(ضروري محتاجتكم)سؤال عن الجلدية والأسنان ...؟!

[Dr.Dode]

MS.Fabulous
وين مكان العيادات المثالية
ووو كمان إنتي إستفدتي منها وراح إللي كنت بتعاني منو
الله يشفي الجميع ويسعدك ياعسل

[Dr.Dode]

هنا وهناكــ
كيف أدوية الدكتور عباس كثيرة وإستخدامها مؤقت ولا لازم كم شهر
لأنو أنا رحت عند الدكتورة أحلام عبداللطيف برضو في بخش العيادات الخارجية بعد ما مدحولي هيا كثيييير
وادويتها مرررررررررررة كثيرة وغالية كمان المسألة مو فلوس بس مرة كثير وفي اليوم يمكن أكثر من عشرة أدوية لازم أحط ومدري إيش مرة تعب يعني المفروض منطقيا لمن يكون الجلد تعبان وزي حالتي مرة جلدي حساس أنا ماتعطيه أدوية كثير وهذا الصح على شويا شويا عشان الجلد يستجيب ويتقبل ويتعالج بسهولة ....!! صح
ما قصرتي الله يعطيكي العافية يارب

[Dr.Dode]

حبي لذاتي قمة أولوياتي
ممكن أسألك ياحلوة وين موقع مركز النخيل وكيف أسعارو
ووعيادات ديرما برضو كيف الأدوية إللي أعطاكي هيا الدكتور يعني بسرعة بنات النتايج ولا لازم شهرو زي كذا وأدويتو إللي يعطيكي هيا كثيرة ؟؟؟
عارفة كيف التحضيري يادوبك أحك شعر راسي والله
الله يوفقك يارب ويسعدك

[حبي لذاتي قمة أولوياتي ~]

المشاركة الأصلية كتبت بواسطة dr.dode حبي لذاتي قمة أولوياتي ممكن أسألك ياحلوة وين موقع مركز النخيل وكيف أسعارو ووعيادات ديرما برضو كيف الأدوية إللي أعطاكي هيا الدكتور يعني بسرعة بنات النتايج ولا لازم شهرو زي كذا وأدويتو إللي يعطيكي هيا كثيرة ؟؟؟ عارفة كيف التحضيري يادوبك أحك شعر راسي والله الله يوفقك يارب ويسعدك

مركز النخيل قري من مستشفى جدة الوطني الجديد بعد وزارة الداخلية الأمارة على يدك اليمين


أدوية قليلة ولله الحمد وكلها كريمين بسيطة ( ماشاء الله تبارك الرحمن )

كريم واحد بس >>مرة 3 اسابيع وشهر اختفي كل شيء

كريم واحد بس <<ومرة من 3 يوم تغير كل شيء

كريمين مع بعض << وفيه مشكلة عويصة تركتها يمكن 4 شهور ولله الحمد تعالجت بفضل الله ثم بفضل الأدوية بإذن الله
وإصراري على الإهتمام بالأمر



موفقة يارب

[Dr.Dode]

السموحة منكم لأني تأخرت بالرد
لأني حاليا جدا مشغولة بالإختبارات والمذاكرة
خليها على ربكم بس والله كل يوم بتزيد حالتي سوء ماأدري من إيش ....!!يعني ماأكلت شي غريب أنا أو حتى شي أتحسس منو أو يمكن من الجو ولا شي قرصني ماأعتقد حتى لو قرصني ثعبان مابتستمر الحكة زي كذا أنا كنت أحسبها ناموسة في البداية لكن كل يوم بتكبر منطقة الحكة
وربي يفرج عليكم ويشفيكم ويشفي مرضاكم يارب

[snuwait]

انا جربت دكتور في مستشفى الملك فيصل مرررررررررررررره روعه ماشالله بس قهر نسيت اسمه بس هو حضري سعودي

بالنسبه للجلديه جربت طبابه مررررررررررررره خيااااااس ماستفدت ولاشي مع انها سوتلي تقشير لوجهي بس مره ماستفدت وجهي زي ماهو

بس بنت خالتي تروح لدكتوره فاديا بنواره سوت ركبها واكواعها مررررره روعه ماشاءالله

اذا لقيتي دكتوره جلديه كويسه قوليلي لاني ابي اروح انا بعد ^_*

[Dr.Dode]

^^^^
الدكتور إللي في مستشفى الملك فيصل حق إيش .....أسنان ؟؟؟
إيوة الطبابة مرة مهم كويسين بس نصب وسرقة على الفاضي وبالذات الأسنان وربي يشفطوكي شفط فيها وإنتي ولا إنتي دارية مسكينة
وبنت خالتك إللي تروح للدكتوره فاديا بنواره .... معليه سؤال الدكتورة فاديا هذي تشتغل في مركز نوارة ولا هي كذا اسمها <<<<<المخ رايح شربة عندي
شوفي أنا إللي أعرفو إنو دكتورة مها الدحلان جدا شاطرة وأخلاق والكل يمدحها وكلموني عنها كثير من زمان إنها نفعتهم الحمدلله بس دحين ماأعرف هيا وين عيادتها بالضبط ...يعني لسا مازالت تشتغل في أدمة ولا مكان تاني ماأعرف ....؟؟ وحتى نوال الراجح إللي في أدمة برضو كويسة
أنا إذا مالقيت أي آثر لمها ....إن شاء الله ححجز عند نوال
الله يوفقك

[شموخ كبريآئي]

آلآسنآن فآلمغربي بلآ شكـ ~..

في دكتور إيهآب ع ـآبد مرهـ تمآمـ ودكتور هآني كمآن..

بآلنسبه للجلديه في دكتور حسنين في غسآن فرعون :)

[خـ ج ـل]

شوفي اذا انو عندك وقت ومو مستعجله عندك العيادات المثالية شغلهم حلو بس يبيلك تتحملي شوي عبال ماتشوفي النتيجة

لأنو قبل العلاج لازم تهيأ بشرتك وتشتري سيروم وكريم ليل وكريم نهار وكذا وبعدها تبدأ المرحلة الثانيه اللي هي العلاج
واي دكتور جلدية مايسوي تهيئة للبشرة قبل العلاج صدقيني ماعنده سالفه عشان هيك ديري بالك

انا ماجربتهم بس شفت شغلهم على بنات بسم الله ماشاء الله تغيير واضح

انا افكر اروح لهم اسوي تقشير الاميلان اتوقع بـ1800 او هيك شي هذا غير الكريمات والغسول بس بعد الصيف افكر اسويه لأنو بشرتي وجو جدة ابداً مايحبو بعض لو احط مليون واقي وأطلع للشمس تطلع لي حبه بجبهتي < متعقده
اقرأي عن التقشير هذا في عمو قوقل عشان تآخذي فكره

وبالتوفيق يارب وطمنينا مو تنسين

[مملكة عمري]

بشرة انصحك بدكتور ايمن بمستشفى المستقبل
ممتاز ماشااء الله