حلممي انهدم من التحضيري افيدوني الله يخليكم

[هممس الشوق]

يعني اروح لاهليه
لكن بالتخصص برجع لعزوز اقدر او لا

[ريتشارد]

ما ادري غلاتي بس هذا مستقبلك ولا تجاملي نفسك فيه ، شوفي الخيار الانسب
وبخصوص الكليات الأهليه ادخلي هنا :
http://www.skaau.com/vb/showthread.php?t=227616

والتحويل ادخلي هنا :
http://admission.kau.edu.sa/AccessPa...=AR&SYS_ID=116

[skh]s]

شوفي مح اتفلسف
بقولك ع قصة قالتلنا هيا دكتورة حنونة الشاذلي درسنا الأحياء (فديتها)<<هيا درست طب قبل
تقول وحده من البنات كانت تبغى طب وماكانت عارفة ايش يعني تحضيري ورسبت في كم مادة سحبت ورجعت درست تحضيري مرة ثانية وجابت 5 من 5 ودخلت طب..
وناجحة ماشاء الله فيه..
وفي النهاية استخيري واستشيري ناس خبرة وثقة ^__^..
لأنو هذا مستقبلك ماينفع تستشيري في منتدى وخلاص ..=)

[Koke-07]

المشاركة الأصلية كتبت بواسطة skh]s شوفي مح اتفلسف بقولك ع قصة قالتلنا هيا دكتورة حنونة الشاذلي درسنا الأحياء (فديتها)<<هيا درست طب قبل تقول وحده من البنات كانت تبغى طب وماكانت عارفة ايش يعني تحضيري ورسبت في كم مادة سحبت ورجعت درست تحضيري مرة ثانية وجابت 5 من 5 ودخلت طب.. وناجحة ماشاء الله فيه.. وفي النهاية استخيري واستشيري ناس خبرة وثقة ^__^.. لأنو هذا مستقبلك ماينفع تستشيري في منتدى وخلاص ..=)

انا مع دي الاستازهـ. شوفي ياختي درجاتك سيئة ولايمكن تسوي شي وواضح عندك مشكلة في الانقلش او الفيزياء والرياضيات ... المهم انا اقترح لك تكملي في عزوز وتشوفي الاحياء والكيمياء كيف طريقتها واسلوبها ووبعدين تسحبي ملفك من الجامعة وتقدمي السنة الجاية لكن في الصيفية لازم تقويين انقلزيتيك بشتى الطرق وبعدين بترجعي الجامعة وانتي مسلحة وبأقوى الأسلحة بعد .. واستخيري ربكـ بالأول والأخير وطبعاً استشيري ذوي الخبرهـ واتخذي القرار الصائب. وربنا يوفقك .

[maryam.n]

انا كنت بقول مثل الاخ (( ريتشارد )) لو مهما شديتي في خطه ب ما ينفع لانك محمله مادة مرة مهمة في حساب الموزون و هي الفيزكس !

استخيري .. و اتوكلي على الله و اسحبي ..

و شوفي ابن سينا يمدحو فيها كثير و عندي 4 من صاحباتي فيها داخلين طب و ما شاء الله احوالهم مرة تمام احسن من البترجي غير معتمدة !

و اولا و اخيرا استخيرررررررررررري .........


موفقة يارب و يارب يفرج همك و يسر امرك

[saya chan]

انتي مو تبغي طب !!!اجل ايش اللي مقعدك في عزوز .... اقولك لا تتحطمي ولا شي ولا تضيعي ترم نمن عمرك
اسحبي ملفك و قدمي ع السنة ألجاية في البترجي والا ابن سينا ماعرف ايش الافضل و استغلي الاشهر القادمة في انك تسجلي في دورة انقلش وطوري لغتك الانجليزية عشان ما تجي السنة الجاية والا انتي تب في اللغة .... وبعدها اتخضي طب .. وان ساء اللله تصيرين افضل طبيبة .... هذا مجرد راي ولازؤم تستشري اهلك

[Amjad BaHusayn]

تعقيبا على القصة ..

الزيتون عندما يُضغط: يأتي لنا بالزيت الصافي,, ~
الفواكه عـنـد عصــرها: تعطينــا ألــذ العصــائر,, ~
فإذا شعرت بمتاعب الحياة تضغطك بهمومها .. وتعصر قلبك بآلامها .. فلا تحزن !!
إنه >> الله يريد أن يخرج أحلى ما فيك: >> إيمانك << لتنال الأجر، فاستعن بالصبر . لاَ تحزَنْ إذا مَنعَ اللهُ عَنْكَ شَيء تُحِبُه فَلَو عَلِمْتمْ كَيْفَ يُدَبّرُ الرّبُ أمُورَكمْ لذابَتْ قلوبُكمْ مِنْ مَحَبته

[العيال كلهم]

أن الصبر في مثل هذه المواضع لايفيد
وإنما التحلي بالذكاء وحُسن التصرف ،
رُبَّ نقمة جلبت نعمة ، ورُبًّ نعمةً جلبت بعدها نقمةٌ .

[lujain.alsagh]

مرآآ لا تزعلي نفسك .. قولي الحمد لله وربي اكيد بيفرجها ..!!

مافي احسن من الله يقدر يدلك على الانسب لكِ صلي صلاة الاستخاره والله راح يخيرلك الخير ..

ثاني شي .. اذا عندك المجال انك تروحي كلية اهليه طبيه .. انا اقلك ابتسمي لعبد العزيز وشيلي اغراضك والله معاكي ..

فكرة انك تشدي حيلك الترم الثاني على امل انك ترفعي المعدل وتاخدي صيفي وتدخلي طب ؟؟
التخصصات الصحيه يطلع تسكينها قبل بداية الترم الصيفي او معاه ..

ولو اخدتي صيفي وجبتي معدل قوي جدا ممكن تدخلي طب بالمناحله ممكن لا حيقولولك سنه زياده وبعدين حولي وحليها يا انك تحولي او لا..


المختصر <<<< بدري ..

اذا عندك مجال لكلية اهليه احسنلك الطب طب في عبد العزيز في اي مكان الطب طب اهم شي انك تضمني انك دكتوره وحتصيري دكتوره ان شاء الله واقلك روحي كلية اهلييه وشدي حيلك ..


بالتوفيق قلبو

[بترولي مآكل هوآ]

المختصر المفيد ..

درجاتك ما تساعد انك تكملين في عزوز وتدخلين الطب ..

عندك اختيارين .. لازم تستخيرين وتسألين اهل الخبرة في اختيارهم :

الأول / تسحبين ملفك وتقدمي السنة الجاية ،، وخلال الفترة اللي بتعطلي فيها تقوين لغتك الانقليزية ..
الثاني / تحولين من السمستر القادم لأي كلية صحية أهلية ،، سواء ابن سينا او البترجي او الفارابي .. ماعندي خبرة فيها ،،

هذي أنسب اختيارين ،،
لكن لا تضيعين وقتك بالجامعة وتكملين وتتعبين حالك والنتيجة معروفة ..

الله يكون بعونك،،

موفقة