ما الأسباب الرئيسية التي تخولك لترك أو الإنسحاب من الدراسة من الجامعات بالمملكة

[سكووت]

اعتقد طريقة التدريس النظرية من اول ابتدائي حتى المستوى الرابع بالجامعه اللى انا فيه
يعني حشي المعلومات بالملعقة للدماغ وبس ..

مافي فعاليات للمادة نمارسها عشان ترسخ المعلومة كل اللي يبغونو بحوث وبحوث وبحوث يعني ورق وبعدين ينرمي بالزبالة ..نبغى تطبيقات عملية يطلبون مننا انجاز عملي عالمادة مثلا يخلينا نتحرك نشتغل حتى لو صعب لكن يراح ينمى الابداع اللي غبر وانبنى عليه شبكة عنكبوت بسبب عدم الاستعمال..

بعض الدكتورات ابغى افهم كيف قبلو يوظفونهم ؟؟وين التقييم المفروض يكون في مراقبة مفاجئة لهم عشان يشوفون الوضع المخزي لطريقة الشرح والاسلوب الممل اللي يخلي الساعه كانها سنة ..

الانجازات اللي يعملوها الطلبة والطالبات ليه مانعزم وفود من جامعات غربية اوروبية اسيوية عشان نتحمس ونصير نشتغل ونبتكر ونعمل ونرفع اسم جامعتنا ..

المواد الحرة والاختيارية ليه لازم اروح انلطع عند مرديتي اللي تتأخر في الصباح وتتسكر الشعب بسبب تأخيرها عشان تضيف ليا مادة .ليه ماتكون عبر النت للبنات زي الشباب ..

دي الاشياء مو متوفرة ودا هوا سبب يخلي مخططي بعد سنتين الماستر من جامعه في الخارج..

في شاب قريت منزل يومياتو باحد المنتديات ومرة راح يراجع درجة مادة عند استاذ بالجامعه فطبعا الاستاذ رفع صوتو واهان الشاب ..بعد فترة الشاب راح بعثة وكان في استاذ يهودي يدرسو واضطر الشاب يروح للدكتور عشان جاب سي بأحد المواد على مااعتقد ..اليهودي كان استقبالو للشاب السعودي افضل الف مرة الاستاذ السعودي ..وودع اليهودي الطالب وهو يقول لو شكرا يامديري !!عاد الولد قال ايش انا مديرك ؟؟قال ايوا نت تدفع للجامعه والجامعه تديني راتب يعني اللي يدفع ليا يعتبر مديري ..
فرق واضح ..


لعدم ظلم الجامعه قبل فترة سجلت بنشاط كلاس للغة اليابانية ..شي حلو لوقت الفراغ ..لكن المفروض مو كلاس المفروض قسم وتخصص لغة يابانية مثل جامعه الملك سعود

[wallo]

^^^
سكووت ههههه اماا نعززم وفوود اجنبية اقووول مو ناقصيين فضاايح :)

بعدين فين سجلتي كلااس لغة يابانية عندي صحبتي مرره مجنوونة فيها ؟؟
مره حتنبسط اذا عرفت ...

[سكووت]

مو على طول وفود اجنبية خخخ اول شي نزبط الوضع ونسوي الاشغال والاختراعات ونحسن التعليم ونجيب
اساليب التعليم الحديثة وبعدين نجيبهم ...

انا مو مجنونة وبس انام واصحى عليهم وصل الجنون اني قدمت بعثة للبكالوريس بس شاتوني وماانقبلت بس وراهم وراهم
عاد يوم رحت اسجل تفلسفت وقلت ليه ماتجيبو مدرسات من السفارة والقنصلية اليابانية هع قالت الموظفة ياشيخة امووت عالمصطلحات والقنصلية انا خخخخخ..

في مبنى 420 الدور الارضي القسم حق النشاطات الطلابية اعتقد التسجيل سكر بس انا رحت حطوني بالدفعه التانية عشان حيوسعو الكلاس عشان اعداد كبيرة انضمت طلعو العشاق لليابان كتيير خخخخخخ

مره بالصدفة قابلت بنت عند البنك وشفتها تقرا كتاب ياباني واخدت رقمها وايميلها يالله عن جد ودي يكونو صحباتي زيي ..

[wallo]

^^^

ههههههههههه ياشييخه وربي عسل نفسي اقااابلك واعرفك ع 2 من صحبااتي نفس حاالتك :)

ع فكرة حتى انااا بقدم البعثة للماستر هناااك؟؟ هاتي ايميلك نهاجر مع بعض هههههههه :)

[عاقله لحد الجنون]

بصراحه الدراسه ماتشجع -- ماني عارفه ايش اقول ولااخاف اقول انسى شي بجد قلبي مليان

ياخسارة السنوات اللي من اولى ابتدائي تدريس غلط بغلط

الله المستعان --

[Glam G!RL]

اختي سكوت

المواد الحره والاختياريه بسسسس كليتنا الاداره والاقتصاد مهي فاتحه عن النت

لاكن الكليات التانيه مفتوحه من النت

بس الاقتصاد والاداره الله يقلعهم مدري على ايش مايفتحوها لنا زي العولم والاداب والاقتصاد المنزلي

من عدالت معاملتهم عشان مايفتحوها لنا


بس طالبي

احنا رحنا طالبنا عن عيدة الكلية

لو كان عدد البنات كبير بيسمعو لنا

[سكووت]

تصدقي ماكنت ادري على بالي كل شطر الطالبات كدا
ابو الظلم ليه يعني المفروض احنا قسم ادارة يعني المفروض الادارة وطريقة التنظيم والتخطيط عندنا تكون اسهل واريح شي مو تعقيد ..
ايش قالت لكم العميدة يوم كلمتوها ؟؟..كان سدحتي لها قصة الترم الصيفي مرة وحده

[بلاتينيوم]

السبب الرئيس هو عدم وجود تخصصات دقيقة للبكالوريوس كلها أقسام عامة لاتخرج منها إلا بقشور العلوم
مثلاً في مجال الكيمياء
توجدة في ألمانيا ( كلية ) تختص بدراسة علم البوليمرات !!
علما أن البولمرات في جامعتنا الموقره ( مادة إختيارة واحدة فقط>1< ) وموجودة في شعبة الكيمياء العضوية >2< وشعبة الكيمياء العضوية موجودة في قسم الكيمياء >3< وقسم الكيمياء موجود في كلية العلوم >4<

الآن انظر كم سبقونا ألمانيا بمراحل!! وصولوا الى ا" اللب " (1) ونحن لا زلنا في القشور (4)

[سمو الاميره]

فيه اسباب كثيرة..
بس اهمها..
ان الدراسه هنا فيها نوع من الملل..
مدري انا كذا احس او هذا احساس الجميع..