|| med13 .. حياكم الله هنا للإجابة عن كلما يراودكم ..~

[Munirah]

شكراً ليكم على مجهودكم وإن شاء الله ربي يجزاكم خير عليه ، طيب أنا أباكم تدوني فكره عامه لأنو الصراحه معرف أحد أكبر مني فيها عشان أسألو يعني مثلا المقابلة الشخصيه متى حتكون وكيف حتكون وبالنسبه للزي زي ما قلتو أنا أختارو على كيفي ولا في شي محدد والكتب كيف وموضوع الدرجات برضو

[وعودة]

المشاركة الأصلية كتبت بواسطة munirah شكراً ليكم على مجهودكم وإن شاء الله ربي يجزاكم خير عليه ، طيب أنا أباكم تدوني فكره عامه لأنو الصراحه معرف أحد أكبر مني فيها عشان أسألو يعني مثلا المقابلة الشخصيه متى حتكون وكيف حتكون وبالنسبه للزي زي ما قلتو أنا أختارو على كيفي ولا في شي محدد والكتب كيف وموضوع الدرجات برضو

اولا مبروك القبول وكلنا هنا نعتبر اخوانك واخواتك وحنجاوبك على كل شي تبغيه ❤❤❤
اولا :المقابلة الشخصيه متى حتكون
حتكون بداية السنة وحيرسلولك ايش االيوم حقك
وكيف حتكون:
حتكون زي المحطات في كل محطة سؤالين ومرا حتنبسطي فيها حيسئلوكي ليش اخترتي الطب مثلا ايش تشوفي نفسك بعد 10 سنين هل ممكن تكشفي على مرضى الايدز ايش اكثر صفة فيكي يقولها لكي صاحباتك ومجموعة اسىلة كمان
وبالنسبه للزي
الرسمي سكرب لون ازرق ملكي او سماوي ولابكوت بس انتي براحتك لو تبغي لون ثاني ماكانو يدققو الصراحة
والكتب
الكتب حتكون بس مرجع لكي والمذاكرة الاساسية من السلايدات
كيف وموضوع الدرجات برضو
الدرجات شوية واقولك كل شي عليها ❤❤

[Munirah]

مرره شكراً وعوده جزاكي الله خير ردك ما شاء الله كافي ، ويعني أفهم من كلامك اللابكوت والسكرب عادي لو اشتريتهم قبل ما نرجع للجامعه وما ألتزم بدفعتي ؟

[وعودة]

المشاركة الأصلية كتبت بواسطة munirah مرره شكراً وعوده جزاكي الله خير ردك ما شاء الله كافي ، ويعني أفهم من كلامك اللابكوت والسكرب عادي لو اشتريتهم قبل ما نرجع للجامعه وما ألتزم بدفعتي ؟

عفوا ولو واجبنا :)❤ ايوا عادي لو تشتريهم قبل ماتيجي للجامعة بس نصيحة اشتري من ذحين لو تقدري على اخرة الاجازة حتلقي المقاسات مخلصة وكذا > ماشالله من الحماس كله بيشتري بدري ؛) ولون السكرب ايوا بكيفك مو لازم تلتزمي بدفعتك حتى لو لبستي بنطلون عادي ماكانو يقولو شي اهم حاجة فوقه لابكوت ❤

[طبيب القلوب]

السكرب أي لون تلبسوه ما يفرق ،، و بالنسبة للشباب السكرب مو ضروري بس الﻻب كوت ) البالطو ( مهم و ما تقدر تدخل المعامل بدونه ،، و يمديك تجي بأي لبس ما عدا الشورتات طبعا

[DR.Slimzozy]

الحمد لله حتى يرضى و الحمد لله اذا رضي و الحمد لله بعد الرضى ،،، اخواني دفعة med12 ،، حبيت اسالكم سؤال ،، انا الحمد لله انقبلت في الطب الفرع الرئيسي موازي ،، ايش الخطوة التالية ؟؟؟ انتظر حتى بداية الدراسه ولا اراجع الجامعه ،، و بالنسبه للانتساب ايش يفرق غير المكافأة ؟؟ و هل استطيع التحويل الى المكافأة السنة الجايه بسهوله مع العلم انو انا كان باقيلي نسبه وحده و ادخل الفرع الرئيسي عادي. الحمد لله على كل حال ،، جازكم الله خيرا.

[أهـ منك يازمن]

الموازي مو انتساب للمعلومية

دوامكم زي العادي بس بدون مكافئة ( ما يتسموا انتساب لآنهم مايدفعوا للجامعة ولا يندفع لهم )

مايحتاج تراجوا ولا شي بس اول يوم دراسة لازم تكونوا موجودين فى الفرع الا انقبلتوا فية

التحويل شرط انك تكون من اول 3 على الدفعة وتقدموا طلب التحويل

انصحكم بحضور الدورة حقت ميد 12 لأنها راح تفيدكم بالنسبة للمواد والدراسة وطريقة المذاكرة

[DR.Slimzozy]

جزاك الله كل خير اخوي اه من الزمن << اسمك قصه ههههه ،، الله يسلمك من كل شر و يوفقك ،، متى راح تكون محاضرة med12 ?? لاني انا الان خارج السعوديه و حارجع بعد اسبوعين.

[Aziz Bin Sadiq]

اول شيء الحمد لله الحمد لله على كل حال واشكر إخواني med12 على بادرتكم ، انا ما عندي احد اكبر مني دخل طب
عندي أسئلة انقبلت طب جراحة شمال جدة وكانت الرغبة الثانية ، يمديني انزل للرغبة الثالثة وهيا طب موازي الفرع الرئيسي وكيف ؟؟
وكيف المقابلة الشخصية وكيف اعرف موعدي
والجداول حتكون جاهزة ولا أعدل جدولي ، ومتى تنزل ؟؟
ومتى حتكون الدورة

وآخر شئ نداوم من اول يوم ولا اول أسبوع اجازه وكمان متى اشتري البالطو والسكرب
وعارف أني أسئلتي كثيرة بس يعطيكم العافية ودعواتكم لنا

[أهـ منك يازمن]

معليش سويت الحساب فى حالة طفش وخوف من القبول فى الكلية xD ف أستحملوه شويا

بالنسبة للدورة غالبا قبل الدراسة بأسبوع حسب كلام واحد من شباب الجنوب ماعليك تلحقها انبسط

اخويا انا فى شمال جدة مدري ليش كل الناس حاسة اننا فرع ماله دخل فى الطب !

كلهم مايبغوه تقدر تحول عادي من عمادة القبول بس مستعد تخسر المكافئة ؟؟ براحتك شي راجع لك

المقابلة فى اول يومين ماعليك راح تعرف لمن تدخل الكلية بالنسبة للشمال مقابلتهم فى نفس الوقت وتراها سهالة لا تشيل همها بس تضيع وقت

الجداول العمادة تنزلها وموحدة للدفعة غالبها تاخدها اول يومين

اول يوم لازم تجي بما انك جديد علشان تعرف الوضع وترا فى محاضرات من اول اسبوع فلا تسحبوا

بالنسبة للسكرب مو شرط والابكوت حاول قد ماتقدر مايخلص اول اسبوع الا وهوا معاك لان المعامل ماتدخلها الا بية