ابغى نصيحتكم ومشورتكم ياجماعة الخيررررر

[r_r]

افضل تاخذي 4 .. لانه لازم ماتتجاوزي نصف ساعات التخصص

ربي يوفقك

[عماد البو]

السلام عليكم
شوفي اختي انا متخصص علم اجتماع وهوا بصراحة تخصص جدا حلو بس الناس ما يفهمو اهمية علم الاجتماع المهم انا راح اقلك المود الي ممكن ترفع معدلك وا احاول افصلك اولا مادة مدخل علم اجتماع دكتور وجدي شفيق اذا ذاكرتي اظمنلك 90 وفوق اسئلته موضوعي يعني صح وخطا و اختياري وسؤال او اثنين مقالي ومادة جدا غنية بالمعلومات المادة علم الانسان لدكتور هنيدي البشري مادة كلها مقالي يعطيك 5 اسئلة وتختاري 2 بس و الدرجات عندو ما تزيد عن 65 ولكن هذه المادة متطلب لأنو بعدها في علم اجتماع السكان وهيا عند نفس الدكتور هنيدي وميزة الدكتور هنيدي محد يرسب عندو الا النادر يعني الي ما يمسك الكتاب مادة مناهج البحث عند الدكتور نوري مادة متوسطة لكن بصراحة تحتاج الى مذاكرة وطريقة الاسئلة كلها موضوعي وسؤال او اثنين مقالي وهذه المادة كمان متطلب للمادة الي بعدها وهيا احصاء اجتماعي والمادة مدخل الى علم النفس مادة سهلة والدرجات مضمونه إن شاء الله وهيا كمان متطلب لمادة بعدها اسمها علم النفس الاجتماعي دكتور المادة جابر الحربي وهوا دكتور جدا طيب وفاهم وأسئلتو حلوه كلها موضوعي يعني بالمختصر المفيد خليك على الخطة الدراسية افضلك نصحية ركزي على علم الانسان وا افهميه كويس عشان اول ما راح تمسكي الكتاب ما راح تلاقي شي فيه يعني مبهم وانا انصحك بحضور المحاضرات او الدورات
اتمنى اني ساعدتك وانا في الخدمة في اي وقت .

[MOOOOOOOOOON]

السلام..
ماعرفت وين اكتب اسئلتي..
اناطالبة سنة تحضرية خلصتها وحملت 3مواد واتخصصت كلية ادآب وماخترت التخصص للحين مدري اكمل تحضيري ولا اتخصص والمواد الي حملتها كيف اسوي فيها..؟؟؟ايش اسوووووووووي الفزعة..

[عماد البو]

كيف تتخصصي ونتي عليك مواد المهم ما علينا الترم الصيفي في السنة التحضيرية مجانا لكن لا تزيد عدد الساعات عن 9 ساعات يعني 3 مواد على حظك

[MOOOOOOOOOON]

قالوا اختاري الكلية..
اخوي كيف اسجل ترم صيفي ؟؟؟

[عماد البو]

المشاركة الأصلية كتبت بواسطة moooooooooon قالوا اختاري الكلية.. اخوي كيف اسجل ترم صيفي ؟؟؟

شوفي اختي النظام في الجامعة مو معروف فعشان لا افتى واضيعك اعطيك ارقام الجامعة وهم يفيدوك
6952000 تحويلة 65140
6952222 نفس التحويلة
6951883 بدون تحويلة اعتقد

[سلطانة النساء]

up

[moon night]

أنا عن نفسي يالغلا أنصحك تاخذي سته مواد وخذيها أغلبها بثلاث ساعات وبكذا تضمني إن معدلك ماينزل كثير حتى لو كانت عندك درجه سيئه هذا كلام وحده من الاستاذات تقول كل مازدنا مواد كل ما حافظنا ع المعدل هذا اللي فهمتوا من كلامها وكمان هذا الشي راح يقلل من سنوات الدراسه أما من ناحية المواد ما أقدر أفيدك لأني علم نفس وإنتي إجتماع وحتى انا نفسي أسدد الرسوم بس حاسه إن عندي لسه امل بيقول إني راح أحول إنتظام وكمان خايفه أستنى كثير ويفوتني التسجيل في السنترا بس الله يكتبلي اللي فيه الخير ويكتبلكم وبالتوفيق ياعسل أتمنى إني اكون أفدتك ولو بالقليل ...

[MOOOOOOOOOON]

بالله ردو علي تراء حالتي زفت...
يعني متى ادرس بالاجازة؟؟؟؟بس كاتبين لي طالب غير مسدد؟؟؟؟؟؟؟؟
فديت من يساعدني.......

[MOOOOOOOOOON]

بالله ضروري ياناس ابغى افهم ايش موقعي من الاعراب....
تراني حايسة معرف ايش اسووووووووووووووي...