تجمع للمتقدمات على وظيفة محاضر حاسب بجامعة عبدالعزيز برابغ

[قولد بروسسور]

المشاركة الأصلية كتبت بواسطة جاسوبيه 2010 الخط فصل على طول بعد ما قال ان الورق باللجنه ترى السؤال دا مره مهم لاني بسافر في العيد بكره اتصلي واسأليه خلي كل يوم واحد فينا يتصل

أهلا يابنات

أنا اليوم كان دوري في الاتصال
كلمت السكرتير ورد علي وكان متعاون جزاه الله خير وقال:

"إحنا حتى الآن في مرحلة الفرز
لكن أتوقع ان المقابلات تكون بعد رمضان

لكن ما أقدر اجزم لأنه هذا شئ يقرره عميد الكلية
فإذا قرر انها تكون في رمضان راح يتصلوا عليكم"

وسلامتكم
الله يكتب لنا الخير ويسهل امورنا.

[جاسوبيه 2010]

جزاك الله خير

[جاسوبيه 2010]

بنات دلوني
انا سفري في العيد ايش اعمل وما اقدر ااجل حجزي
ايش الحل ؟؟؟؟؟؟؟؟؟؟؟

[قولد بروسسور]

المشاركة الأصلية كتبت بواسطة جاسوبيه 2010 بنات دلوني انا سفري في العيد ايش اعمل وما اقدر ااجل حجزي ايش الحل ؟؟؟؟؟؟؟؟؟؟؟

لاحظي انه عادة اعضاء هيئة التدريس يكونوا في إجازات الا المكلفين بأعمال إدارية
ممكن تحاولي تستفسري من العميد مباشرة جربي ارسلي ايميل للعميد يمكن يرد عليكي
ولاتقلقي

طبعا أول اسبوع من الدوام عادة ما يحبوا انه يبدأوا في الاعمال المهمة
يعني بيكون معايدات ثم الكل يحب يرتب اموره ومكتبه
وينظموا امورهم
فأعتقد انها نكون الاسبوع الثاني من الدوام

انتي سفرك متى ولمدة كم يوم؟

[جاسوبيه 2010]

المشكله ان العميد ما يرد على ايميلات وانا مجربه الشي دا من زمان
سفري يوم 6 شوال و لمدة سنه . وربي محتاره والمشكله ان سفري مستحيل يتأجل

[قولد بروسسور]

المشاركة الأصلية كتبت بواسطة جاسوبيه 2010 المشكله ان العميد ما يرد على ايميلات وانا مجربه الشي دا من زمان سفري يوم 6 شوال و لمدة سنه . وربي محتاره والمشكله ان سفري مستحيل يتأجل

اذا سفرك مدته سنه
طيب ايش راح تعملي لو جاتك الوظيفة

[جاسوبيه 2010]

انا مسافره بعثه ولسه توني لغه واجلت كثير عشان كدا دا كان اخر تأجيل ليا
ولو كانت جاتني الوظيفه كنت تركت البعثه لإني لسه ما بديت

[redflower]

السلام عليكم

يا أخت حاسوبية بإذن الله لا تشيلي هم
لو اتصلو عليكي عشان المقابلة الشخصية وانتي رايحة بعثة

اطلبي يعملو لك المقابلة بالتلفون وبلغي العميد بظروفك من بدري
وانك الحمدلله معاك الماستر وعندك رغبة وطموح في العمل
لأنه في وحدة من قسم الرياضيات عملو لها المقابلة بالتلفون لأنهم نسيو يتصلو عليها ورجعت سألتهم وشافو درجاتها عالية
وعمل لها العميد مقابلة بالتلفون

واترشحت ما شاء الله عليها


الله يعينك بس هذي فرصة لازم انك تشوفي حل من بدري لو تروحي للعميد وتقولو يعملو لك استثناء ومقابلة قبل العيد

كحالة خاصة لك

[redflower]

روحي لمدير الجامعة أو عميد الدراسات العليا الدكتور الزاهد وبلغيه بوضعك وهو يشوف لك طريقو مناسبة

الله يعينك ويوفقك ويفرجها علينا يارب

[snowystorm]

المشاركة الأصلية كتبت بواسطة جاسوبيه 2010 المشكله ان العميد ما يرد على ايميلات وانا مجربه الشي دا من زمان سفري يوم 6 شوال و لمدة سنه . وربي محتاره والمشكله ان سفري مستحيل يتأجل

حبيبتي حاسوبية لاتشيل هم أبداً لأنه زميلتي زي وضعك تمام ..فأعملي التالي : أتصلي على عميد كلية الحاسبات برابغ ...شوفي أيش أسمه وأتصلي عليه لاتكلمي السكرتير قوليله يحولك للعميد ..أوكي وضحّي رغبتك بالعمل في الجامعة وانتي الآن طالعة تكملي دراستك ...يسير تقولي له انك حابه يعملوا لك مقابلة الآن كحالة إستثنائية !!...حيقولك ولو أنقبلتي أيش حتعملي بالمباشرة قولي له وقتها حأجل دراستي ويسير أطلع بعثة عن طريق الجامعة ..خليكي هادية ياقلبي ولاتشلي هم إلا ربي حيفرجها وتنبسطي بإذن الكريم وكذا وإلا كذا انتي مو خسرانة والخيرة في اللي يختاره ربنا :)

بالتوفيق لي ولكم ولجميع المسلمييييييين