أحصل علطول والحمد لله والأسعار مابين ال 130 للغرفة إلى ال 180 للغرفتين ريال
أنا الآن ساكن بشقة غرفة ومطبخ ومجلس ودورة مياه وأنترنت وحالتها جميلة وموقف للسيارة وجنبك جامع وسوق وكل شيء تحتاجة
والمسافة بين الشقة والجامعة مابين ربع وثلث الساعة وأنا بوسط القاعة
ومكانها في حي الصفا قريب من الدائري ومن مستشفى العيون
والحي جميل ورائع وإن شاء الله أقدر أنزل لكم أرقام التلفونات اللي عندي عشان تستفيدون منها أكثر
والله يوفقنا وأياكم لكل خير

[كيف حالك]

اما انا فكنت في بودل في شارع التحليه بالقرب من ايكيا

ممتازه جداً

عباره عن ثلاث غرف ودورتين ماء ومطبخ وصاله

400 ريال

[أبوعبدالملك.]

ياليت يكون موضوع مثبت طول السنة ومحديث كل فترة لتجديد الأرقام والشقق

والله يوفقنا واياكم لكل خير