محتاجه مساعدتكم !!

[د. أسامة]

المشاركة الأصلية كتبت بواسطة mr.ambitious اعرف دكتور كمل برا وبالتخصصي دحين وعايش مبسووط راتبو فوق 60 ماشالله زي ماسمعت مع ان دوبو عمرو 30 سنة ماشاءلله

[الهلالية]

المشاركة الأصلية كتبت بواسطة d.khaled أختي الكيمياء ممتع لو حطيتي في بالك إنه سهل صدقيني أوهمي نفسك كثير بإنه سهل حاولي تفهمي كل شي فيه لو ربطتي المعلومات اللي في الكيمياء راح تبدعي فيلو ولو عندك سؤال في الكيمياء انا موجود في الصيفي وراح أسنتر هنا والناس هنا طيبه راح تساعدكي حاولي مع الكيمياء أحضري الكلاس مع أحسن دكتوره لاحظي دكتوره مو أستاذه ولو عندك شي مو فاهمته روحي لها طلعي اللإجابه من عينها وبيكون الكيمياء في كلا الطبين بس أكثر شي البشري للأنه يهتم بالأشياء البشريه الفرص الوظيفيه لاتشيلي همها مره للأنك لو فكرتي فراح تدخلي التخصص ا اللي ماتحبيه بسبب الوظيفه كله من رب العالمين الطب البشري وظائفه معدوده للأنك راح تتخرجي طبيبه عام بعدين لمن تقدمي على المستشفيات في أخر سنه راح يطلبو منك أشياء زي ممممم إيش يسموها أبحاث أو أشياء مختصه بالتخصص اللي تبغيه إنت زي القلب أو العظام او العيون أو التخصصات المهتمه بالجسد البشري فتاخذي التخصص ماأدري كم سنه بس هنا الحلاوه إنك راح تاخذيها في المستشفى يعني تطبقي عندهم وراح تتعاملي مع المرضى هذا اللي اعرفه أختي وإذا في شي ثاني ماشاء الله الأخوان ماقصرو والللي يقولك نسبه القبول 2 او 3 أجل الجامعه مالها حق تقبل 8000 طالب وتخصصهم صح يعني جوابي على سؤالك هوا سؤالي على جوابك ؟؟ <أتحدى احد فهم سنوات الدراسه عندك مزاج جاوبكي ماشاء الله وأعتقد نفس البشري في إختلاف بسيط بينه وبين البشري في المواد في السنه الرابعه لك في نفس التخصص هنا تتغير المواد وتبدأي تدرسي أشياء مختصه بالأسنان ودراسه طب الأسنان صراحه أصعب من البشري بس لاتهتمي أهم شي حبك للتخصص

هو صح اكرة الكيمياء بس زي ماقلت امشي فيه واجيب درجات حلوة بس بعد طلووووووووع الروووح...
من جد الاخوان مرة طيبيبن بصراحه مرة ماتوقعت الاقي احد يساعدني مثل ماسوا الاخوان الله يعطيهم العافيه ...

سوال اخير >>>زودتها البنت

طب الاسنان عندو تخصصات زي البشري ؟؟؟ واذا عندو فكرتها بالتخصص مثل ماقال الاخ عن البشري ؟؟

[مراد الجنيد]

المشاركة الأصلية كتبت بواسطة مـــآجد مــآحد له نية في الصيدلة ابغا اعرف الخطة الدراسية حقت الصيدلة

ادخل قسم الصيدلة هنا بالمنتدى وان شالله تلقى المعلومات تبعك

[الهلالية]

كمان سؤال للي يعرف ..

بالطب البشري وانا ادرس التخصص بعد السبع سنوات الي ابغاه فليكن جراحه ...اشتغل بنفس تخخصصي حتى وانا لسع ماكملت دراستها ؟؟

[Mr.Ambitious]

يب

من اول يوم

[الهلالية]

مشكور ياخوي ..من جد وضحتلي اشياء كثير انت والاخوان ...

الله يعطيكم العاافيه ويسعدكم ياارب ...

[د. أسامة]

ما شاء الله طالــب الثانوي عنده معلومات كوويــسة ،،

الله يووفقــك ،، و شد حيلك في الفيزيكس بكرهـ ^_^ .

[Mr.Ambitious]

المشاركة الأصلية كتبت بواسطة الهلالية مشكور ياخوي ..من جد وضحتلي اشياء كثير انت والاخوان ... الله يعطيكم العاافيه ويسعدكم ياارب ...

الله يوفقك وإن شاء الله كلنا ندخل اللي نتمناه

[Mr.Ambitious]

المشاركة الأصلية كتبت بواسطة د. أسامة ما شاء الله طالــب الثانوي عنده معلومات كوويــسة ،، الله يووفقــك ،، و شد حيلك في الفيزيكس بكرهـ ^_^ .

خخخخخخخخخخخ


انا من دفعتكم بالتانوي

بس ماسجلت لمن عرفت ان الدراسة انقلش بانقلش ( رحم الله امرؤ عرف قدر نفسه )

ومافي نية للدراسة كنت محتاج راحه طويله

قلت بريح سنه وبسجل منها اتقن الانقلش واشتغل فترة


وبالتوفيق والله يعينكم على اعصابكم

مستقبل يتحدد بعد كم يوم !!

من جد الله يعينكم وييسرها

[D.Khaled]

المشاركة الأصلية كتبت بواسطة الهلالية هو صح اكرة الكيمياء بس زي ماقلت امشي فيه واجيب درجات حلوة بس بعد طلووووووووع الروووح... من جد الاخوان مرة طيبيبن بصراحه مرة ماتوقعت الاقي احد يساعدني مثل ماسوا الاخوان الله يعطيهم العافيه ... سوال اخير >>>زودتها البنت طب الاسنان عندو تخصصات زي البشري ؟؟؟ واذا عندو فكرتها بالتخصص مثل ماقال الاخ عن البشري ؟؟

لا أختي تخصصاته محدوده بس ماادري كم يمكن 5 او 6

هذا اللي اعرفه

ماجد لي بحث بإذن الله عن الصيدله وراح أفيدك إن شاء الله