يــوجد ترم صيفي للسنة التحضيرية ,,,, مهم لك طالب,,,,أرجوا الدخول

[الطرشاني]

يعطيك العآفيه والله ~

وربي يقدرنآ ويحقق آمآلنآ ~

[990099]

ياجماعة انا اشوف احد يتبرع ويرسل خطاب او ايميل رسمي لعمادة القبول او العميد

يستفسر استفسار واضح بجميع النقاط المذكورة ,, والرد هو اللي بيكون معتمد وكذا نقدر نعرف وش لنا وش علينا

اما نتركها بحري كذا كل دكتور يفتينا من عنده وكله شفوي مافي شي مكتوب او آليه عشان نعرف وش الخطوه الجايه

مو معقوله الاف الطلاب الانتساب السنة التحضيريه ومصيرهم وآليات دراستهم الى الأن مو محددة ومجدولة من قبل عمادة القبول والتسجيل,,

ولا يوم المسئله ادفع رسوم كل شوي مرسلين لك رسالة وانواع التواصل الفعال والاهتمام,,, والحين انتظر لين نفضى لك طال عمرك ونفكر وش اكثر شي بيربحنا فلوس ويمكن نبلغك ولا رح دور انت بكيفيك انت تعال اضرب مشوار وراجعنا

[صدى الجريح]

يوم الاثنين الي فات كان موجود عندنا في الدمام عميد القبول والتسجيل على مااظن او مسؤول وسألنا عن حمل المواد

(وقال الموضوع الى الان تحت الدراسه ماعندي اي خبر اقدر افيدكم فيه بس على مااظن انه يقدر يكمل ويحمل الماده معه للكليه الي ينتسب لها )

لاكن يمكن من الاثنين الى اليوم اصدروا النظام

وعلى فكره انا قد قريت ان الشخص ماايقدر يتخصص قبل لايخلص السنه التحضيريه

[thamir to.to]

إن شاء الله يارب يكون فيه ونبغى المشرفين يساعدون بالمعلومات عن الصيفي والتقديم

[aswear]

هذا اكبر دليل ان الجامعه عبارة عن شركه تجاريه لا يهمها الطلاب او مستوى تحصيلهم العلمي
لا تخطيط ولا هم يحزنون
اهم شي يدفعون وسنه تحضيريه نسكت فيها الجميع
اوة قبل لا انسى
فيه ملاحضه تضحك
انا بالخطه ا وعندنا مبادئ احصاء وتحليل احصائي
وكنت قبل سنوات ادرس محاسبه وتركت الجامعه ومن المعلوم لاقل الناس ثقافه اكاديميه انه لا يمكن تكون هالمادتين في ترم واحد لازم المبادئ اول وبعدي اللي يعدي ياخذ التحليل بالترم اللي بعدة زي انجلش 1 وانجلش 2
بس يالله
وانا مالي
الحكومه ابخص

[iGeek_FTW]

جزيل الشكر لك لإيصال الخبر لمجاميع الاعضاء ..

[شيفرة دافنشي]

بالنسبه لي انواع الاحباط

اذا لازم ادرس المواد اللي راسب فيها علشان اتخصص

قهر وربي

[الشوق الجارح]

يااااااااااااااااااااااااااااااااااااااااااااااااا اااااارب نعدى ونفتك

[غازي الغربي]

حسبي الله ونعم الوكيل

اخوي انا اعرف واحد في اخر سنه وعنده ماده من اول ترم وكل شوي وهو يحذفها

اما اذا تغير النظام .. هنا اقول شكلهم مايبونا ندرس مدري على ايش شايفين انفسهم

جامعة كلفورنيا ولا جامعة لتخصيب اليورانيوم ولا جامعة لاكتشاف النجوم ياخي انا

من ناحيتي والله اني افكر حتى لو اعدي الترم هذا اني اسحب من الجامعة لاني اشوف

شروط تعسفيه علينا يحسبونا انتظام ولا وش تفكيرهم بس تدري يمدحون سوق

الغنم الشعير مرتفع ذا اليومين

[alzaeeem8]

رددوا والله ماراح يعملون شي لمصلحة الطالب وانما مايفيدهم هم شخصياً حقيقه عجايب والله شوفوا الاختبارات خصوصا اخر اختبار لخطه (أ) وخطة (ب) والله لمن نطلع من قاعة الاختبارات تسمع عند الباب انواع الدعاء على هالدكاتره ليش ياخي هالتعقيد بتقولي اللي مذاكر والله حتى المذاكرين ولاحس ابو الكتاب انه تنح يوم شاف الاسئله والهدف تبدا ترم وتدفع 3000 حسبنا الله ونعم الوكيل..