تجمُع طآلبآت بحث وتدريب - د/ أمل دمنهوري ~

[غلا&جده]

المشاركة الأصلية كتبت بواسطة شهرزاد احمد باااااك .. كيفكم حبيبتي غلا عارفه انه الكل عنده ظروف يوم الاجتماع والله كان فيه بنات من دمام وبرا جده فقالت الي من برا وتبغا تجي راح تقدر تجي صدقوني لازم الواحد يتعب لجل مصلحته عشان كذا بقول لكم الي من برا تجي لو بس اول يوم اقلها تكتب اسمها لنها توزع لكل ووحده ورق وتكتب بيانتها وكذا ولاكذا لازم تجين الجامه لوو اخر دونيا تسوين دراسة تخرج معليشش مقدره انه كل وحده وعندها ظروفها بس لواحد لازم يتعب ويجتهد لجل لنجاح وهي قالت بلسانها الي تبي تجي تقدر تجي لو اخر الدونيا المهم كان كلاامها يوم الاجتماع عن كيفية كتابة التقرير وخطواتها تشرحلك خطوه خطوه وزعت ملزمه كيفية كتابه تقارير وفيه كلام لازم تعبيه فترة تدريبك وايش المشاكل الي واجهتيها وحلولها ..... الخ قالت المفروض خلاص كل وحده تبدا تدريب وماعاد راح تسوي اجتماع بس الي تبغا تجي وعندها سؤال هي حاضره وراح تساعدها بس قبل كل شي تبغا من كل وحده قبل تبدا تجيها بمسوده وتكون مختاره 3 مواضيع لتقرير وهي تساعدك وتختار وتقولك اذا صح ولا لا ربنا معانا والله يوفقنا ياررررب

لو ظروف خاصه فيني راح اقدر ازبط وضعي بسسس اذا مديرتي في الدوام مو راضيه تديني اجازه ايش نسسسوي يعني

وبعدين المفروض ترد على ايميلاتنا

[غلا&جده]

طيب ايش قالت نكتب في التقرير اي موضوع ولا لازم مشكله واجهتنا في مكان التدريب زي اغلب البنات

وكمان كنت حابه اسأل انا اذا طبعت اوراق التدريب عشان بتدرب في مكان شغلي لازم اول شي توقع عليها الدكتوره والمشرفه وبعدين تروح للمكان اللي راح ادرب فيه ولا عادي ؟؟

[بنانة12]

ايش الاماكن اللي ندرب فيها ونبغى الملزمه اذا ممكن

[غلا&جده]

UP


up

up

[بنانة12]

بنات ردو علينا ايش صار معاكم حتى هي امل دمنهوري ماردت علي ومنى عارفه وين ادرب لمى الحين قالت وين ندرب ويليت تنزلو لنا الملزمة حقت التقرير

[غلا&جده]

بنات هذي الاوراق اللي ادتكم هيا ؟؟

واذا فيه شي زايد ادونا خبر ؟

[milami]

السلام عليكن و رحمة الله وبركاته ,

زي ما قلتوا يا بنات كان الله بعوننا مع أستاذتنا ومثل ما قالت الأخت غاردينيا بالتحديد

انا كنت حضرت الاجتماع الثاني لأني من خارج جدة

وتكلمت عن الأماكن أنوا من الأفضل نبدأ في أي مكان لأنوا ما في وقت سواء قطاع خاص أو عام

لكن بما إني موارد بشرية فيفضَل الخاص فقلتلها إني لقيت مدرسة أهلية ما كانت مقتنعة بس قالت لي

لاقيلك تدريب في قسم شؤون الموظفات والحمدلله بدأت التدريب من هالأسبوع كإدارية

لكن تأتي مشكلة التقرير عن أي موضوع أكتب أنا شايفة الوضع جيد من وين أجيب مشكلة ؟!!!!

هي قالت التقرير عندها يكون بحدود من 12 إلى 15 أو 18 كحد أقصى طبعاً بدون صفحات

الفهرسة والمراجع وغيرها .

الإستبيان نوزعها ل7 إلى 9 أشخاص والبور بوينت فيها نقاط الأساسية دون تحديد ععد السلايدات

ما أدتَنا رقم جوالها والإيميل إن كنا محظوظات ترَد علينا ممكن إلى بعد أسبوعين

في حال عدم الرَد نضطر ننزل عشان نشوفها , وبالنسبة لي قالت يا ريت لو بديتي الكتابة تخلَي وحدة من البنات تجيب اللي كتبتيه عشان أصحح لك وتكمَلي بعدها

يا سلام اذا ما عندي وحدة اش أسوي ها؟!!!!!!!!!!!!!!!!!!!!!!!!!!!!!!

عذراً للإطالة ^^

[{رًحَيِل}]

طيب ايش العمل
انا بالعافيه اخذت اجازة وللاسف رحت يومين ورا بعض ولالقيتها الاثنين والثلاثاء
الثلاثاء تسمرت على مكتبها من تسعة الين الساعة 2:30 ولاجات
بليز يابنات ساعدونا ايش الطلوب منا وكيف وايش العمل
ايميلات ماترد علينا

[بنانة12]

والمشكله حتى البنات صايريين مايردون علينا علطول

[حنانيتا]

بنات اللي تروح الجامعه تكتب لنا ساعاتها المكتبية عشان اللي من برا جدة ينزلو في الايام اللي تكون متواجده فيها

وعندي سوال هل عادي تندري في مدرسة حكومية ابتدائي ومتوسط وثانوي ولا لا؟