{لآآ} للتــفريــــق {لآ} للعنصريــة .., {..نــعــم..} للعــدل و الانـصــآآآآآف..

[بني آدمية]

أوكي حتى لو كانت الأسئلة مهي مرا صعبة بالنسبة لك .. إحنا كانت بالنسبة لنا صعبة !! لأننا كنا دوبنا دخلنا الجامعة, وماكنا نعرف كيف ح تجي الأسئله !!
وانا عن نفسي كان الدوري الأول اسهل من الثاني .. لأن الأول كان فيه مسائل وأشياء حلوة .. ومشي حالي فيها
لكن الثاني كان كله تعاريف فعشان كذا خبصت حبتين !!
وحتى لو كانت الأسئلة متساوية في مقدار الصعوبة !! مهما كان إحنا كنا دوبنا جاين طازة من المدرسة ! ومحنا متعودين على اسئلة الجامعة !!..
إنتو طبعا كنتو زينا .. بس الشي الي كان مهم عندكم تجيبو فيه درجة عدله هوا الفيزيا
إحنا كان الكيميا والأحياء (مادتين مو مادة)
وبس هذا رأي
على العموم ربنا يسهلها علينا كلنا .. سواء كنا خطة أ أو ب ..
وأتمنى إني ما أكون زعلت احد بردي .. بس كنت بأقول رأي :)
وشكرا

[m0o0na]

لا ان شاء الله محد يزعل ..
بس احنآ نبغى نبين للجامعة ان المفروض يعدلوا وما يفرقوا..
ومستوى الاسئلة يخلوها نفس الشئ ..

عشان يتم العدل ..
و بالتوفيق لخطة ب في الاحصاء وخطة ا في الحاسب..

[غرور فتاه]

لم تعد الحياه سهله كما كانت في السابق , فإما أن تكون مميزاً وإما أن تـُسحق !

أعلم أني قاسيه بقول هذه الكلمه ولكنها الحقيقه التي لا بد من إدراكها .

حنعمل bla bla bla كتير وفي الأخير حيتذاكر الكتاب كله

فما عندكم غير إنكم تستسلموا أو تقوموا وتمسكوا كتبكم تمام


صراحةً أقولكم هيا إذا الطالبه مسكت القوانين التعاريف اللي في الكتاب بالاضافه للتشيك بوينت و تمارين السيكشن كاااااااااااامله مو سؤالين تلاته

حتجيب درجه كويسه إن شاء الله




وأهم شي تكوني فاهمتها وإذا عندك أي نقطه لاتترددي تسألي دكتورتك وإذا دكتورتك ما فهمتي منها روحي لمكتب التانيه والتالته والرابعه لين ما تفهمي المسأله تمام

حبايبي أنسوا الماضي وقدامكم لسه فرصه تحسنوا مازال عندكم 40 درجه وكمان يمكن يزودوا بونس

( مو عارفه ايش اقول أنا ما عملت بالطريقه اللي ذكرتها فوق في الدوري التاني وجبت فيه العيد لكن السبب مو من الأسئله السبب مني )


لايأس مع الحياه و لا حياه مع اليأس

مع تمنياتي بالتوفيق للجميع في الاختبارات القادمه :)

[m0o0na]

^^
احنآ دكتورتنآ ماشاء الله عليهآ احسن وحدة..
نفهم معآهآ ..
نحضر المحاضرات وحل التمارين ..ونذاكر القوانين والشيك بوينت و السامبل بروبلم..

ونحل نماذج.. لكن الاسئلة ماكانت بمستوى اللي ناخذة..

[Mr-Ammar]

المشاركة الأصلية كتبت بواسطة غرور فتاه لم تعد الحياه سهله كما كانت في السابق , فإما أن تكون مميزاً وإما أن تـُسحق ! أعلم أني قاسيه بقول هذه الكلمه ولكنها الحقيقه التي لا بد من إدراكها . حنعمل bla bla bla كتير وفي الأخير حيتذاكر الكتاب كله فما عندكم غير إنكم تستسلموا أو تقوموا وتمسكوا كتبكم تمام صراحةً أقولكم هيا إذا الطالبه مسكت القوانين التعاريف اللي في الكتاب بالاضافه للتشيك بوينت و تمارين السيكشن كاااااااااااامله مو سؤالين تلاته حتجيب درجه كويسه إن شاء الله وأهم شي تكوني فاهمتها وإذا عندك أي نقطه لاتترددي تسألي دكتورتك وإذا دكتورتك ما فهمتي منها روحي لمكتب التانيه والتالته والرابعه لين ما تفهمي المسأله تمام حبايبي أنسوا الماضي وقدامكم لسه فرصه تحسنوا مازال عندكم 40 درجه وكمان يمكن يزودوا بونس ( مو عارفه ايش اقول أنا ما عملت بالطريقه اللي ذكرتها فوق في الدوري التاني وجبت فيه العيد لكن السبب مو من الأسئله السبب مني ) لايأس مع الحياه و لا حياه مع اليأس مع تمنياتي بالتوفيق للجميع في الاختبارات القادمه :)

بعد الكلام دا خلاص مافي كلام هع

[مجموع انسان]

لو يحطو 10 كتب فيز ويقولو هذا منهجكم ايشبكم معصبين؟؟؟؟

تيك ات ايزي والنهايه انصدم بالـ f يا عزيزي ..

هدي اعصابك الاسئله حطوها وصححوها والدكتوره دحين مشخررره نوووم ولا داريه عنك انتي يالي تحرقي اعصابك وزعلانه ع الدرجات الي راحت

الي راح رااااح انسييه وخليك في الحاضر واذا لاقدر الله ورسبتي ترا الرسوب خطوه وبالعكس حتبدعي في الصيفي وتجيبي فل مااارك وانا اقولها لك من دحين صح انك حتطفشي لما تنعاد لك المحاضرات مره ثانيه بس حتثبت المعلومه في دماغك عقبال ما نشوف درجاتك الحلوه وتبشرينا

للعلم: ترا انا كمان مصيف معك فييز^_^ الموت مع الجماعه ارحم من جد بكره اختباري ولاااااااااااااااااااااا افقه شيئا كل الي اعرفه انه بكره اختبار فيزياء غير كذا معرف تقولولي من فين لفين اقول : كلمه ما ادري ترفع من قدري

عندي اغنيييييييه تنفع للمواضيع الي زي كذا والشعب الي يدخلو كلهم معصبين لجواد العلي (( انا رايق)) <<<طربان فيها اليوم انااا قمممممممممه الروقااااااااااااااااااان

[ميعاد]

اتوقــع السمستر اللي فــآت قالوا انو كلوا داخل معانا ..

بس مااذاكرنا كلو لانو البدايه اساسيات لو فهمتيها حتمشي في اللي بعدوا.. بالعكس تضمني درجه في سؤال من شابتر سهل ولا في شي ماتعرفيه وجديد عليك قريب اخذتيه وماهضمتيه..

احنا الدوري الثاني عصبنا لانو دكتورنا ثريا قالت ذاكروا كله ..

ووالله بعد الاختبار حمدنا الله لانو الاشياء اللي حليناها من الشباتر القديمه لكن الجديد يلفوا في افكاارها..

وانتم كمانا روحوا لثريا باعراقي وكلموها بــأدب ووالله ترضى وتسهل عليكم..

بس اهم شي لاتعصبوها احنا كنا تمام معاها والفاينل جا مفرح لاغلب البنات..

انا صحبتي دحين تدرسها ومره مطفشينها حتى كمان لمن خرجوا من الدوري الثاني جلسوا يدعوا عليها قدامها وهيا سمعتهم وتقولهم طيب حتشفوفوا النهائي ..

روحوا كلموها بالطيب وترضالكم ان شاءالله..

وان شاءالله تحبوها بعد الفاينل زي مااغلب السمستر اللي فات حبها بعد الفاينل ..(:


يالله الله يوفقكم..

[nada gx]

وَالله حِكآية العَدل وِمآالعَدل
مآ أتوقَع فِي وَحدَه شآيفه ان الجآمعه مُنصفتهآ

وِدَحين تِبغوآ العَدل عَشآن زَآدُووكُم شآبتَر !!
طيب يمكِن فِي المَنآهِج مآزَآدونآ بِ الكَم هَذآ
بَس بَرضو حَصل اختِلآف وِ تَغيرر
وِ عَ البآيو صَح مآحذفولَكم
بَس الكِمية اللي دَخلت فِي الدَوري التآني أقل
وِ أكيد بيأثر !! .. أجل نِبغآ بُونص عَشآن يِنصفونآ زَيكُم !!!

وَالله شُوفي تَرى فِي كُل الخُطتين غِيروآ وِسوآآ
يَعني شآلوآ مِن هِنآ وِحطوآ هِنآآك

يعني إحنا الترم الي فات كانت اسئلة الكيميا زي السم !! وقليل الي جابو a في الأخير !! والآن هما اسئلتهم مهي صعبة زي ماكانت حقتنا !!

مَعليييييييييش
تَرى لِسآ مِتذكِرة امتِحآن الكِيميآ اللي قَبل أمس
بِصرآحة مآفي أي مَجآل لِ المُقآرنه بِين امتِحآنكُم وِحَقنآ
نَموذَجكُم حَليتو وَ بِكُل رآآحَه
وِ حَقنآ أبداً مآكآن كِدا
عَآد يِمكِن العِلَة فيني وِ مآ أفهَم
بَس صَرآحة كُلنآ مُنصَفين
وِ كُلنآ أكلنآ عَلى رآسنآ

وِ إذا عَلى هَرجة الامتِحآن
مَحد مآنِعكُم تِعتَرضو .. حَتى احنا نِبغآ نِعتَرِض عَ مَوعد امتِحآن البآيو
ان شَآء الله بِيسمَعولنآ

مُوفقيين

[m0o0na]

اذا قارنا كمية اللي كان معانا في الاحياء معاكم صح انهم زودو جزئية مادخلوها في الدوري الثاني لكن دخلوها في النهائي..
ترى حتى احنا زودوا لنا سكشن كامل في الماث 3.4 وكانو حيدخلو الى 3.6 يعني كان حيصير الاختبار في شابترين كاملة + سكشن 1.6 ..
واصلا احنا لما كنا خطة ب ماكان عندنا مادة فيها بونس ..
لا في الاحياء ولا الكيمياء ولا احصاء ولا هم يحزنون..

[بسمة ألـم]

معاك حق في كل كلمه قلتيها ياقلبي

وانا معااااااك

بنات خطة ب يقولو كدا عشانهم مو حاسين فينا

احنا خطتنا ضغط

وفوق دا يزودو علينا شاتر واسئله صعبة

اوووووووووف ياربي