][ تجمع للجداول و تعديلها و الحذف و الإضافة ][

[جروووحه]

حبايبي اي جدول يعتبر تمام بليز ردولي
ايض 1 +غير عضوي +فيزيائية +تغذية +سموم +مناعة
تحليلية +غير عضوي +فيزيائية +تغذية +سموم +تطبيقية
ومنماعه مين احسن استاذة

[بيو كيميائية ^_^]

المشاركة الأصلية كتبت بواسطة جروووحه حبايبي اي جدول يعتبر تمام بليز ردولي ايض 1 +غير عضوي +فيزيائية +تغذية +سموم +مناعة تحليلية +غير عضوي +فيزيائية +تغذية +سموم +تطبيقية ومنماعه مين احسن استاذة

لساتك ما أخذتي أيض1 !! الأول أفضل بيكون طبعًا

[جروووحه]

اخذتو وحملتو مع اعتماد ودا الترم مو نازل لاعتماد شعب بس شعبتين اماني وانا خايفه اخذ معاها

[بيو كيميائية ^_^]

أها طيب خذيه مع أماني و شدي حيلك

أصلًا ماينفع تاخذي تحليلية قبل ماتاخذي أيض1 و 2

شلون تفهمين فماينفع الجدول الثاني

خذي الأول و أماني ماتخوف بس يبي لك مجهود معاها كبير

[asma2]

السلام عليكم بنات ... أنا أحياء مستوى خامس ، رح امشي على نفس الخطة بس راح استبعد حيوان أو نبات و أخذ بدالها وراثة لأني أخذتها المستوى اللي فات مع دكتورة هند الزهراني في الفيصلية و صراحة كانت مرررره ما تعرف تفهم بس كانت تراعي بالتصحيح وأنا ما احب أعدي مادة و أنا مؤ افهمه منها شئ ... الزبدة بعد ذي البربره كلها ابغا اعرف أحسن استأذات للحيوان و للنبات و للمايكرو و للوراثة الله يخليكم تنصحوني عن تجربة أو من درايتهم بشخص موثوق فيه + ابغا مساعدتكم كيف أجيب في ذي المواد معدل عالي لأنو و لا مره وصل معدلي 4 :( .. و مشكككوووريين سلفا و صدقوني كل وحدة رح ترد عليا سواء افادتني وإلا لا رح ادعي لها من كل قلبي لأني مهموما و ضايقه فيني الوسيعه لان كل سمسار جدولي يكون تعبااااان من ناحية الاستاذات و الأوقات :(

[جروووحه]

بيو كيميائية يسلمو تعبتك معايا
طيب اش افضل دي المواد ومين افضل استاذاتهم وينفع اخد اثنين مع بعض المواد (هرمونات -سموم - مناعة )
طبعا دا جدوولي حيكون (ايض 1 +غير عضوي +تغذية + مادتين من المواد الاختيارية الي فوق )

[LeLou]

السلام عليكم و رحمة الله و بركاته..

رجع الحذف و الإضافة :)

اللي يبغى يعمل جدوله أو يعدل عليه يقدر حاليًا..

بالتوفيق||~

[nooly]

يابنات . انا متخصصة جينوم
وكل مواد الجينوم مقفلة , توي رسلت لاستاذة سمية
مررا قلقانة :(

[دنادش]

بنات انا الخين مستوي خامس وابي اخذ ميكرو وكيمياء حيوي واسس تغذيه بس المشكله الشعب مقفله وغير شذا اسس تغذيه يقول لي قيود يعني ماتبي تنضاف وش السالفه
وانا ماعرف المرشده حقتي كيف اقدر اقدر اعرفها ؟؟؟ مرة ضروري وربي ضايعه

[بيو كيميائية ^_^]

المشاركة الأصلية كتبت بواسطة جروووحه بيو كيميائية يسلمو تعبتك معايا طيب اش افضل دي المواد ومين افضل استاذاتهم وينفع اخد اثنين مع بعض المواد (هرمونات -سموم - مناعة ) طبعا دا جدوولي حيكون (ايض 1 +غير عضوي +تغذية + مادتين من المواد الاختيارية الي فوق )

مناعة أظن إنها أسهل شيء

سموم ماجربتها فما أعرف

هرمون يبي لها حفظ و أنتِ عندك أيض1 و غير عضوي فماينفع معاهمـ

المشاركة الأصلية كتبت بواسطة دنادش بنات انا الخين مستوي خامس وابي اخذ ميكرو وكيمياء حيوي واسس تغذيه بس المشكله الشعب مقفله وغير شذا اسس تغذيه يقول لي قيود يعني ماتبي تنضاف وش السالفه وانا ماعرف المرشده حقتي كيف اقدر اقدر اعرفها ؟؟؟ مرة ضروري وربي ضايعه

أسس مادة حرة تنضاف من الجامعة