بنات الإدارة والاقتصاد اللي طلبوا تحويل تخصص ووقعوا على التعهد ، هلموا هُنا ^^

[طآلبهـ جآمـع ــيـة]

يسلمووو شوشا
وتنقبلي نظم يااارب

المشاركة الأصلية كتبت بواسطة shooshaa بنات احس مايحتاج نروح بكرا .. لانو المسج للناس الى ماتخصصت وانا خلاص تخصصنا بس بنحول يعني مافي شي زياده نسويه عشان نروح ايش رايكم اروح ولا لاء ؟؟؟ لانو عندي موعد بالاحوال استلام بطاقه

يس عليك ... نفس اللي فـ بالي .. يعني لو رحنا اليوم متى ح يمداهم يفرزوا الورق اللي سووا البنات الاثنين والثلاثاء ! ..
ما أدري كيف صراحة .. مترددة أروح ولا لأ
أحسهم محيدونا وجه أو يقولوا استنوا لما يطلع لكم فـ الأودس<<

ياااارب بكرا ينزلوها ويخلصووونا ياارب

شوشآ روحي الأحوال وبعدين عدي ع الجامعة
بس روحي الأحوال بدري .. عشان تجي الجامعة وقت مناسب وما يكون وقت نهاية الدوام
صح كمان ... الأحوال والجامعة مش بعيدين عن بعض
الله ييسر ياارب

[shooshaa]

المشكله الي بيوديني الاحوال غير الي بيوديني الجامعه


بس شكلو شكلو ماني رايحه

لانو فكرت فيها احنا اصلا حتى مسجات ماجاتنا

لانها للناس الى ماتخصصت مو احنا

بروح الاحد او الاثنين

[shooshaa]

اذاا جيتم من الجامعه علمونا شو صار

[•♥fŗŌồtą]

توني جاايه : (

يالله اش الشمس ذي انحرقنا

ما سو شي جمعونا بمبنى 420 وجلسو يفهمو البنات وقالو الي تبغا اي تخصص من العلمي توقع التعهد

وبما اني وقعت التعهد من الاثنين الي فاات قالت لي خلاص انتي وقعتي

واستنو لمن السبت الي جاي

يعني لاتجونا بكره ولا بعد بكره اصبرو لما السبت
وحينزل لكم جدولكم جاهز من غير لاحذف ولا اضافه وما تقدري تغير الشعب


وبس يعني روحتي اليوم على بلوشي بس اتشمست :<

[LAYAN89]

بنات كم ادنى معدل للقبول في الادارة والاقتصاد"؟!!!!!!

[طآلبهـ جآمـع ــيـة]

^
شوشا كووويس اللي ما رحتي

قسسسم بالله شئ مرآآآآ ينرفز >< !

لخببببطة لخببببطة إلى أقصى درجة !

أول شئ جمعونا فـ قاعة فـ مبنى 420

قالوا اللي لسآ ما تخصصت .. يعني مكتوب لها فـ الأودس .. مستجد - إدارة واقتصاد ، الحين نديها ورقة وتعبيها
واللي تبغى تحول تآخذ ورقة تعهد وتكتب التخصص اللي تبغاه
وقالوا للبنات المستجدات انتوا الحين سجلوا تخصصاتكم .. واحنا حنزل لكم جداول !! .. يعني يبغوا ينزلوا الجداول قبل ما ينزل التخصص! .. كيف تجي ما أدري

المهم سألناهم عن البنات اللي وقعوا يوم الاثنين والثلاثاء ..
قالوا اللي سوت التعهد من أول خلاص تروح مالها داعي هنا
احنا نبغى اللي مالهم تخصص + اللي لسآ ما سوت التعهد
قلنا لهم متى طيب ح تنزل التخصصات ؟؟ قالوا ما نعرف احنا حندخل طلباتكم بس غالبا بعد أسبوع أو حتى أسبوعين !!!!
بس انتوا حاليًا حاولوا تضيفوا المواد المشتركة بين قسمك اللي دحين والقسم اللي تبغي وأضيفوا مواد عامة

!!

والله كلامهم مرآ ما ريحني

يعني باللهي كيف ح يغيروا التخصصات بعد اسبوعين من الدراسة ؟؟

ويبغونا نضيف مواد عامة ومشتركة << كذا كويس
بس أخاف بعدين لما نبغى نحذفها ونضيف شئ ثاني ، ما ح يخلونا

الله يسامحهم بس .. لو دريت كان أضفت من أول ... الحين الشعب مليانة وبعضها مقفلة ؟؟


الله يهدييييهم والله رررربكة ولخبطة غير طبيعية

أنا ما أعرف متى حيدخلوا تقديم تحويل وتخصص العالمي ذي كلها !! اللي شفتها اليوم
ماشاء الله مرآآآآآ كثييير البنات
<< قاعتين من 420 اتملت .. مستوعبين ؟ قاعات الـ 420 ماشاء الله كبيرة
!!

الله ييسر لهم ، ويسهل عليهم الشغل
يااارب يخلصونا فـ آآقرب وقت !! << اللي مدري متى ؟

الله يسترررررررر

[•♥fŗŌồtą]

^

^

ياطالبه هيا قالت احنا حنزلكم الجداول جاهزه واعطونا ورقه فيها المواد الي حندرسها في المستوى الثالث

وقالت السبت ان شاءالله تنزل لكم الجداول بس التخصص مو الحين لانو الاقسام كلها نفس الشي لمن الترم الخامس

بعدين ينزلك اسم التخصص الي تبغيه

ذا الي قالتو

بس احسو كلام مو مقنع شوي

[طآلبهـ جآمـع ــيـة]

المشاركة الأصلية كتبت بواسطة •♥fŗŌồtą توني جاايه : ( يالله اش الشمس ذي انحرقنا ما سو شي جمعونا بمبنى 420 وجلسو يفهمو البنات وقالو الي تبغا اي تخصص من العلمي توقع التعهد وبما اني وقعت التعهد من الاثنين الي فاات قالت لي خلاص انتي وقعتي واستنو لمن السبت الي جاي يعني لاتجونا بكره ولا بعد بكره اصبرو لما السبت وحينزل لكم جدولكم جاهز من غير لاحذف ولا اضافه وما تقدري تغير الشعب وبس يعني روحتي اليوم على بلوشي بس اتشمست :<

إي والله الشمس حرقتنا وبس ><
الحمدلله ع كل حال

فروتا !
!
ما قالوا لكم أضيفوا مواد ؟! ... أنا سألتها وقالت أضيفوا المواد المشتركة

بس والله ما معاهم حق .. كيف ينزل الجدول وما نقدر نحذف ولا نضيف ؟؟
احنا ايش ذنبنااا ؟؟ .. ايش ذنبنا دامهم هما ما نزلوا التعهد من أصلووو فـ الأودس

>< !!

[طآلبهـ جآمـع ــيـة]

المشاركة الأصلية كتبت بواسطة •♥fŗŌồtą ^ ^ ياطالبه هيا قالت احنا حنزلكم الجداول جاهزه واعطونا ورقه فيها المواد الي حندرسها في المستوى الثالث وقالت السبت ان شاءالله تنزل لكم الجداول بس التخصص مو الحين لانو الاقسام كلها نفس الشي لمن الترم الخامس بعدين ينزلك اسم التخصص الي تبغيه ذا الي قالتو بس احسو كلام مو مقنع شوي

قلبو انا اللي فهمتو .. انو قصدها ع البنات اللي الحين مكتوب عندهم .. مستجد - إدارة واقتصاد
حتنزل لهم جداول بس بدون تخصص

واحنا اللي متخصصين خلاص بس طالبين تحويل نضيف (مواد عامة) +( مشتركة بين القسم اللي الحين احنا فيه وبين اللي نبغاه)
<< شكلها تقول كذا لأنو بعد ما يغيروا التخصص حقنا ح يكون الحذف والاضافة قيدو انتهى فتبغانا ننزل مواد .. عرفتي ؟

والله حبيبتي كلام مو مقنع أبدااا .. مو بس شوي

الله يصبرررنا ياااارب ,. ونشوف شو آخرتها

[•♥fŗŌồtą]

^

^

والله هيا قالت الجدول حينزل لكم السبت ولا تجيني وحده تقول ابغا اغير شعبتي ووتحمدو ربكم انها نزلتلكم شعب

انا ضحكت هنا اش ذي على بالها شحداين ولا ايش

عاد اش نسوي نصبر وربك يحلها ^^