اللي عندها خلفية عن الهندسة في عفت تساعدني

[sosotash]

بالعكس مررررة دراستو حلوة وممتعة كفاية الاستديو اللي بيدرسوا فيه كأنك في ورشة حقيقية بس هوا يبغالو ناس تعرف ترسم وعندها صبر تسوي بيوت ومساجد ومعارض سيارات مصغرة من الخشب والفلين ودي الاشياء << زي الفني بس على شي احلى ............
دا كلام بنت عمي هيا دحين سنة تانية هندسة معمارية :d وماشاء الله عليها مرررة مبسوطة فيه
وبالنسبة للوظيفة دا شي مكتوب وعاااااادي اصلا كتير ناس بتشتغل في اماكن مالها دخل بتخصصها ............. يعني لو تشوفي الشركات او اي مكان تلاقي ناس مختلفة شهاداتهم في بعضهم هندسة وبعضهم ادارة وبعضهم اصلا بشهادة الثانوية وعاااادي مااااشين

[Rafo0ofh]

شوفي انا ما راح اكلمك عن الهندسه
لكن انا اتكلم عن عفت
عفت يعطوكي سنه كامله بس انقلش ولازم تجيبي درجه عاليه
وازا ما جبتي يخلوكي تدفعي من اول وجديد وتدرسي تاني
و كتير بنات اعرفهم يكونوا في المدرسه بلبل لانه مدرستنا اهليه
لكن في عفت عادوها مرتين و التالته رجعوا لعبد العزيز
يعني كتير يقولوا انهم يتلككوا
هادا غير انها مو معترف بيها زي عبدالعزيز ودار الحكمه
وبصراحه انا جاتني في منحه لما خلصت تالت ثانوي
لكن سبحان الله كل ما اصلي الاستخاره احس قلبي مقبووض
وبعدها سرت اسمع عن البنات اللي يخرجوا منها ويرجعوا على عبدالعزيز
يعني نصيحتي قبل كل شي صلي الاستخاره

[الكثيري5]

نصيحه ياأختي لاتدرسي فيها لانو المجال الوظيفي للهندسه المعماريه للحريم
شبه معدوم في السعوديه
لكن للافضل إنك تستخيري وتسألي وخصوصا إنو هذا المجال مايناسب الاناث عندنا

[fatoom sweety]

المشاركة الأصلية كتبت بواسطة الكثيري5 نصيحه ياأختي لاتدرسي فيها لانو المجال الوظيفي للهندسه المعماريه للحريم شبه معدوم في السعوديه لكن للافضل إنك تستخيري وتسألي وخصوصا إنو هذا المجال مايناسب الاناث عندنا

صحيح جدا الكلام هذا لو كان في وظائف للبنات للهندسة كان من زمان فتحوا تخصص هندسة في عبد العزيز والجامعات الحكومية الباقية بس هم عارفين انه اذا فتحوا التخصص ماراح يناسب سوق العمل للاناث الا اذا تبي تدرسي وتتعبي وتقعدي بالبيت وتصممي اكواب شاهي وعصير

[rubi]

رفعععع

[وليد المشاعر]

من وجهة نظري ان الهندسة المعمارية انسب انواع الهندسة للبنات
قولي ليش
لان الهندسة المعمارية اغلب شغلها مايحتاج تروحي تيجي يعني مكتبي في مكان واحد
وبامكان الواحد يشتغل بمكتب مستقل
ثانيا مجال العقار والعمار خاص ماهو حكومي
يعني الحكومة تطرح مناقصة والمناقصة تاخذها شركة خاصة
يعني شغلك بيكون شركات خاصة