تبي تعرف ليه رسبت ؟؟ هذا ما أراه وبكل صدق..

[اوكيسترا]

المشاركة الأصلية كتبت بواسطة سراب220 معليش اخوي اوكيسترا كثيييييييييييير طلاب وطالبات بغض النظر عن الي يقولو نبي ننجح وبس اهم شي عندهم المعدل وانا اول وحدة فيهم ويليت اخوي تحاول معانا الوقوف بجانب اخوانك واخواتك المخفقين في بعض المواد واتمنى انك تصدق فيه خطا بالتصحيح وظلم بعض الشي

بالنسبة لموضوع الوقوف مع الاخوان والاخوات المخفقين .... فانا ما كتبت الموضوع الا عشان انصحهم باللي نصحت فيه نفسي _ والله يشهد علي _ لاني انا اشوف لو كلنا طبقنا الطريقه هذي على الاقل نسبة كثيره بتعدي وتنجح ... ولا تنسا انه هذا رأي .. ممكن يكون صح .. وممكن يكون خطأ

اما بالنسبه لموضوع اني اصدق انه فيه خطأ بالتصحيح ... فهذا جائز .. لكن بنسبه قليله تكاد تكون معدومه .. لانه التصحيح عن طريق المسح الضوئي ..يعني الاجابة اللي مضللها هي اللي بتحسب
لكن اللي انا متأكد منه .. ان الاسئله كانت جدا صعبه ومضلله ..

والشكر لك على المداخله

[suloveam]

تسلم اناملك على تسطير هذه الكلمات الرائعة والبليغة

شكراً لك

[سـامـي]

والله اننا مهملين

بس ربك يفرجها

[اوكيسترا]

المشاركة الأصلية كتبت بواسطة محمد3320 اخوي كلامك صحيح و عين الصواب و اكيد انه المجتهد راح يأخذ اعلى الدرجات بعد توفيق الله . ولكن انت تقول انه الأسئله فيها لفات كثيره . على ابي اعرفه ليش كل هذه الفات و تتويه طلاب الأنتساب . هذه حركات مدرسين متوسط . انت تبي تعرف الطالب فاهم الموضوع او لا لذلك يجب ان تكون الأسئله و اضحه . من غير مراوغه . يعني واحد يجيبلك الأجابه نفسها بس يغير يضيف ( لا ) او اي كلمه تحوس المعنى . اخوي لاتنسى احنا انتساب و مشاغلنا كثيره . بيت و عمل و زوجه و اطفال . لذلك يجب ان تراعى حالتنا .

انا مع كلامك بقوه ... اللفات والتذاكي على الطالب .. اسلوب سيء من جد
ولو على الاقل جاب سؤال واحد فيه تلاعب عشان يشوف النابغه من الطالب الذكي العادي قلنا معليش
لكن اختبار كامل كله الغام وحفر ومطبات ولف ودوران .. كذا مايصير

يعني كمثال شوف دكتور الرياضيات .. الله يوفقه .. اسئله مباشره .. واختبار عادي

لك الشكر

[اوكيسترا]

المشاركة الأصلية كتبت بواسطة مشاري بن سعود اخوي كلامك عدددل انا نجحت وجبت في مهارات الاتصال 100 وفي تنميه التفكير 98 وللله الحمد

ماشاء الله تبارك الله ..... والله افرح لما اشوف نتائج مثل كذا

الله يوفقك

[اوكيسترا]

المشاركة الأصلية كتبت بواسطة فهد الحامد أنا معاك 100% تدري .. بقصة حصلت معاي في اول يوم عند قصر الحمراء بالرياض جيت العصر وصليت في مسجد ناصر القطامي سابقا اللي مقابل القاعة وانا بالطريق رايح للقاعة يمشي جنبي شاب سلم وسلمت .. قال ممكن سؤال يالغالي ..؟ قلت: أكيد تفضل ! قال : وش إختبار اليوم .؟؟ أنا طبعا كل علامات التعجب والاستفهام جات في وجهي خصوصا انه كان اختبار ( مبادئ الاحصاء) اللي جالس ايام اذاكرها .. وفوق كذا يدي على قلبي اخاف تصير درجاتي ضعيفة فكرته يمزح .. حاورته سألته يمين يسار .. بس للاسف الرجل كان جاد جدا قلت عندنا مبادئ الاحصاء .. قال : هذي وش عنه ..؟ قلت احصاء وفهمته بالمادة .. قال .: آآه فهمت .. الله يعين .. ومشى وخلاني.. انا لازالت عيوني عند خشمي طالعه.. ناديته قلت : وش بتسوي ..؟؟ قال : ابد يقولون صح وخطا وخيارات .. بأختار b في كل الاسئلة وربك يسهل !!!! طبعا هذا شخص اجزم ان مثله كثير انا شفتهم في القاعة يعدون حقرا بقرا او يخترون حرف معين لجميع الاجابات اللي مثل هذولا كيف يبون ينجحون فضلا عن تفوقهم . واعرف ناس كثير مافتحوا المواد إلا قبل الاختبار بساعه او ساعتين عند البوابة .. الله يعين .. مشكور يا اخوي على الهمسة الحلوه ..

والله شي غريب ..... تعيش وتشوف

[اوكيسترا]

المشاركة الأصلية كتبت بواسطة اسم المستخدم و الله انا طموحي يردولي الثلاث الاف لابوهم لابو جامعتهم أجل فيه جامعه بالدنيا تعطيك كتب ما تدري هي دين و لا رياضيات و لا تربية فنية و لا الاسئله و يا عيني على الاسئله ( حسب المقرر ) لعنبوا بليسهم أجل وشوله يثقفونا بالدينا و هم يبغونا نجاوب حسب قناعتهم لا و من شين الطبايع بأول يوم أختبار بمادة الانجليزي جايبن لنا مراقب صيني مدري كوري الوكاد انه من اللي عيونهم أتشابه و يقعد يبرطن علي مدري وش يبي و أفقدني تركيزي <== كثر منها الين قلت له اي دونت نو سبك أنجليش يو سبك أربك أثر ابوالشباب يقول طفي الجوال مع العلم اني مطفيه شد بلد يا عمي هم خلوا فينا طموح

هههههههههههههههه

قول امين ... الله يعوضك خير ..
ولو انه ماكان ودي تسب ابوهم ..... لكن معليش ..يمكن من زعلك عليهم ....

[اوكيسترا]

المشاركة الأصلية كتبت بواسطة سـامـي والله اننا مهملين بس ربك يفرجها

اللهم امين

[اوكيسترا]

المشاركة الأصلية كتبت بواسطة suloveam تسلم اناملك على تسطير هذه الكلمات الرائعة والبليغة شكراً لك

تسلم كلك على ردك الأروع

[المايسترووو]

كلام جميل جدا ً

وهذا عين العقل

والحمدلله المواد اللي طلعت نتائجها الحمدلله هي اللي كنت اتوقعها ومافيه اي شي .

بس الله يستر من اللي جاي

والله مالي خلق اجي الصيف على جده زحمة وحر ورطوبه واجارات غااااااااااالية جدا ً ونقول الله يستر .