سلبيات ومحاسن الزواج ( آرائكم وتوجيهاتكم ) ؟!

[حلاي من حلى روحي]

المشاركة الأصلية كتبت بواسطة مجبور اوادعها السلام عليكم ورحمة الله وبركاته ....

وعليكم السلام ورحمة الله وبركاته

الموضوع مهم شخصياً بالنسبة لي وهي اشياء تدور في نفوخي العليل من المعلوم ان الانسان اذا قرر ان يقدم على خطوة في حياته الدنيا ان يحسب لها الف حساب خصوصاً الخطوات المهمه في الآخرة والدنيا ومن هذه الاشياء المهمه هو الزواج والارتباط ودخول القفص البلاستيكي وفي نظري لو قلبنا الامر وفكرنا فيه بالعقل والمخ فسوف نجد ان مساوءهـ أكثر من محاسنه وتوضيح ذلكـ فيما يلي: السلبيات القوية - كما ارى - - انها رعيه وانت مسؤول عنها امام الباري - عز وجل - عنها وعن اهل بيتك واولادك، ومن غير المعقول في هذا الزمن المنفتح اني احرمهم من النت والدش والتلفاز .... الى اخر هذه المغريات << هذه النقطة مهمة جداً جداً جداً :(

كل امر تقوم به انت محاسب عليه
سواء في بيتك او في عملك او اي امانه انت مكلف بها بلا شك ستكون مسئول عنها وستحاسب امام الله عن كل فعل قمت به فالموضوع لايقتصر على الرعيه فقط..

وهناك حديث يخيفني كثيراً ورب الكعبة وهو: قوله عليه عليه الصلاة والسلام: ((ما من عبدٍ يسترعيه الله رعية، يموت يوم يموت، وهو غاش لرعيته إلا حرّم الله عليه الجنة)) حاولت ابحث عن شرح للحديث فلم اجد الشي يلي ابغاهـ او الذي اريد الوصول اليه فهل المقصود بالراعي هو الحاكم فقط ام رب الاسرة ايضاً ؟!

بالنسبه لسؤالك نعم يشمل رب الاسره ايضا سمعتها من احد المشايخ الفضلاء لكن لا اذكر من هو..

- اغلب الرواتب ضعيفه للاسف وحتى الرجل وهو عزابي يتعب فما بالكم اذا فتح البيت وكون الاسرهـ ومع التقدم في العمر راح تصعب عليه وتضيق به الحياة الدنيا وتزيد الطلبات والنفقات ويصبح هائماً في الشوارع مردداً قول الشاعر: الواد قلبه بيوجعه ،،، وعايز حد يدلعه ،،، الواد بيقول الآآآآآهـ وحرام اني احرم البزارين وفلذات تشبدي من ملذات الحياة الدنيا وزينتها فلماذا الهم والخلفه ؟! هذه اهم نقطتين - في نظري - والنقطة الاولى مهمه جداً جداً جداً

الارزاق بيد الله سبحانه انت اجتهد ولاتعتمد اعتماد كلي على الراتب وسيأتيك كل خير اما ان تتقاعس عن البحث عن مصدر دخل اخر وتقول الرواتب لا تكفي لمتطلبات الحياه فلن تتحرك من دائرتك وستظل بنقطة البدايه

والحين الاغلب يبحث عن زوجه موظفه لتكتفي بذاتها..

اما الايجابيات - التخلص من الوحده وان فيه شخص يوقف معاك باقي العمر ويساعدك في الحلوة والمره ( هذا على فرض ان الشخص مخلص ) ويا كثر الغير مخلصين في هذه الحياة الدنيا وزينتها - ان تخلف الصبيان والبنات وتوظفهم وتسرق قروشهم اقول ان تخلف ويرعونك في حال الكبر والتقدم في السن ويدعون لك بعد الموت واجرك حاصل ولا ينقطع افتونا مأجورين مشكورين (عقلاً وليس عاطفياً ) وايهما اولى هل الترك ام الإقدام والدخول الى ارض المعركة وفتكم بالعافيـــــــة

الابناء لاشك انهم نعمه من الله فاحسن تربيتهم وستجد ثمار ذلك بإذن الله
توكل على الله وابدا في البحث عن زوجه صالحه تعينك على امور دينك ودنياك وتسعد بها في اخرتك..
وفقك الله لكل خير..

[M!SS Lara]

اولا اخوي ..

الرسول قال انو الزواج هو نصف الدين ، فهذا يدل على اهميته بالاسلام وهو الاساس..
من أهمية الزواج هو تنشئة مسلمين يحملون همه ويجاهدون على رفعته + لتكثير عدد المسلمين ..


بالنسبة لسلبيات الزواج فهذي لها حلين أسهل مما تتخيل ، الاستعانة بالله + التوكل عليه
حضرت محاضرة تقول اكثر عبادة قلبيه نسينها بذي الدنيا هو : الاستعانه بالله ..
والاستعانه والتوكل هذي كلها تحتاج إلى ايمان + معرفة الله .. فلازم اخوي تروح محاضرات وخاصة المحاضرات الدينية الي تشرح صفات الله الحسنى ..


قال عمر بن الخطاب : ( لو توكلتم على الله حق توكله لرزقكم كما يرزق الطير تغذو خماصا وتعود بطانا )..

فالمفروض على كل شاب او شابة انهم يدعو الله انو يرزقهم الزوج او الزوجة الصالحة المصلحة على خق عظيم ..

واحنا داخلين على شهر عظيم ، وقالت لنا المحاضرة حديث للرسول في معناه انو رجح استجابة الادعية فيه لعظمه هذا الشهر ..


لو تلاحظ ابراهيم دعا ربه :وإذ قال إبراهيم رب اجعل هذا البلد آمنا واجنبني وبني أن نعبد الأصنام)

وهل تتوقع ان ابناء النبي ابراهيم سيعبدون الاصنام ؟؟

ايضا اريد ان ان خبرك ان الله قسم رزقك وانت ببطن امك ، كتب ارزاقك واجلك ، فلن تموت إلا وانت ماخد رزقك كاملا (وهالشئ يريحنا ) ولكن بالطبع نسعى..
والله تعالى حيرزق عبادة المسلمين (ابناءك) وهو المتكفل عليهم فأطمن اخوي ..


اقرأ من الأن كتب كيفية تربية الابناء ع التربية الاسلامية ..

مرة وانا اتصفح النت لقيت موضوع طويل كيف تحمي اطفالك من النت فحفظت الموضوع بالمفضله! لاني حأرجع له بإذن الله ..


فلما ترزق بالطفل ، ادعي الله ان يجعله ابنا صالحا .. وكل يوم ابدأ يومك بالدعاء: يارب اني استعنت فيك واتوكلت عليك لتوفقني في تربية عبدك هذا ، فصدقني سيعينك الله تعالى ..

[المشتاقه لخالقها]

وعليكم السلام ورحمة الله وبركاته

حياك الله اخوي مجبور

اول شئ انتا تفكر بقلك البشري المحدود والمشكله شاغل بالك بالامور المستقبليه اللي علمها عن الله سبحانه وتعالى

اول شئ احسن الظن بالله وقول ان شاء الله راح اعيش احلى حياه مع انسانه تخاف الله

وكمان بعد الزواج سبحان الله تنفتحلك ابواب الرزق من حيث لاتحتسب

الم تسمع قوله تعالى (( وأنكحوا الأيامى منكم والصالحين من عبادكم وإمائِكم إن يكونوا فقراء يغنهم الله من فضله والله واسع عليم))

والحياه يبغالها صبرررر

يعني مو على طووول كذا بكون مريش ماشاء الله

انتا تبدء تبني نفسك شوي شوي وتأمن جزء بسيط من المال لعيالك ان شاء الله

وبالنسبه للدش والامور هذي

ابصملك بالعشره بعض العوائل إلى الآن وهما ماشاء الله تبارك الرحمن محافظين على ابنائهم ومخلينهم يمشون على كتاب الله وسنه رسوله

ومايدخلون في بيتهم إلى القنوات المحافظه اللي حتى الموسيقى ماتسمها فيه

اشوف الدش مرررررره غلط يدخل البيت والله العظيم الحين عندنا عزو فكري وبدئوو يشككون الواحد في العقيده

وبدئوو يحاربون عقيدة المسلم




والزواج نص الدين

واللبنه الاولى فالزواج المرأه الصالحه إذا كانت تخاف الله فبتربي عيالها تمام بتوفيق من الله


اما لو كانت تجري وراء الشهوات فالله يهديهم هؤلاء


وياعمي دوووووووس هههههههههههههههههههههه

لاتخاف

جاء واحد يسئلني من اخواني كيف الزواج قلت عادي وحلو دووووووس ياباشا

الحين جالس يسنع بيتو الله يوفقو


وتوكل على الله واتزوج وعف نفسك بالحلال خير لك

من الفتن هذي والشهوات والمغريات


وبالله التوووووووفيق :)

[6flah]

في نقطة غابت عن بالك ..

زمن المغريات هذا بيأثر ع دينك !!

غير انك لما رح تتزوج م رح تتزوج من الشارع يعني ان شا الله بنت تخاف ربها وتحبك وتستر عليك ..

أما الخلفة فكل واحد بيجي ورزقه معاه .,

أما التربية والرعية ., فانت مو مجرم ههههههه راح تربيهم وتحبهم بكل م تملك من طاقة ولو يطلبون دم قلبك م رح تقصر .,!

أما من ناحية مغريات الجيل وتربية الابناء ههههههه فأتوقع النت فزمنهم مثل الراديو بزمننا ههههههههههههه يعني لو تخاف من اللي حولك وتنشغل فيه م رح يمديك الوقت تاسس أولادك .,

اسس اولادك صح عالعقيدة وليس الشريعة فقط وابشر بعزك =)

دووووووووووس يا شيخ والقلب داعيلك =)

الله يوفقنا جميعا ويرزقنا الأزواج و الذرية الصالحة ,,

[خالد انجليش]

والله رأيي يعتمد بنسبة 90% على النصف الثاني اللي بيشارك حياتك
اذا كانت كما تريد من ادب وخلق وقصر لسان ووووو...الخ فالزواج بيكون لك نعمة بل جنة وفي حديث للرسول صلى الله عليه وسلم ذكر فيه ان الدنيا متاع وخير متاعكم المرأة الصالحة

وبالجانب الاخر اذا كانت شريكة حياتك نكدية مثل اللي بالكراكتير وغير متربية وطويلة لسان وووووووو...الخ من الصفات السيئة فأنت الان عزابي في نعيم وجنة واقعد كما انت افضل لأنه بيكون جحييييم عليك وبتكره الدنيا واللي فيها

وبالنسبة لتربية الاطفال فيعتمد بشكل كبيييير على الام فأحسن الاختيار لأن الشق الاكبر من التربية يعتمد على الام


-----------------------------------
باختصار اذا وجدت المرأة الصالحة اللي تتمناها تزوج اليوم قبل بكرة وبيعينك الله
واذا كانت المرأة نكدية وسيئة خلق فاقعد عزابي افضل واحسن لأنك لو اخذتها بتسير حياتك جحيييم

والله يوفقك ويعينك على حسن الاختيار

[rubi]

احس الزواج يرسم بقية حياة الانسان علي طريقة معينة ودا شي يخنق بجد
الايجابيات فيه استقلالية عن الاهل اكتر الواحد يحس له بيتو الخاص وكمان انسان يوقف جنبك وقت المصايب والهم تلاقيه يسندك معنويا وماديا بكل شي

والزمن دا صعب تلاقي انسان مايخخون
يعني الله لايقدر بس لمن تقسم وتوعد انسان انكك حتكمب حياتك معاه وبعد كم سنة تلاقيه يخونك بجد صعبة اتوقع عن نفسي ماحقدر استحمل الم زي كدا

عموما الله يوفق الكل

وعالخلفة يامجبور ترا كل طفل يجي معاه رزقه دي النقطة انت لاتشيل همها لانها مو بيدنا

[توونآ]

مثل ماقلت الزواج سلبياته اقوى
بصراحة المسؤولية اصعب شئ في الحياة
واكثر اسباب الطلاق ان محد من الطرفين مقدر حجم المسؤولية الي حيشوفها بعد الزواج
اذا ناوي تتزوج وراتبك على قدك مايساعد انه يفتح بيت
خذلك لك موظفة تساعدك في مصاريف الحياة قلت (تساعد مو تصرف عليك)
ثانيا تأكد قبل ما تتزوج انك عقلت ثم عقلت ثم عقلت هههههه
بمعنى لا تتزوج اذا كنت تحس نفسك لسا شخص طايش والحياة ماشية عندك خلوطي ( جمع مخلوط )
ثالثا انصحك بالزواج بعد سن 30 اعتقد حتكون شخص اوعى واعقل ومتزن ومؤسس نفسك اكثر
امممم تقريبا هذي اهم الاشياء الي اشوفها لازم تتوفر في الرجل المقدم على الزواج

الله يوفقك ويرزقك بنت الحلال

[شرووق]

الاختيار السليم هوا اساس كل شي
لا تبني شي على فرضيات خذها مني << متزوجه وحآآآسه خخخ
و اختيار الاهل مهم مهم مهم
وربي يوفقك يارب .. ويرزقك بالبنوته الصالحه واللي تعينك على دينك ودنيآك ..,

[صقر الشمال]

يعطيك العافيه \ مجبور اودعها
طرح راشع بارك الله فيك
تعليقي
--
بالبدايه لابد الايمان بالله عز وجل هذا قسمه ونصيب مكتوب لك سوا شر او خير في الزواج
لكن نعمل في الاسباب هي
اول النيه والاخلاص مع ربك والله الانسان يعطي حسب نيته وكذلك الزوجه اذ نيتك طيبه رضا والدين ونسان مستقيم رايح تمشي امورك تمام
النقطه الثانيه
التفاهم والمصارحه والاتفقاق من الاول حسب الشروط لاتتغير الاتفاقيه مابينكم وبعدها يتم المشاكل لاسمح الله
النقطه الثالثه - الاحترام المتبادل مابين الطرفين
انا من شفت واحد يقول بحر واحد يقول السوق اختل واحد من الشروط التفاهم ههههههههههه لكن عا قولتهم
الحرمه من رجالها والخيل من خيالها
اذ منت واثق من نفسك وعندك القدره تحمل الزواج لاتقدم الصبر زين لديك الوسائل تقدم وتزوج وش المانع
لكن لابد من الاستشاره ولاتسرع في القرار ادرس الوضع من كل النواحي- ولاتخلو اي اسره من مشاكل لكن هذي هي الحياه لازم كذ
سوري عا الاطاله لكن حبيت اوضح بعض النقاط والاخوان والخوات ماقصروو بالردود



\

انتبه من الحماه والاقارب هي راس اللحيه الامن رحم ربي وفضل تزوج من خارج العائله - راي شخصي

[حبي لذاتي قمة أولوياتي ~]

عقلك الباطن يحدد مصير حياتك ~

رؤيتك لكل ماهو حولك يؤثر على شخصيتك .

~ كن إيجابيا ً وتفائل دائماً ~