المستجدين طلاب وطالبات احتاج بعض من وقتكـــمـ

[؛؛وجود؛؛]

السلام عليكم ورحم الله
الى اخواني واخواتي المستجدين ...
اولا نبارك لكم انضمامكم وقبولكم في السلك الاكاديمي
ونبارك لانفسنا انضمامكم ويانا سعدنا كثير بتواجدكم
وانا شخصيا اعجبني اهتمامكم وحرصكم وان دل يدل على سعيكم لطموح اكبر

بتكلم معاكم كاأخت لكم من غير أي قيود وبكل اريحيهـ
حاليا يفصلكم عن بدايه عامكم الدراسي الجامعي ساعات بسيطهـ ....
عندي احساس بشعوركم الداخلي والحماس جواتكم لاني مريت بنفس الترتيبات ...
هي لحظات حلوه عيشوها لكن خلوها على طوول
بالبدايه يكون عندكم هدف وهدف كبير تسعون له بكل امانه
وجهد ومثابره تبتغون فيه وجهـ الله تعالى وثقوا اللي يحط الله نصب
عينيه بيرزقه الله من الخير اكــثرهـ
انا على يقين ماتوصلتوا لهالمكان بسهوله من غير عقبات وكل شخص
فيكم اجتهد ورسم عشان يوصل اذآ البدايه كانت تستحق
الاتعاب لان النتيجه اكبر لكن الاهم بطانه الايام فيها
وهي ايامكم الجايهـ ان شاء الله
ماراح اطول معاكم بالكلام وانا مو في مكان توجيه لكم
حشى لله انا اتعلم منكم واخذ منكم الطيب اجزله
اللي حبيت انصحكم ونفسي فيه الله الله بالامانه في اعمالكم
اخواني خواتي التعاون مطلوب ومافيه شك وكل انسان يتعامل
باخلاقه واللي تربى عليه وماافيه احد منا يكره الخير
بالعكس نجتهد له ونحس بسعاده لما نحس اننا رسمنا راحه وشلنا
حمل عن احد بالذات هنا في مجال الدراسه ومايخفى عليكم
من التزامات وغيره بالذات احنا التعليم عن بعد مو في
وسط الجامعه بحيث نخلص امورنا على عجل عشان كذا نتكاتف نكون للخير

لكن الشي اللي انكره واجزم باذن الله تعالى ان لكم نفس النظره
لان تحكمكم قناعات فطريه فيكم
لما يكون التعاون مفتوح لدرجه التهاون بامور تدخل تحت معنى ( الغش )
نتعاون ونفيد للأشياء اللي مو مفهومهـ لكن لما يكون فيه تكفل
لاشخاص يدخلون كويزات ومباشره ع القروبات اللي تنعمل
ويكون فيه تبادل للكويز بغرض نساعد بعض وناخذ كلنا فل
مارك صدقوني هالشي حجمه ساعه من الدنيا لكن
لقدام هالعمل مو في صالح أي شخص

انا حكيت هالكلام لاني مريت بسنه دراسيه وشفت قناعات
استعجبت منها لدرجه كبيره والغريب لما نتناقش يكون
الرد هذي مساعده حق بعضنا
بقولكم حاجه مهمه ماتنسونها ابدا
(لما بنساعد شخص عشان يحتاج ويكون عمل شاهد
لنا بنسويه العمر كله ...لكن لما بنسوي شي
يكون شاهد علينا !!! هنا اترك لكم القرار)


يومـ نرسم هدف ونرتب حقه بنوصل له وكلنا فخر بانفسنا
ولما يكون هالهدف قواعده مراقبة الله في كل عمل بيكون ابلغ ...
للمعلوميهـ
هنا اعضاء هيئة التدريس للتعليم عن بعد بحد ذاته في قمة
الرووعه في التعامل والامااانه والتعاون هذي اهم ثلاث
اشياء نحتاجها اذا ليه نسلك مسلك ثاني ...
بالاخير اجتهدوا وثابروا انتم في اول احسن الطرق
خطوتكم الاولى والاهم هي اختياركم وانتم تخطيتوها
وحاليا خطوتكم الثانيهـ وهي العبور وسط هالطريق
لذلك يكون العبور بثبات يعقبه فلاح وهذي هي العاقبه الحسنى

ماحبيت ابخل عليكم بحاجه في نفسي مثل ماقدمتها
لاختي واخوي اللي معاي حبيت اقدمها لكم هنا اجمعين ... لاني افتخر فيكم

بالاخير اعتذر لاطالتي عليكم
لكن اتمنى كلامي يشهد لي ومااكون تاخرت عليكم فيه
وانا هنا وكل الاخوان والاخوات في السنوات المتقدمه
كلنا تحت امركم بكل ماتحتاجون وربي يقدرنا
على كل خير ومانقصر معاكم فيه
لااطلب اكثر من دعوه بظهر الغيب قبل لاخوانكم
هنا اللي كانوا سبب وجودي والتزام حضوري لكرم اخلاقهم العاليهـ
ثم لي بان يمن المولى علي بالشفاء لي ولمرضى المسلمين



اختكـــمــ وجـــود
كل الاحتـــرام

.