اسئلة عن التمريض !!!

[سكر الحياة]

المشاركة الأصلية كتبت بواسطة lovely one السلام عليكم ورحمة الله وبركاته انا انقبلت تمريض وحابه ارفع معدلي هل في امكانيه لرفع معدلي ؟؟ اغلب البنات في نهاية سنة تانيه هل ارتفعت معدلاتهم ولا نزلت ؟؟ كم عدد ساعات الدراسه الي احتاجها؟؟<< تقريبا ً سؤال لقافه ممكن اي وحده تدرس تمريض تقولنا عن نظامها اليومي؟؟ هل تزاكرو ايام الاجازه (خميس وجمعه )؟؟

أول شئ مبرووك على تسكينك في كليتنا و ان شاء الله تكون فال خير لكي و للجميع

فيه بنات كثييير ارتفعت معدلاتهم عن التحضيري و كمان فيه بنات كثيير نزلت معدلاتهم يعني حكاية المعدل تعتمد على الشخص اذا شد حيله و اجتهد بإذن الله يقدر يرفعه بالراااحة

من ناحية ساعات الدراسة كمان تختلف من شخص لاخر على حسب سرعة فهمك و حفظك و ادراكك و هل انتي من النوع اللي يذاكر و كل شوية يأخذ برريك يطمن ع العائلة
بس غالبا تكفيكي 3 ساعات
أيام الخميس و الجمعة فيه بنات ما يحبوا يذاكروا فيها بالنسبة ليا أنا أفضل اذاكر في صباح الخميس و الجمعة عشان بعدين يكون باقي اليوم برااحتي
في النهاية لا تخافي ولا تشيلي هم الدرراااسة ممتعة جدا بس يبغالها جد و اجتهاد و كل عام و انتي بخيير

[Ms.Glamor]

سؤال لقافه ممكن اي وحده تدرس تمريض تقولنا عن نظامها اليومي؟؟ هل تزاكرو ايام الاجازه (خميس وجمعه )؟؟

آنآ حكلمك عن نفسي ، شوفي آنآ آلترم الآول غللطت
مآ كنت آذآكر آول بآوول ولآ حتى آترجم على آقلهآآ ، كنت فآلتهآآ
والكويزآت درجآتي مو قد كذآآ لدرجة آني توقعت آني حآمله
النتيجهـ آني جبت في الترم الاول معدل فصلي 3.70
صدمهـ وربي مرره نآزل ,,

الترم الثآني عرفت غلطي وشديت حيلي صرت آذآكر آول بآول ولآ على آقلهآ آترجم
والكويزآآت قبلهآآ بفترهـ آذآكر والفآينل نفس الشي من آول يوم آرجع البيت آذآكر
والنتيجة جبت معدل فصلي 4.20

الترم الآول نزل المعدل الترآكمي والترم الثآني رفعهـ
وآن شآء الله حشد حيلي كمآن السنوآت الجآية وآرفعهـ ..

فبقلك آنتي شدي حيلك من آول ترم ذآكري وآهتمي بالموآآد وصديقيني حتآخذي على قد تعبك
ويرتفع معدلك ،، وآذآ آهملتي نززل
بس هو بالعموم يحتآج شدت حيل آكثر من التحضيري
بس على آقلهآ تذآكري وآنتي مستمتعه مو زي التحضيري :) ~

والله يوفقكم يآرب

[Ms.Glamor]

وفي سؤال مشاء الله كثير من التحضيري معدلاتهم 5 فهل في التمريض يمكن ان اجلب هاذا المعدل او اقل بقليل وكم عدد الساعات لكل ماده وايضا كيف نستطيع اخذ نماذج الأسئله من الدفعه السابقه

مممم والله سؤآلك آنه تقدري تجيبه فبصرآحه صعبه جدا جدا
لكن مآ في شي مستحيل آن شآء االله تقدري

عدد السآعآت يختلف آغلب الموآد سآعتين ،، فيه كيميآ حيوي 4 سآعآت وفندمنتيل 5 سآعآت
microbiology + parasitology ثلآث سآعآت
pathology ثلآث سآعآت ،

يعني بيختلف من مآدة لمــآآدة :)

النمآذج ممنووووع تآخذووهآ آصلا في شي آسمه توتوريآل يعني مرآجعهـ للمحآضرآت
وهي عبآره عن آسئلة مقآربه للآمتحآن ممنووع نكتبهآ فمآ بآلك بآسئله آمتحآن !

[سكر الحياة]

من ناحية النماذج أنـــا بنصــحك نصيحة كنــت أسويــها الترم الثاني
بعد ما أخرج من الإختبار سواء كان كويز من عشرة درجات أو ميد أروح أحدد الأسئلة اللي جاتنا لأني بصراحة لاحظت انو 40 %الى 50 % من أسئلة النهائي مكررررة حتى البنات اللي اخذوا دور ثاني جات منها بنسبة 50%

أما من ناحية المصطلحات الطبية أنا من ضمن البنات اللي ما قدروا يحضروا الدورة بس لا تشيللوا هم زي ما قلك الأخ Dr.nurse حتلاقي نفسك من نص الترم الأول اتعودتي عليها حتى حتلاحظي الشي هذا في الترم الثاني و انتي بتذاكرري بتكوني فاهمة ترجمة كلمات كثيرة عكس الترم الأول بيضييع شوية من وقتك في الترجمة

و في النهاية الله يوفقكم كللكم و اي خدمة احنا موجودين و نصيحة ذاااكروا أول بأول من بداية السنة لأن غلطتنا ما كنا فاهمين كيف الوضع و احنا ان شاء الله مقررين نجتمع معاكم و ننبهكم على اشياء كثييرة بس دحين خلينا نعيد و بعديين خير

[Dr.Nurse]

dr . Nurse مررررة شكرا على النصيحة بس من جد جاتنا في وقت متاخر السنة الجية عندنا مواد دسمة medical surgical & maternaty ايش تنصحنا في دي المواد ؟؟

هلآ وغلآ
آبشري رآح آوضحها بشكل مفصّل إن شاء الله
وهالمادتين آقرب ما تكون إنها أهم مادتين بالتمريض كله ،
لأنها العمود الفقري للمهنة

آتمنى لك التوفيـق ...

[rory55]

كل وحدة طريقتها في المذاكرة تختلف عن الثانية
انا بالنسبالي كنت في نفس اليوم أقرأ المحاضرات اللي أخذناها وألخص كل اللي كتبته فدفتري ع الشيتات وأترجم الكلمات اللي ما أعرفها ومررة افادتني هذي الطريقة ورفعت معدلي كثيير عن الترم الاول وكمان عن التحضيري
وبالنسبة للمصطلحات الطبية حتتعودي عليها لان اغلبنا ما حضر الدورة اللي في الصيف بس بمجرد تبدأالدراسة حتاخدي ع الكلمات.
وبالتوفيق:)

[lady-hana]

امين يارب
الله يوفقنا جميعا

[lovely one]

سؤال لو سمحتو متى حنبدأ نشوف الجثث ؟؟

[AM00NA]

المشاركة الأصلية كتبت بواسطة lovely one سؤال لو سمحتو متى حنبدأ نشوف الجثث ؟؟

السؤال يخوف

وآلله يآعزيزتي انا سمعت انو ماتشوفي كذا رجال كامل ميت قدامك .. لآ
يعني حتشوفي راس مقطوع يد ورجل زي كذا يعني جثه مقطعه هههههههههه ..
آلله يكون في عوننا بس الحمدالله الاشعه مآفيها تشريح كثير ..
بالتوفيق ..

[dr-sh0sha]

المشاركة الأصلية كتبت بواسطة lovely one سؤال لو سمحتو متى حنبدأ نشوف الجثث ؟؟

مدري ليش حسيت اني ابا اضحك لمن قريت سؤالك احسك مرررة خايفة ي قلبوووههههههههههههه