( جـدة ) . . . وهـل يـخـفـى الـعـفـن؟؟

[واقعية]

هههههههههههههههههه

حسيت الكلا من قلبك طالع ياخي بس عنجد هدا واقعنا

بس والله مابتخيل نفسي اعيش بره جده ابدآآآ

فديتها انا

يسلمووو خيي

[Life as Game]

المشاركة الأصلية كتبت بواسطة high class man نفس الششجرة اشوفها في كل شآرع !!) . . .

خخخخخخ
ياشيخ ما ادري ايش الهرجة متفقين مع الاشجار على النوعية دي ..مقابل فلوس رمزية والا ايش؟؟

.. هذا شي الشي التاني واللي من جد يفقع المرآآآرة أسلوب القيادة في شوارع المدينة . . . انا ما راح اتكلم اكثر بذا الموضوع يكفي بس اقول .. القيادة(فن , ذوق , أخلاق)

اسمح لي ويسمح لي كل جداوي .,
اني اشهد واقول همجيين يا حقون جدة في السواقة ..وخصوصا حقون التكاسي .,<<مع الشين قوة عين ،,,’
اقسم بالله اكتر من مرة واحد يغلط علي وغلط واضح مسلا عند الدوار ويتجاوزني من اليمين وبعدها يلف يسار عليا ..
واضطريت اني اظرب فرامل بقوة عشان لا اخوش في الباب حقو ,,ولو لفيت يسار راح اصدم في السيارة اللي بجنبي ,,
وبعد دا كلو ..يقول ليا ويصيح ..فتح عيونك ,,<< اعود بالله ايش جاني من الحقد هاداك الوقت ,.
قسما لو بس وقف واحد مننا ليروح غلطة,,
فضلا عن دخلات حقون الليموزين في الخط السريع بالريوس ..قسما بالله بغيت اشيل واحد ,,
ابو الشباب فاتتو دخلة الخدمة اللي تطلعو من الخط السريع ,, طيب ايش سوا ؟؟
قام دق ريوس وباسرع ما عندو اتوقع ماشي 60 بالريوس ,,وبدون فلشر تنبيه وفي الليل
ومصيبتي كنت ناوي خط الخدمة ,,لولا الله ثم اللي راكب معاي ..نبهني ..قسما لاكون قشيت ابوه
^^
بعد دا كلو نقول الحمدلله على السلامة ,,
بس ايش صار ..يعني بالله شوفوا قوة العين ,,جيت لفيت عليه عشان يتربى لو شويا ,,
الموهيم
قال :ايش فيك ..
قلت لا ياهو ,,تخش عليا بالريوس وتقول ايش فيا ؟؟
قال :هوا صحيح انو انا غلطان ,بس مو معناتو ,,
قاطعتو وقلت وين يا حمزة ,,لا احسن اقول لك اسف ؟؟
الموهيم ,,كان واحد راكب معاه وجلس يهدي فينا ..والناس كانو من ورانا يظربوا بواري لاننا قفلنا الخط ,,ووو
وانتهت السالفة بسلامة الحمدلله ,..

نفسي اعرف من فين جابوا اخلاق القيادة دي ؟؟

[XP-PROF]

أقول الحمد لله على الارض الا ضمتنا وتربينا فيها وجدة هي أم الرخاء والشدة تلاقيها مرحبه فيك ،شوفوا جميع الناس من يوم يقولوا بكره الاجازة الكل جهز عفشه واتجه للجدة يعني جدة وبس والفاضي مسوي قاضي ياكل خس

[Life as Game]

المشاركة الأصلية كتبت بواسطة xp-prof أقول الحمد لله على الارض الا ضمتنا وتربينا فيها وجدة هي أم الرخاء والشدة تلاقيها مرحبه فيك ،شوفوا جميع الناس من يوم يقولوا بكره الاجازة الكل جهز عفشه واتجه للجدة يعني جدة وبس والفاضي مسوي قاضي ياكل خس

هعهعهههههاااي << ضحك بس من النوع اللي يخفي البكاء ..

اللي بيروح يصيف في جدة اقول الله يخلف عليك في سيارتك ..وفلوسك وعيالك ,,
الله لا يعودها ..شوفوا الناس هاربين من جدة وتقفل الهدا والكر بسبب زحمة اللي طالعين وانتي تقولي متجهين لجدتكم دي ,.,.
الله يهنيك فيها ,.,بس لانك بنت ماتدري وين الله حاطك ,,
روحي اسألي ابوك كم مرة يغير المساعد في السيارة ..
كم مرة في السنة ..يسوي ترميم للسيارة ,,
كم مرة في السنة يزور المرور ,,
كم مرة في اليوم يطيح في حفرة ,,<<الخط السريع كلو محفر اجالي كيف الشوارع الفرعية ,,
يا شيخ مو حفر الا آبار مجاري ,,والقراء بكرامة ,,
يا بت لا تتكلمي في حاجة انتي ما تدري عنها ,,جالسة في البيت 24 ساعة والا راكبة ورى في السيارة ,,ما تعرفي معاناة السواقة في جدتكم دي ,,
كلها عفن في عفن الله ينجيني منها بس ..وما اخس منها الا مكة ,,اطهر البقاع ,,
حتى المويه خربت شعري صاير كأنو اسلاك تربيط ..
مدري يخلطوها بزيت سيارات والا ايش؟
والا جوكم اللي سبب ليا كحة مستديمة ..هادا وانا ما جلست اكتر من سنة,,
خليك و الله يهنيك في الخس والملفوف ,.الي يسقوه من بحيرة مسككم دي ..
واتركي عنك الكلام في شي ما تدري عنو ,,

[توووbearooيتي]

وأهـو لآزلنا نقاسي المر ,,,,

تنفق المليارات على مشروع منتزه والأولى استغلال هذه

الأموال في اصلاح شبكة الصرف الصح ـــي !!!!

ع ــــــــــــجــــــــــــــــــبــــي !!!

[هيدرانجيا]

^^^^^^^^
والله معاك حق قال جده قال والله حتا هواها يجيب الهم :@

[رغد محمد]

خلاص انت سن اخلاق القيادة ...
وانت عارف من سن سنة حسنة له اجر عليها ...
ويا " Life"كل الي قلته على العين والراس وانا مقدرة وضعك واحنا اهل جدة عايشين في نفس الوضع ...
والله اننا نعاني ماعاد صرنا نخرج من البيوت من كثر الزحمة والحفريات "كرم الله القُراء "و الحر و.....إلخ
عاد السواقة حدث ولا حرج ....
والحمد لله على سلامتك ...ووصولك لاهلك بخير وسلامة ...
وسامحنا على الضيافة السيئة الي لقيتها من اهل جدة ...
لكن حابة اقولك شي ...
صح ان السعودية ماهي بلدي الاصلي ...
لكن والله اني عشت وتربيت وتعلمت فيهاوتنفست هواها... ولا يمكن استبدلها بأي بلد ثاني ابدا ...
جدة مهما كانت عيوبها كثيرة...تبقى في عيني ...

"ديرتي "....

[Life as Game]

المشاركة الأصلية كتبت بواسطة رغد محمد خلاص انت سن اخلاق القيادة ... وانت عارف من سن سنة حسنة له اجر عليها ... ويا " Life"كل الي قلته على العين والراس وانا مقدرة وضعك واحنا اهل جدة عايشين في نفس الوضع ... والله اننا نعاني ماعاد صرنا نخرج من البيوت من كثر الزحمة والحفريات "كرم الله القُراء "و الحر و.....إلخ عاد السواقة حدث ولا حرج .... والحمد لله على سلامتك ...ووصولك لاهلك بخير وسلامة ... وسامحنا على الضيافة السيئة الي لقيتها من اهل جدة ... لكن حابة اقولك شي ... صح ان السعودية ماهي بلدي الاصلي ... لكن والله اني عشت وتربيت وتعلمت فيهاوتنفست هواها... ولا يمكن استبدلها بأي بلد ثاني ابدا ... جدة مهما كانت عيوبها كثيرة...تبقى في عيني ... "ديرتي "....

اهلا فيك رغد ,,الله يسلمك
انتي صادقة ..اصلا يا كتر غلطاتهم .,.وعادي عندي لو احد يغلط عليا بالسيارة..ويتأسف او حتى ما يطالع فيا ..لانو عارف انو غلط,,
,,بس مو يسبني كأني انا اللي غلطت ؟؟ شي يفقع الموخ قبل القلب ,,
صحيح في ناس غلطوا عليا وتأسفوا ,,او اشر بيدو كأنو يسلم ,,عادي اتقبل ,,وكلنا نغلط وخصوصا ان السواقة صعبة في جدة واحتمال الغلط كبير ,,
بس فيهم,,عنيد ..وقليل ادب ,,حتى حقون الشاحنات ما سلموا منهم ,,
انا ما اتكلم عن اخلاق اهل جدة ..بلعكس احترمهم والله ,,
خصوصا انهم ينقسموا تلاث انواع كول وخدم وصروب

بس اتكلم عن همجية القيادة وفوق كدا ,,الاخلاق المقفلة للسواقين ,,
اما الشباب اللي في الجامعة معانا وهم اكتر ناس اختلطت معاهم من جدة .,,واللهي مالقيت منهم اذى والا حاجة ,,واخلاقهم تمام وناس راقية بحقيقة الكلمة ,,ولا يعني انهم مافيهم الخربان
واما بالنسبة لـ أنك ماراح تستبدلي جدة ,,اكيد ,,
لانها البلد اللي تربيتي وكبرتي فيه ,,وكل الناس كدا ,,
و في ناس احسنوا ضيافتي الله يديهم العافية ,,وفي ناس ادعي عليهم لما اليوم ,,×(
بس مو عشانكم تربيتوا فيها
تهملوها ,وتصير خرابة ..يعني والله اني مقهور عليها ,,
وانقهر زيادة لما اشوف البحر ريحتو ,,
يعني في الترم الاول كنت اروح هناك ,,وماعلينا صحيح في شوية تلوث ,,
بس الترم التاني مرة مرة انقهرت لما حطوا الصرف الصحي مباشرة في البحر ,,قاعد ادعي عليهم ,,
الشعب المرجانية ,,والاسماك والتوازن البيئي في البحر ,,مرة اتهدم..خلاص ماحيرجع
صرت اشم ريحتو حتى لما اكون جاي من بعيد ,,و يتعكر جوي ,,واروح اشوف لي صرفة ,,
وخليج سلمان مرة بعيد
و اقضي يومي في السيارة اتمشى ,,مقفل القزاز ,,
يعني مو عشان اني اطلع عيوب جدة ,,اني اكرهها ,,لكن خلاص التلوث سيطر عليها بالكامل ,,
ما اقول الا الله يعينكم عليها ,.,
واتمنى والله انها ترجع زي زمان ,,و كمان اتمنى يمنعوا العوائل لا يجوا في قسم الشباب اللي عالكورنيش ,,ترى مرة اعصب
واسفين ادا كنت زعلتكم يا حقون جدة ,

[ستأتي أيامي]

المشاركة الأصلية كتبت بواسطة life as game ينقسموا تلاث انواع كول وخدم وصروب ,

إيش معنى خدم وصروب ؟؟؟؟

[Life as Game]

المشاركة الأصلية كتبت بواسطة ستأتي أيامي إيش معنى خدم وصروب ؟؟؟؟

ايش دراني عنكم ..
حقون جدة هم اللي طلعوها على انفسهم ..تجي تسأليني ؟؟
حتى مرة كنت اسولف مع واحد من الشباب ..
يقول ليا مستحيل اي واحد من جدة يخرج عن التلات دي ..
قلت ياهو ..استغفر ,,
طيب اللي مو صربي ولا خدمي ولا كول ايش تسموه ,,
قال دا يكون جامع الصفات كلها ..<<ياهو لا تجنني
قسم الدنيا عندكم معكوسة ..الله يعينكم بس