اتسكنتٍ تمريض ..؟ تعالي ياقميلة ..

[bayan-ow]

فولو آمين يارب الله يوفقك وين مارحتي على الي تكتبيه وحبك لمساعدة الغير ♥♥

[bayan-ow]

بما ان الجداول نزلت لاحظت شي مافهمت اش هو مكتوب مادة وفوقها tut اش معناه الباقي فهمتو الي هو محاضرة ولاب اما ذا اش هو

[no0ona.s]

مررة شكرا حبيبي بس انا صراحة جالسة افكر مني متأكدة لسا اني احول ولا لا وكمان اصلا الجامعة ارسلولنا انو نروح الجامعة اليوم وبكرة عشان نتخصص ونكمل اجراءا التسجيل بس ما اضن انو اقدر اروح لانو كمان تخصص الحاسب الترم التاني مو دحين وكمان جدولي نزل فبس يعني انا مشوشة شوية ومني عارفة اذا احسن احول من الحاسب للتمريض ولا لا

[ALFN]

مع اني مو تمريض

و لا علمي اصلا ..

لكن بجد حبيت الموضوع وحبيت كلامكم المحفز للبنات , يابختهم

واتحمست للسنة الجديدة مع انو مالي دخل بالهرجة

_

وحبيت تعاون البنات مع بعض وحماسكم للقسم

ان شاء الله نلقى ف الاعلام ناس زيكم وزي العسل فتو

+

الله يوفقكم يارب ويسدد خطاكم

التمريض مهنة انسانية ممتعة , عيشو التجربه بكل حماس وأمل
* واحتسبوا كل شي اجر عند ربي *

* بما انو صديقتي الصدوقة ابرار غروي تمريض حبيت ارد لعيونها وعيون الممرضات كلهم *

[roro-X]

مررا حلو الفيديو 😊
تسلمي ياعسل😘

[ابرار غروي]

المشاركة الأصلية كتبت بواسطة alfn مع اني مو تمريض و لا علمي اصلا .. لكن بجد حبيت الموضوع وحبيت كلامكم المحفز للبنات , يابختهم واتحمست للسنة الجديدة مع انو مالي دخل بالهرجة _ وحبيت تعاون البنات مع بعض وحماسكم للقسم ان شاء الله نلقى ف الاعلام ناس زيكم وزي العسل فتو + الله يوفقكم يارب ويسدد خطاكم التمريض مهنة انسانية ممتعة , عيشو التجربه بكل حماس وأمل * واحتسبوا كل شي اجر عند ربي * * بما انو صديقتي الصدوقة ابرار غروي تمريض حبيت ارد لعيونها وعيون الممرضات كلهم *

الله الله فنونتي ههون 😳! نورتي أبو قسم كله ي شيخخة 😍 ❤❤


الله يوفقك يارب واشو فك افضل إعلامية بالسعودية ❤،
فديت عيونك ي بعد عمري والله 😘


الحمدالله ربي سخرلنا ناس طيبه هنا وعقبال عندك يارب 😷

[Dr.Shaikhah]

المشاركة الأصلية كتبت بواسطة no0ona.s اوكي بس ليش يعني لازم احد من اهلي يروح قسم الرجال قصدك ؟ ماينفع انا بنفسي احول عادي من عند البنات ؟

تقدري تروحي للشؤون عندنا بس انا كنت اقولك تعملي زي صاحبتي هيا خلّت ابوها يتابع لها من قسم الرجال مادري من فين بالضبط

[no0ona.s]

اها اوكي شكرا مررة انا حأفكر واشوف إن شاء الله ربنا يخترلي الي في الخير

[fto0o]

المشاركة الأصلية كتبت بواسطة bayan-ow بما ان الجداول نزلت لاحظت شي مافهمت اش هو مكتوب مادة وفوقها tut اش معناه الباقي فهمتو الي هو محاضرة ولاب اما ذا اش هو

tut = tutorial



بالعربي كدا .. مراجعة

شوفو النظام عندنا في الكلية كيف..
تفتكرو الاحياء ؟ كيف كان في دكاترة حيوان ودكاترة نبات ؟

نفس الشي هنا .. اللهم .. مثلاً تقسيمات مادة البايوكميستري .. دكتورة لجزئية الـ كاربوهيدرات ودكتورة للبروتين والانزيم ودكتورة لليبدز وووووالخ .. فـ تجيكم دكتورة الكاربز تعطيكم كل الكلاسات الين اخر كلاس تجيكم تقلكم يلا تتوريال تراجعلكم ع السريع الي اعطتكم هوا وبعدها تبدأو جزئية جديدة الي حتكون بروتين او ليبدز او انزيمز او اي شي الموهم كل جزئية بعدها تتوريل وتمضي الحياة - كل دكتورة على حسب .. في دكتورة تقلكم زاكرو واسألكم وفي دكاترة يقرقرو على راصك المنهج في كلاس ع السريع ودكتورة تقلكم ح اجيبلكم اسألة نحلها سوا << احياناً كانت تيجي منها في الاختبار فــ كنا نطيح تصوووووير للسبورة المعروضة فيها السلايدز x'P << كانو يمنعونا نكتبها فـ نصور بالدس هع >>


الموهم التتوريل يعني مراجعة ودا كان المراد تفهيمه بس


ملاحظة : التتوريل يختلف من مادة لمادة ومن دكتورة لدكتورة عادي بعضهم تفقع وتضطرو تروحو تجيبوها تعملكم وبعضهم تفقعو منها انتو وتصفو ابو كلاسها وبعضهم تتحمسو لتتوريلاتهم وتكون اهم من كلاساتهم نفسها


ووووو بالتوفيق ياقميلات وبعدينا بيننا وبينكم نعلمكم على حركات الدس وكدا

[Dr.candy]

سلالالالام يا آسيااات


طيب بحط لكم لينك موقع الكلية
بعد ما اتعدل وصار حلو الموقع
تقدر تلاقو كل شي الجداول و نبذه عن الاقسام
والدكاترة وطريقة التواصل
وصور الكلية

http://nurs.kau.edu.sa/Default.aspx?Site_ID=667&Lng=AR