النصيحه ببلاش يا اهل الراي :)

[bsfa2009]

الخطة الدراسية لي كلاهما نفس الشئ ولا يتقير اي شئ ولو بسيط...
الذي اقصده انهما لهما مستقبل زاهر في ظل التخصصات والخصصات الحاصله في جميع الشركات والموسسات وليس كما قيل ان العمليات والجودة بس في الشركات بل الان المؤسسات الحكومية بدأ بفتح اقسام في الجودة...
والامر اليك

[k7ilan]

طيب الموارد البشريه وش وظعه ؟؟

افضل هو او اداره الاعمال الدوليه

اداره الاعمال الدوليه بصراحه مدري وش يبي

دووووليه وين يا ابو الشبااب ماعندنا شي دولي

[URGINT99]

ابتعد عن الدوليه
غير معترف بها في الخدمه المدنيه

[@^@]

يا اخي انا بقولك من ردودك


انت تحوم على الموارد وتبيه بيدينك ورجولك بس تبي من يقولك رووح



واذا ماده تافهه جبت فيها العيد وطلعت صعبه اجل وش بتقول في المواد الثانيه


نصيحتي اطلع من ادارة الاعمال كلها وروح على الاداره العامه اذا تبي حكومي


اذا انك مزهب وضيفتك رح للاداره العامه وابتعد عن مسار ادارة الاعمال لانك مررررررررره من ردك باين انك محتقر القسم وكمان مو مستوعب الدولي رغم مدينة الملك عبدالله الاقتصاديه والتحول القادم للمملكه من الناحيه الاقتصاديه


تبي الصراحه ايش رايك بالعسكريه احسها تنفع لك اكثر عشان بالمره ما تشغل بالك ابد


لا تزعل بس ردودك توحي كذا

[سـ ـ ـ ـاب]

أخي الكريم

كل شخص بيرشح له تخصصه اللي هو درسه و هذا شي طبيعي

لكن بشرح لك وجهة نظري و القرار الاول و الاخير لك طبعا ً


اذا وضعت تخصص الموارد البشرية و أي تخصص ثاني في ميزان راح تلاقي الفروق التاليه و التي لا تعوض

إدارة الموارد البشرية متواجده في جميع القطاعات تقريبا ً سواء حكومية أو خاصه
لسبب بسيط ,, لا يمكن لأي منشأه ممارسة التوظيف أو تطوير و تدريب الموظفين أو صرف الرواتب و إعداد الاجور أو أو أو أو
إلا بوجود إدارة موارد بشرية

مع العلم بأن هذا المفهوم لا يطبق في جميع المنشاءات بهذا التفصيل و الحجم


و الكل يعرف توجه الدوله الحالي لتنمية الموارد البشرية و انشاء صندوق خاصه بميزانية من الملك عبدالله مباشرة لدعم الشباب و المساعده على التوظيف

و إنشاء مركز الملك عبدالله المالي سيحتاج إلى متخصصي موارد بشرية لتوظيف الافراد و تدريبهم و تهيئتهم لهذا الصرح العظيم


كل ما ذكرته لك هو مجرد واقع يدعم رأيي المتواضع

أسال الله أن يكتب لك الخير و يختار لك طريقك الاصلح



بالتوفيق

أخوك
محمد